Isikiel 34:6 - DAWAN BÎLA AISKA

⁶ Yakabrira takan unta nani tilara bara il tara nani ra, bara tasba aiska ra tiwan, bara upla kum sin âpu kan baha dukiara lukaia bara pliki waia.

Isikiel 34:6 ပူးပေါင်းရင်းမြစ်များ

Lawana Nani 119:176

Yang na aimawahkri sa, sîp kum baku; ¡bal ai pliki ai sâks, man lâmka bîla nani yang âiya tiwras bamna!

Lawana Nani 142:4

Aihkiki tani ra tawi kaikuna bara upla sin âpu sa hilp ai munaia, ¡upla kumi sin âpu sa, yang ra tâi baikaia! ¡Upla kumi sin âpu sa, yang dukira lukaia!

Aiseya 51:18

Luhpa brisma nani sut tila wina kumi sin takras, man nani tâm briaia uplika; luhpiam nani sut pakram ba tila wina kumi sin mihtam ra alki mai bri wapaia âpu.

Jirimaya 10:21

—Naha tawanka ra sepad nani ba sinskas atia sa; witin nani Dawan ra plikras. Baha tâka mita sika witin nani kauhan ba bara daknika ba yakawi tanis man tauki banhwisa.

Jirimaya 13:16

Man nani bui Dawan Gâdkam ba pain kulki bas, witin bui man nani ra tihmia tara ba kau bri balras bara kiasma ilka nani ra kau minam prukras sma ba ra; baha ingnika bîla kaikisma witin mita kau tihmia tara ba bri balras dista tara ba kau daukras ba ra.

Jirimaya 5:1

Dawan ba naku aisisa: “Man nani Jerusalem yabalka aiska plapi taws, pulaia pliska nani ba ra pliki pain laki kaiks, upla kasakka lâka kat dauki ba kum man nani wal prawma sapa, witin kunin luha kaia luki ba. Man nani ba witin wal prawma kaka, yang bui Jerusalem pâtka ban swih tikamna.

Jirimaya 50:6

Yang upliki nani ba sîp nani tiwan baku kan, sepadka nani mita saura tapahkan, swin il nani ra wih aimawahkaia. Il kum wina il wala ra wan, ai klarka nani kata ba sin ban âuya tiwan.

Isikiel 34:7

‘Baku bamna, sepad nani, bîli baikra ba pain wals.

Isikiel 7:16

Bara baha nani tila swakbia ba, il tara nani ra wabia bara twi langni butkuka nani sirang iwan baku, ai mamna lulki kabia, sakuna sut prubia saura daukan bamna.

Oseas 7:13

“¡Witin nani sari pali takbia, yang laima wina taki wan bamna! Sauhki tikanka witin nani ra alkbia, kan witin nani ba yang maipara buan bamna. Yang bui witin nani swaki sakan ai daukisa, sakuna witin nani, yang maipara kunin aisisa,

Joel 3:2

Nisan nani ba sut asla kukamna, bara Josafat ilka bîla ra brih wamna; bara yang bui witin nani lâka daukamna, witin nani, yang upliki Israel luhpia nani ra munan ba tâwan. Witin nani mita, Israel luhpia nani ba munan, ai tasbaya wina taki tasba wala nani ra plapan, bara tasbaya ba witin ai mânka taki yui ai dukia brin.

Jan 10:16

Bara sîp wala nani sin brisni, bara baha nani ba lika naha klarka wina apia sa; sakuna baha nani ba sin brih balaia sni. Âu, witin nani mita sin yang bîli walbia, bara baku dakni kumi takbia bara sepadka sin kumi kabia.

1 Pita 2:25

Kan man nani pas piua sîp aimawahkan nani baku tauki kapram, sakuna nanara kli Kraist ra tawi balram, bara witinka sika sepad baku tâm brisa bara sulkam nani sin main kaikisa.