Isikiel 37:12 - DAWAN BÎLA AISKA

¹² Bamna aitani, yang nini bri smalks bara wis: ‘Dawan ba naku wisa: Yang upliki, man nani raitikam kwâkamna; baha wina mai sakamna Israel tasbaya ra kli tawi waia.

Isikiel 37:12 ပူးပေါင်းရင်းမြစ်များ

Aiseya 11:11

Baha piua ra, Dawan ba aima wala kli ai karnika marikbia, ai uplika nani kau swin ba kli bri balaia, Asiria, Idsip, Patrus, Etiopía, Elam, Sinar, Hamat bara kabu un ra iwi tawanka nani ba wina sut sin.

Aiseya 26:19

Man pruankam nani ba kli raya takbia; pruan nani ba kli raiti wina bubia. Tasba ra yapi nani ba rawi bubia bara aiwani banhbia. Kan man ingnikam blikisma, diara mangkan wahia purara diwas laya buski ba baku, bara tasba ra pruan nani ba kli rawi bubia.

Aiseya 66:14

Man nani baha kaikma, bara kupiam lilia takbia, bara man nani dusam ba kli raya karna takbia twi raya taki pâwi ba baku; bara Dawan mita ai dukia dadaukra ba param marikan kabia, bara ai waihla nani mapara, ai kupia baiwanka ba marikbia.

Isikiel 28:25

“Yang Dawan sna ba, naku wisni: Asla daukamna Israel ba, nisan nani tilara yakabrira ba wina; bara marikamni holikira sna lâka ba, nisan nani nakra ra. Israel klauna ai kuntrika ra iwbia, baha kuntrika Jekob, duki dadaukra ra yabatna ba.

Isikiel 36:24

Yang mai sakamna baha kuntrika bara nisanka tila ba wina; asla daukamna bara yabrika ai tasbaya ra kli balbia.

Isikiel 37:13

Bara yang raitikam nani ba kwâki mai sakamna bara damra walma man nani ba, yang upliki, yang sika Dawan sna ba.

Isikiel 37:21

Ningkara wis: ‘Dawan naku wisa: Israel ba nisan wala tilara wih takaskan ba wina sakamna; asla daukamna plis sât sât wina bara yabrika ai tasbaya ra kli tawbia.

Isikiel 37:25

Duki dadaukra Jekob ra yabatna kuntrika ra iwbia, bahara ai almukka nani iwata ba. Bahara witin nani iwbia ban kaia ra bara ai luhpia bara ai kiamka nani sut; bara duki dadaukra Debit ba ai tâ brabrira kabia.

Isikiel 37:4

Bamna Dawan bui ai win: “Yang nini brih, naha dusa nani ra aisas. Bara wis: ‘Dusa lâwan nani, man wals Dawan smalkanka bîla na.

Daniel 12:2

Raiti ra yapi banhwi ba ailal pali kli buan kabia: manis raya ban kaia lâka ba bribia, bara wala nani ra lika swira lâka bara pât ban kaia ra takbia.

Oseas 13:14

¿Prura tasbaya wina witin nani ba pri sakamna ki? ¿Prura wina witin nani ba swaki sakamna ki?... Prura, ¿anira sa, man karnikam sauhki wan tatikra ba? Prura tasbaya, ¿daukankam saura nani ba anira sa? ¡Naha uplika nani dukiara, kau kupi latwan bri kamna apia!”

Oseas 6:2

Ningkara, siknis âpu wan daukan kabia, yawan na kli wan bukbia, witin ai mawanra raya iwi kaia.

Joel 3:5

Man nani bui yang silbarki, gulki impliki brih waram; duki kukanka nani ba brih man nani gâdkam paskram nani ba watla ra suni swiram.

Sofonías 3:20

Baha piua ra, man nani sut kli mai bri balamni, asla mai daukamni. Tasba ra upla nani sut bâra ba tilara man nani iwankam natka ba lakamni yamni mai kulkaia ra, bara kulkanka yabamni bara rispikka lâka sin. Yang, Dawan, baku aisisni.”

Kli Smalkanka 32:39

Yang yakan Gâd sni; yang wina gâd wala âpu sa. Yang rayaka yabisni, bara kli mihta dakbisni; yang siknis yabisni, bara kli rakisni. ¡Upla âpu sa yang karniki wina dakbi mai sâkbia!

1 Tesalonaika 4:16

Kan Dawan pali ba sika bîla baikra karnakira ba wal kasbrika pura ba wina bal iwbia arkinsal bîla baikra wal bara Gâd trumpitka wal sin. Bâra mika, Kraist ra kasak luki pruan nani ba, pas tâura bubia;

Param Marikanka 20:13

Kabu ba mita ai pruanka nani yan. Prura ba mita bara pruan nani pliska ba sin pruan nani bahara nani kan ba yaban; bara sut lâka daukan kan, kumi bani dîa daukan kan ba kat.

1 Samuil 2:6

Dawan bui upla rayaka saki bara yabisa; witin raiti bîla kat wan blikisa, bara baha wina kli wan buki sunisa.