Isikiel 37:7 - DAWAN BÎLA AISKA

⁷ Bara yang aisari, witin ai win ba baku. Bara aisi katna piua ra, bin tara kum walri: tasba nikban kata, bara dusa nani ba asla taki kan kum wihki wala nani wal.

Isikiel 37:7 ပူးပေါင်းရင်းမြစ်များ

Jirimaya 26:8

Witin aisaia Dawan mita win ba witin sut aisin ba ra, prîs nani, prapit nani, upla wala nani bal Jirimaya ra prak alki bara win: “¡Man lika pruaia!

Isikiel 12:7

Yang duki nani ridi daukri, nahki Dawan mita adar aikan ba kat; bara witin wal taki wari kakna yu klir ra, sim upla kum alba lâka ra auya baku. Tutni tawan taim, kutbanka bara unta kum daukri yang mihti ni; tihmia iwan ba ra, upla sut nakra ra diara nani ba paihpaya ra suni brih, baha bâk taki wari.

Isikiel 37:8

Bara kaikri baha nani purara wakia nani taki kan bara wîna bara taya ni biki kan ba. Sakuna raya kaia wingka puhbanka âpu kan.

Apastil Nani Sturka 2:2

Bara tisku kan witin nani walan bin kum bal iwan, sim pali pâsa karna krawi binka baku. Baha watla bilara witin nani bâra kan ba sut banhkan.

Apastil Nani Sturka 2:37

Upla nani naha walan ba ra, sari pali takan, bara witin nani Pita ra bara apastil wala nani ra sin makabi walan: —Muihki nani, ¿yang nani dîa daukaia sna ki?

Apastil Nani Sturka 4:19

Kuna Pita Jan wal pana win: —Man nani pali luki kaiks, Gâd mawanra aitani kabia sapa yang nani Gâd bîla walaia katna ba swi si, man nani bîlam walamna kaka.