Isikiel 36:11 - DAWAN BÎLA AISKA

¹¹ Yabrika upla bara daiwan nani ba ailal pali sauhbia. Upla ailal pali takbia blasi piua ra kata baku; bara piu luan ba wal, man nani kau yamni kama. Baku mika damra wali banhma yang sika Dawan sna ba.

Isikiel 36:11 ပူးပေါင်းရင်းမြစ်များ

Job 42:12

Gâd bui Job ra ai yamnika ailal yaban kan kau siknis takras kan ba kainara, sakuna nanara kau ai yamnika tara yan: Sîp nani 14,000 brin, kiamil 6,000, tasba baikaia bîp ba 1,000 bara biriku mairin 1,000.

Aiseya 30:26

Dawan ba ai uplika klauhanka nani raki, bara klauhanka nani ba kwala ni wilkan kabia. Baku bamna kati ba lapta baku ingni kabia, bara lapta ingnika ba kau aima 7 kau ingni kabia, lapta asla 7 kumi ra ingwi ba ingnika baku kabia.

Aiseya 51:3

Saion ra yamniki marikamna, baha tawanka tara sauhkan bâra kata ba. Tasba lâwan upla iwras tasbaya ba wina giadin daukamna, Dawan mita Eden giadinka ra mangkan ba baku. Bahara lilia bâra kabia, kikaia sin, mayuni aiwananka nani miusik binka dauki.

Jirimaya 23:3

Sîpki nani munri plapan nani ba kuntri wala nani ra kau swin ba yang mita kli bri balamna, baha asla daukamna bara kli tawi bal ai pata piaia daukamna, bara ai luhpia nani manis baikbia.

Jirimaya 23:4

Witin nani ba main kaikaia sepadka nani yabamna, witin nani kli diara kum tâka sibrin dauki kabia apia, dîa kum sin luha kabia apia. Yang, Dawan, kasak aisisna.”

Jirimaya 30:18

Dawan aisisa: “Jekob nisanka tasbaya ba kli yabamna, ai kuntrika ba ra luki kupi swapni takbia; tawan nani slingwanka ba purara kli paskbia, utla tara nani ba watlika kat mâkbia.

Jirimaya 31:27

Dawan ba kasak aisisa: “Yua kum balbia ba ra yang daukamni upla nani bara daiwan nani ailal kabia Israel ra bara Juda ra sin.

Jirimaya 33:12

Dawan karnika sut bri ba aisisa: “Naha kuntrika nanara bîla man swin na, upla âpu daiwan nani sin âpu, tawanka nani kumi bani ra kli sîp nani pâwbia bara sepad nani bahara ai daiwra nani dakaki kabia.

Isikiel 16:55

Sodoma, Sameria bara ai tawanka sirpi nani ba blasi ra kata baku kabia, bara man sin tawankam sirpi aikuki baku kama.

Isikiel 35:9

Ban kaia ra upla iwras tasbaya mai daukamna bara upla kum sin kuntrikam ra iwbia apia. Bara baku man nani damra walma yang sika Dawan sna ba.

Isikiel 36:35

Bara wibia: Naha tasbaya, upla iwras tasbaya takan ba, nanara lika Eden giadinka baku takan sa; tawan nani sauhki tikan kan ba, diara âpu pali sauhki tikanka tara ra swin kan ba, nanara lika kan kahbaika pliska nani takan, bara upla nani bâra iwisa.

Isikiel 37:13

Bara yang raitikam nani ba kwâki mai sakamna bara damra walma man nani ba, yang upliki, yang sika Dawan sna ba.

Isikiel 37:26

Witin nani aikuki lâ kum daukamna, ai rayaka lamni lâka ra iwi kaia dukiara. Ban kaia ra wilkanka kabia. Yabrika ailal pali takbia, bara ban kaia ra tempelka holikira ba witin nani tilara mangkan kabia.

Isikiel 37:6

Wakia nani mai mangkamna ba ra, wîna ni mai banhkamna, taya ni mai bikamna bara rayaka wingka mai puhbamna rawi buma dukiara. Baku mika man nani damra walma, yang sika Dawan sna ba.’ ”

Oseas 2:1

Bara man nani bui muihkam nani ra wima: “Man nani, Dawan uplika nani”, bara lamkra mairin nani ra lika: “Dawan mita latwan kaikan nani”.

Oseas 2:20

Yang mayi mai brimna bara man wal kasak kamna, bara yang lika man dawankam sna ba, ai kaikma.

Emus 9:11

“Debit tintka watla kauhan ba, kli bukaia yua ba aula. Tnaya kutbanka ra unta takan ba paskamni, slingwanka nani ba sin bukamna, witin raya kan piua ra kata ba baku kli paskamni.

Emus 9:15

Witin nani ai tasbaya kat kli bri sal swimna, baha tasbaya wina, upla wala mita kli witin nani ra kangbi sâkbia apia, yang bui witin nani ra yabamna ba.” Dawan, man nani Gâdkam ba, baku kasak aisisa.

Miqueas 7:14

¡Dawan, uplikam nani ba aihwaki kaiki bas, witin nani sika man sîpka daknika nani pali sa bamna! Il tara nani tilara yakan iwisa, tasba disang nani tilara. Basán, Galaad twiya tasbaya ra brih was kaina piua ra kata baku.

Sakaraya 10:8

“Yang bui witin nani ba paiwi asla kukamni, kan swaki sakri bamna. Witin nani kli ailal pali sauhbia patitara kata baku.

Sakaraya 2:8

Karnika sut alki bri Dawanka ba, baha uplika nani mai alki mai brih wan ba mapara, naha bîla aisaia ai blikan: “Ya ya yang upliki nani ra pruki ba, yang naikra yula ra pruki baku sa. Baha tâwan, yang uplika nani ba mapara aiklabamna, bara ai albika nani ba bui witin nani ra kli tawi alki brih wabia.” Baku dauki ba natka ra, karnika sut alki bri ba Dawanka ai prana tara ba marikbia, baku sin man nani tânka brima, Dawan bui ai blikan ba.

Kli Smalkanka 30:5

Dawan mita daukbia man nani kli tawi damikam nani kuntrika ra balaia, witin nani iwi kan ba ra man nani mita yus munma; bahara witin mai daukbia luhpiam nani kau ailal sahwaia damikam nani sahwan ba wal.

Hibru Nani 11:40

kan Gâd ba yawan dukiara diara kau pain kum pat luki saki bri kan. Gâd diara daukaia luki kan ba lika, baha nani ba yawan aikuki asla kaka lika kasak aihwa nani daukaia sip kan.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.