Isikiel 36:5 - DAWAN BÎLA AISKA

⁵ Dawan naku aisisa: Bîli aisinka nani ba pauta klauhi baku kupi baiwanka ba tawan wala nani ba mapara auya, kau pali ba Edom mampara, kan witin liliaka tara wal tasbaya iki ba brin bara misbara tara ni witin nani wal nasla nani ba impliki âpu daukan.’

Isikiel 36:5 ပူးပေါင်းရင်းမြစ်များ

Lawana Nani 137:7

Dawan, Edom uplika nani ra luki bas, Jerusalem kauhan bara witin nani wisata: “¡Slingbi tiks, slingbi tiks, baha playka bapan nani ba sut!”

Lawana Nani 79:5

Man Dawan, ¿ahkia kat kau lawi kama? ¿Ban kau lawi kama pauta klauhi ba baku?

Sins Lâka 17:5

Upla umpira lawaska kiki uplika ba, ai Papaskrika ra mapara buisa, ai pâtka tara ba dukiara lilia taki ba sin, klala briras ban kabia apia.

Jirimaya 12:14

Dawan naku aisisa, baha uplika watawikira nani Israel lamara iwi nani ba dukiara, witin mita ai tasbaya ba Israel luhpia nani ra yan ba baha uplika nani mita sauhkan: “Bamna yang bui witin nani ba wakia wal daikamna, witin nani ai tila wina Juda sakamna.

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 49:1

Amón uplika nani ra wiaia Dawan aisin bîla ba: “¿Israel luhpia nani ba anira sa? ¿Witin nani prapati briaia nani ba anira sa? ¿Dîa muni Milcom gâdka ba nanara Gad dawanka takan? ¿Dîa muni Amón uplika nani baha nani tawanka ra iwisa?

Jirimaya 50:11

“Caldea uplika nani, man nani bal yang upliki nani diara bri kan ba sut briram ba, ¡bara liliam dauks, pi, di, dimi! ¡Bîp mairin twi kura ra pih srutwi baku srutwi banhs! ¡Aras nani srutwi ihbi baku dauks!

Inanka Nani 4:21

¡Edom nisanka nani, kiki bas; Us tasbaya ra man king aimakisma ba! ¡Dîa tahpla diaia ba man ra sin balbia, bara man bla taki kwala luha takma!

Isikiel 36:3

Bamna aitani sa, yang nini ra aisas bara wis: ‘Naku wisa Dawan ba: Tnaya sât sât wina mai yuskisa bara mai sauhkisa; nisan tringsar nani sut ba ai munhtara mai brisa, bara upla nani ba lamwaska kikisa bara bahki mai kulkisa.

Isikiel 36:6

“Nini ra aisas Israel tasbaya ba dukiara, bara wis: ‘Naku wisa Dawan ba, il tara bara sirpi nani ra, awala bara upla iwras tasbaya nani ra: Yang kupi sauhkanka bara kupi baiwanka tara bîla nani brisni, lahtuban bîla nani pâtka wauhram nisan tringsar nani ba wina.

Isikiel 38:19

Kupi sauhkanka tara pali tilara swer takisni, baha piua ra, Israel ra tasba nikban tara pali bâra kabia.

Isikiel 5:13

Bara yang kupi baiwanka ba sakamna; bara lawanki witin nani mapara ba âuyapah lâka daukamni, bara daihra walamna. Bara lawanki witin nani mapara mangkamna ba ra, ai tânka bribia, yang Dawan ba mita sika wîri lawanki tara tilara.

Abdías 1:12

Man muihkam sari lâka tara ra kauhan ba kaiki baha yua ra lilia takaia apia kapram. Juda sauhki tikan yua ba, baha kaiki lawaska kikaia apia kapram. Witin nani ai sarka tara bri kan yua ba man lawaska kikaia apia kapram.

Miqueas 7:8

Nisan nani sut waihli nani sma ba, man nani laiwaska kikpara yang kauhri ba dukiara, kan yang kli buamna; yang kra tihmia tara tilara iwisna, ban sakuna, Dawan ba yang ingniki kabia.

Sofonías 3:8

Baku ba mita, man nani baha yua bîla kaiks, yang bui man nani mampara aisaia kamna ba. Yang, Dawan, kasak aisisna: Pat kupi wal aisari, nisan nani sut, king tasbaya nani sin sut asla dauki, lawanki ba witin nani purara laikamna, kupi baiwanka laptika ba. ¡Kupi baiwan pâta klauhanka ba wal, tasba aiska ba sauhki swimni!

Sakaraya 1:14

bara baha ningkara witin ai win, yang naha bîla naku aisamna: “Karnika sut bri ba Dawanka ba, naku aisisa: ‘Yang lika Jerusalem ra latwan pali kaikisni, Saion ilka ra sin.

Sakaraya 1:15

Baha tâwan kupi kasak baiwan, baha lukras uplika kiamka nani ba mapara, kan yang na wiria man kupi baikri ba ra, baha nani mita saurka ba kau tara daukan.

Mark 3:8

Jisas sain tara nani daukan ba wali upla ailal aidrubi balan, Judia wina, Jerusalem wina, Edom wina, Jordan awala lalma wina, Tiro bara Sidón kuntrika wina sin sut.

Kli Smalkanka 4:24

kan Dawan Gâd lika lalawra Gâdka sa, pauta ami âpu taki ba baku.