Isikiel 37:26 - DAWAN BÎLA AISKA

²⁶ Witin nani aikuki lâ kum daukamna, ai rayaka lamni lâka ra iwi kaia dukiara. Ban kaia ra wilkanka kabia. Yabrika ailal pali takbia, bara ban kaia ra tempelka holikira ba witin nani tilara mangkan kabia.

Isikiel 37:26 ပူးပေါင်းရင်းမြစ်များ

Blasi Sturka 17:7

Man wal lâika daukisna na, man kiamkam nani wal sin yang lâ daukamni. Yang lika man Gâdkam ban kamna, witin nani ai Gâdka sin.

Blasi Sturka 9:16

Kasbrika nani ra kumadura ba bâra kabia baha kaikamna ba ra kupi krawbia, lâika ban kaia ra daukri ba upla sut wal bara daiwan nani sut tasba ra ba wal sin.”

2 Samuil 23:5

Baha mita yang kiamki ba kitras Gâd wal bâra sa, witin ba yang wal lâ kum ban kaia lâka ba daukan sa, lâka aiska daukaia pat ulban sa, sip luras. Pura luaia lâka aiska ba witin bui yang ra aikisa bara yang brinki ba sin sut aikisa.

Lawana Nani 68:18

Gâd, man purara uli watma upla nani priski brih muni, lal mana sakram upla nani wina; bara man mampara babura nani sut ba, Dawan, man ra bawan.

Impakan Sturka 15:17

Dawanki, wan brih was man ilkam holikira ra bâra iwaia; baha ilka ba man mita bâk sakram, man bahara iwaia, iwaia watla man mihtam ni alki buki bapram ba.

Impakan Sturka 25:8

Yang dimi takaskaia watla sin kum man nani mâkma, bara yang bal muni witin nani tilara takaski kamna.

Aiseya 27:6

Yua nani balbia, Jekob ai wakia nani bribia, tangnika baiwbia Israel slaunhka urhwi takbia, bara tasba mawan âpu mâ nani ni banhbia.

Aiseya 49:21

Bara man kupiam lukra ra wima: ‘¿Ya mita naha nani luhpia na aikan? Yang luhpa âpu katna, sip sin briras katma; yang ai lulkan bara yang yakan katna, ¿ya mita pakan? Yang ra yakan ai swin kan, ¿ansa wina balan?’ ”

Aiseya 55:3

Man nani kiamam pri tniki wals bara yang ra bal; man nani wals, bara sulkam ba raya kabia; man nani wal lâ kaia lâka ba daukamni, umpira kaikan lâka, ban kaia pramiska, Debit wal daukri ba baku.

Jirimaya 30:19

Witin nani lilia lawana tâ bri aiwanbia lilia kikanka ba sin. Kau wiria takbia apia, witin nani kau ailal daukamna. Bahki kulki kabia apia, kan yang mita witin nani ba yamni kulkamna.

Jirimaya 31:27

Dawan ba kasak aisisa: “Yua kum balbia ba ra yang daukamni upla nani bara daiwan nani ailal kabia Israel ra bara Juda ra sin.

Jirimaya 31:31

Dawan ba kasak aisisa: “Yua kum balbia bara yang daukamni lâ raya Israel bara Juda wal ra;

Jirimaya 32:40

Witin nani wal upliki ban kaia lâka kum daukamna: yang bui witin nani ra yamni munisna ba takaskras ban dauki kaia pramiska daukamni; yang ra yamni ai kulki ban kaia kli ai swi waia apia brinka ni banhkamni.

Isikiel 11:16

Baku mita, wis: ‘Naku wisa Dawan ba: Yang mita kangbi sakri, bara tasbaya aiska ra yakabi kir lakri, kuntri tringsar nani tilara, sakuna naha sât na piua kunhku baman kabia. Nahara yang sika, witin nani kutbanka painkira kum kamna ani tasbaya ra wabia sut ra.’

Isikiel 16:60

Kuna yang lika kupi kraukamna, man wal lâ daukri ba, tiara katma piua ra; bara lâ raya ban kaia daukamni man wal.

Isikiel 16:62

Yang kli lâ raya man wal daukamna, bara damra walma yang sika Dawan sna ba.

Isikiel 20:37

Yang kumi bani ra laki mai kaikamna, sepad baku ai sîpka nani kulki kaiki ba; bara yabrika ai pramiska ra iwbia.

Isikiel 20:40

Israel luhpia nani sut ba maiyunbia ilki holikira ra, baha ilka Israel dukiara purara bukan ba, yang kuntriki ra bâra ba. Yang, Dawan, kasak aisisna. Bahara liliakira mai brimni; bahara makabamna prisant nani aikaia, bara brih balaia wimna dusam mâ tawahkia nani dakbi ba bara dîa dîa yang duki aikaia aihka sâkma ba.

Isikiel 34:25

Witin nani wal lâ wilkanka kum daukamna, yabrika rayaka kum lamni kabia. Yabrika tiwbia kuntri daiwra wail nani ba. Baku sîpki nani ba sip kabia lamni ra iwaia, plis kum param ra bara unta tilara lika apia.

Isikiel 36:10

Yabrika Israel ra iwi nani ba ailal pali takbia. Tawanka nani ba upla nani ni banhkamna, bara sauhki tikan nani ba kli paskbia.

Isikiel 36:11

Yabrika upla bara daiwan nani ba ailal pali sauhbia. Upla ailal pali takbia blasi piua ra kata baku; bara piu luan ba wal, man nani kau yamni kama. Baku mika damra wali banhma yang sika Dawan sna ba.

Isikiel 36:37

‘Yang Dawan sna ba, aisisna: Diara kum kau daukamna. Israel luhpia nani witin nani ai dukiara dîa daukaia makabia ba yamna; witin nani ba upla ailal daukamna sîp daknika kum baku.

Isikiel 43:7

bara ai win kan: “Naha sika kingki lâka pliska, mini mangkisna pliska; nahara iwamna Israel luhpia nani tilara ban kaia ra. Witin nani bara ai kingka nani sin apia kabia, kli nini kulkanka âpu daukbia ba; nini holikira ba, kasak apia lâka ba wal: Kli lilka tara nani paskanka daukbia apia, ai kingka nani prubia ba ningkara.

Isikiel 43:9

Nanara yang wina laihura sâkbia kaka, apia kaka ai kingka nani lilkika kusbi paskanka ba, bara yang lika witin nani tilara iwamna ban kaia ra.

Isikiel 48:35

Kutbanka yahpika aiska ba 10,080 yar bara tawanka nina ba mawan tani ra nina ba mâkan: ‘Dawan ba nâra sa.’ ”

Sofonías 3:15

Dawan pât ra mai lakaia mampara aisin ba kli swin, bara waihlam nani ba kangbi sakan. tilamra sa; Dawan, Israel kingka, man nani bara diara saura kumi sin sîa yama apia.

Sakaraya 2:5

Ban sakuna, Dawan naku wisa: Yang, Jerusalem kir pauta klauhi kutbanka kum baku kamna, bara tawanka bilara praina tara ba latan marikamna.’ ”

Kulki Kaikanka 25:12

Bamna wis, yang lika witin wal kupia kumi lâka daukuna,

Jan 14:27

“Man nani wina dakwi takuna kupia kumi lâka ra. Kupi kumi lâka man nani ra maikisni, sakuna tasba uplika nani kupia kumi lâka yabi ba sât lika apia. Man nani kupiam trabil bripara bara sibrin kapara.

2 Korint 6:16

Bara diara kum mapa ra sin sip apia sa Gâd tempelka ba aidul nani wal prakaia. Bamna yawan nani lika Gâd rayakira ba tempelka sika, Gâd witin pali aisin ba baku: “Yang lika witin nani tilara iwamna bara sin taukamna; yang lika witin nani Gâdka kamna bara witin nani ba upliki nani kabia.”

Hibru Nani 6:14

Bara witin bila: “Yang pramis mai munisna, yamni mai munamna bara kiamkam sin ailal maikamna.”