Isikiel 37:1 - DAWAN BÎLA AISKA

¹ Dawan ba ai mihta laila ra kahban, bara ai karnika tara ba aikan, bara ai mangkan il bîla kum ra upla pruan dusa nani man kan tilara.

Isikiel 37:1 ပူးပေါင်းရင်းမြစ်များ

1 King Nani 18:12

Yang wamna ba ningkara dîa takbia ba lika, Dawan spiritka ba bui mai brih wabia yang nu âpu sna ba pliska ra. Bara Ahab ra sturka wih maisa paki si balamna ba ra, witin nahara mai sakras kaka, witin ai ikbia. Man albikam na, wahma wina Dawan ra sibrin lukisna.

2 King Nani 2:16

bara naku wi banhwan: —Yang nani tilira kaiks, dukiam dadaukra nani, kupia karnira nani 50 nâra sa. Swis witin nani nanara wabia, bara smasmalkra ba plikaia, ban kra Gâd spiritka bal bukan bara il bahna ra, apia kra il langnika bîla ra kra bri si swin sa baku sa. Bara witin win: —Apia, upla kumi sin man nani blîkpara.

Aiseya 26:19

Man pruankam nani ba kli raya takbia; pruan nani ba kli raiti wina bubia. Tasba ra yapi nani ba rawi bubia bara aiwani banhbia. Kan man ingnikam blikisma, diara mangkan wahia purara diwas laya buski ba baku, bara tasba ra pruan nani ba kli rawi bubia.

Jirimaya 7:2

“Man Dawan tempelka durka ra bûi naha smalkanka na wis: Juda wina uplika nani sut, nahara bal dimi Dawan mayuni banhwisma ba, naha bîla man nani ra blikan na wals.

Jirimaya 7:32

Bahamna yang, Dawan, baha kasak aisisni yua kum balbia bara baha pliska nina ba ban Tófet mâki kabia apia, Ben-hinom langnika ra sin apia, sakuna aisi kabia, Upla Iki Tikan langnika. Upla pruan nani ba Tófet ra bri si bikbia, plis wala âpu kabia bamna.

Jirimaya 8:2

witin nani lapta, kati, slilma nani ra latwan kaikan, baha warkka daukan, nina blikan, baha nani ra aisi ai tânka pliki wali kan, bahara mayuni kan ba mawanra lulki swibia. Upla kumi sin baha dusa nani ba bikaia wisi alki bukbia apia. Tasba ra prawi kabia, daiwan kânka nani baku.

Isikiel 11:24

Tisku Gâd karnika bal ai bukan, bara kli ai brih wan Babilon ra, tasbaya wina sakan uplika wala nani bâra kan ba tilara naha takan, kan lilka kum Gâd spiritka mita ai marikan ba mita. Ningkara lilka ba kli lap tiwan.

Isikiel 3:14

Gâd karnika ba ai bukan bara baha wina ai sakan, bara yang sari bara kupi kriwan takan, kan bâra Dawan ai mihta karnika wal ai alki kan.

Isikiel 3:22

Bara Dawan ai mihta yang purira ai mangkan, bara ai win: “Bus, bara twi ra taki was, bahara man wal aisamni.”

Isikiel 33:22

Tihmia kum kainara plapan ba balras kanra, Dawan ba ai mihta yang purira mangkan; bara titan ra, waitnika ba balan ba ra, Dawan kli bîli aisanki ba aikan, bara sip sturi aisaras kapri ba swiri.

Isikiel 37:2

Dawan ba aikan taukri pliska sât sât ra; pruan nani dusa ni banhwan kan, il bîla nani ba ailal pali kata bara dusa nani ba lâwan pali kata.

Isikiel 40:1

Baha katka yua matawalsip ra mani raya katka, Dawan ai mihta ba yang purira mangkan bara diara aihka kaikan kum ra Israel tasbaya ra ai brih wan. Pat 25 mani baku yang nani Babilon ra alba katna, Jerusalem batakan ba wina lika 14 mani bri kan. Israel tasbaya ra, il purara pali kum ra Dawan mita ai sunan, bara baha wina yang waupasa tani ra kaikri utla pali man mâkan baku tawan tara kum baku.

Isikiel 43:5

Bara Gâd ai karnika ni ai alki ai bukan bara tempel lilapas kat ai brih wan, bara yang kaikri tempel bîla Dawan prana ni banhwan kan.

Isikiel 8:1

Baha manka ra, kati matlalkahbi, yu matsip katka ra, yang waitla ra Juda wina almukka nani aikuki iwi katna ba ra, bahara Dawan ai mihta ba yang purira kahban,

Isikiel 8:3

Bara baha uplika ai mihta sakban, bara tâiwa ra alkan; bara Gâd karnika ba mita pâsa purara ai bukan, Gâd mita lilka nani daukan ba natka ra, Jerusalem ra ai brih wan, bara tawan bîla getka dimaia kat ai swin, baha wina yahbra tani ra tawi ba bahara sika aidul Dawan kupia tuski kupia baiki ba bâra kan.

Luk 4:1

Jisas Spirit Holikira ni aibanhwi, Jordan awala wina kli tawi balan ba ra, Spirit Holikira mita upla iwras tasbaya ra brih wan.

Apastil Nani Sturka 8:39

Witin nani lî wina ulan ba ra, Dawan Spiritka mita Pilip ba brih wan, bara waitnika witin ra kli kaikras kan; sakuna witin ai âuyapah ai yabalka ra impakan.

Param Marikanka 1:10

Bara Dawan yua kumi ra, Spirit Holikira mita ai karnika munhtara ai brisata, bara nini tani ra bîla baikra tara kum walri, sim trumpit binka baku,