Isikiel 37:6 - DAWAN BÎLA AISKA

⁶ Wakia nani mai mangkamna ba ra, wîna ni mai banhkamna, taya ni mai bikamna bara rayaka wingka mai puhbamna rawi buma dukiara. Baku mika man nani damra walma, yang sika Dawan sna ba.’ ”

Isikiel 37:6 ပူးပေါင်းရင်းမြစ်များ

Blasi Sturka 2:7

Bamna Dawan Gâd bui upla ba tasba yuya pali wina paskan, bara raya kaia payaska ba kakma unta nani ra puhbi dingkan. Baku sika upla ba ai rayaka mahka brin.

1 King Nani 20:28

Bara naha piua ra prapit kum Israel kingka ra balan, bara win: —Dawan ba naku wisa: ‘Siria uplika nani aisin, yang ba il nani gâdka kum sna, sakuna il bîla nani gâdka apia sni; bamna yang naha ailalka tara na sut mihtam ra mangkamna, bara man kaikma yang sika Dawan sna ba.’

Lawana Nani 104:30

Man wingka puhbra rayaka blikisma, bara witin nani paskram sa; bara man naha tasba mawanka kli raya daukisma.

Impakan Sturka 6:3

Ebraham ra, Aisak ra bara Jekob ra latan takri bara witin nani ra wîri, yang nini ba Gâd karnika sut pali bri ba, sakuna nini pali ‘DAWAN’ ba lika wiras kapri.

Aiseya 26:19

Man pruankam nani ba kli raya takbia; pruan nani ba kli raiti wina bubia. Tasba ra yapi nani ba rawi bubia bara aiwani banhbia. Kan man ingnikam blikisma, diara mangkan wahia purara diwas laya buski ba baku, bara tasba ra pruan nani ba kli rawi bubia.

Aiseya 49:23

King nani ba tasba ra man takan papikam nani kabia, bara king luhpia mairin nani ba luhpiam main kaiki kabia. Ai mawan tasba ra bawi witin nani mamwanra mamyunbia, tasba yuya minam wina, ai twisa ni dabia. Bara man kaikma yang sika Dawan sna ba, baha nani yang bîli kaiki ba swira daukan kabia apia.”

Isikiel 11:10

Sord malka ra pruma. Yang bui Israel tasbaya piarkika ra lâmka daukamna, bara damra walma yang sika Dawan sna ba.

Isikiel 11:12

Bara damra walma yang sika Dawan sna ba; kan yang lâika ra taukras kapram bamna, yang lâ yabri ba bîla walras, kuna nisan wala nani kir mai bri ba natka kat man nani dauki banhram.’ ”

Isikiel 20:38

Mapara babura bara turbanka dadaukra nani ba wina dakbi mai sakamni, bara nanara upla tasbaya ra iwisma ba wina mai sakamna; kuna witin nani Israel tasbaya ra dimbia apia. Bara baku man nani damra walma, yang sika Dawan sna ba.

Isikiel 32:15

Idsip ba upla iwras tasbaya daukamna bara kuntri ba bîla man takbia, upla âpu ba ra, ai dara wali banhbia yang sika Dawan sna ba.’

Isikiel 34:27

Unta dusa nani ai mâ sâkbia, tasba ba kau yamni takbia, bara lamni lâka ra iwbia klauna ai tasbaya ra. Yang tawanki ba pri sakamna, bara baha alba lâka ra bri ba wina ai dara wali banhbia yang sika Dawan sna ba.

Isikiel 35:12

Baha ningkara man bui yang ra ai kaikma yang, Dawan, man lahtuban bîla nani sut Israel ilka nani mapara aisisatma ba yang walri ba, Man wiram: ¡Upla iwras tasbaya takan; nanara yawan sip sa baha âpu daukaia!

Isikiel 35:15

Man lilia takram Israel mita kuntri wala nani dakbi ai dukia bri kan ba sauhkan ba ra, sakuna man nani ra sin baku takbia: Man upla iwras tasbaya takma, Seír ilka, Edom kuntrika. Baha ningkara ai dara wali banhbia yang sika Dawan sna ba.’

Isikiel 35:9

Ban kaia ra upla iwras tasbaya mai daukamna bara upla kum sin kuntrikam ra iwbia apia. Bara baku man nani damra walma yang sika Dawan sna ba.

Isikiel 37:14

Yang bui man nani ra wingka puhbra ba mangkamna, bara man nani kli rawi buma; bara kli man nani tasbayam ra mai swimna. Baku lika man nani kaikma, yang, Dawan aisari ba bara daukri ba. Yang, Dawan, kasak aisisna.’ ”

Isikiel 38:23

Baku marikamni tawan ailal nani ra, yang tara pali bara holiki lâka ba marikamni. Yang bui yabrika witin nani ai kakaira takbia, bara ai dara walbia yang sika Dawan sna ba.

Isikiel 39:22

Baha yua wina ai tâura, Israel wina nani ba ai tânka bribia, yang sika ai Dawan Gâdka sna ba.

Isikiel 39:28

Yang mita blikri alki bri waia nisan tringsar nani tilara, bara yang kli asla daukamna aima wala ra ai tasbaya ra. Kumi sin ai tasbaya wina alki bri wabia apia. Baku mika ai dara walbia, yang sika ai Dawan Gâdka sna ba.

Isikiel 39:6

Pauta klauhan blikamna Magog purara bara lamni ba kabu lamara iwi nani purara. Baku mika ai dara wali banhbia yang sika Dawan sna ba.

Isikiel 6:13

Aidul nani ba tilara altarka nani kaina kir bara kiuhsi nani purara, il nani purara, dus sangni pâwi nani munhtara, usupum dusa dista bri nani ba munhtara, witin nani diara kîa pain nani angki ai aidulka nani ra yabi ba pliska nani ba ra, upla pruan nani bâra kabia ba kaikbia, bara man nani wima yang sika Dawan.

Isikiel 6:7

Bara pruan nani ba man nani tilamra ailal pali kauhan kabia; bara damra wals yang sika Dawan sna ba.

Isikiel 7:4

Umpira kaikan lâka ni mai kaikamna apia, klala maikaisna man daukankam ba dukiara, bara maikrika man saurkam nani tâka, dîa takan nani ba mana aibapma. Bara damra walma yang sika Dawan sna.

Isikiel 7:9

Umpira kaikan lâka ni mai kaikamna apia; klala maikaisna daukankam ba kat, maikrika man diara saura pali nani daukram ba mana aibapma. Bara man nani tânka brima yang, Dawan, man nani ra klala maikisna ba.

Joel 2:27

bara man nani, Israel luhpia nani, yang lika man nani Dawankam, man nani wal ban sna ba tânka kaikma, yang lika man nani Gâdkam sna, man nani lika gâd wala âpu. ¡Yang upliki nani swira daukan ba, swira lâka ba munhtara ban kabia apia!

Joel 3:17

“Baha yua ra man nani kaikma, yang Dawan, man nani Gâdkam sna ba, yang Saion ra iwisna, ilki holikira ba ra. Jerusalem ba tawan holikira kum kabia; nisan nani bal kli pura lui dakbi bribia apia.

Kli Smalkanka 29:6

Brit, wain, diara laya nani sin piaia diaia maikras kan, bara Dawan ba man nani Gâdkam ba tânka bri kama dukiara.