Isikiel 34:18 - DAWAN BÎLA AISKA

¹⁸ ¿Aitani apia sa, twi kura yamni nani pisma ba wal, kuna minam ra taibisma dîa kau takaskan nani ba? Lî sangni ba disma, bara kau dîa ba minam ni buhutni daukisma.

Isikiel 34:18 ပူးပေါင်းရင်းမြစ်များ

Luk 11:52

“¡Alai pali kabia man nani Lâ Smasmalkra nani ra! Kan man nani diara tânka kaikaia kîka brisma ba; sakuna man nani sin dimras bara diman dauki nani ra sin yaram dimras.

Matiu 23:13

“¡Lâ Smasmalkra nani bara parisi nani, kuninkira nani, man nani mampara saura pali kabia! Kan man nani kasbrika purara ba Kingka aimaki lâka durka ba prakisma, upla wala nani dimbia apia dukiara. Man nani pali sin dimras, upla wala nani diman dauki ba sin yabram dimras.

Aiseya 7:13

Bara Aiseya bui win: “Nanara man nani wals, Debit king watla bilara sma uplika nani. Man nani mampara diara saura sa, upla ra trabil muni swapni sakaia ba, ¿ban sakuna man nani, yang Gâdki ra sin baku munaia lukisma ki?

2 Samuil 7:19

¡Naha na diara bahki kum baku kulkram, Dawan, man ban luki bara aisaram albikam kiamka yua nani bîla kaikanka ba dukiara! Dawan, upla kumi sin man baku sip diara daukras.

Kulki Kaikanka 16:13

¿Aitani apia sa ki, tasba kum tialka laya nasma wal lî laiwi baku sakram ba bara nanara upla iwras tasbaya ra wan ikaia daukisma, baha purkara man nani wan tâ uplika aimakaisma?

Kulki Kaikanka 16:9

¿Man nani ra baha ba diara apia sa ki, Israel Gâdka mita bâk mai sakan ba Israel uplika wala nani ba tila wina, bara man nani bui witin ai lamara Dawan watla ra warkka nani ba dauki kaia, bara upla nani wal sin baha warkka dauki kaia ba?

Miqueas 2:2

Upla wala tasbaya nani ba kaiki tumisa bara sin dakbi brisa; baku sin upla wala watla nani kaiki tumisa bara implikisa; watla dawanka waitna ra, maya bara luhpia nani ra, ai yuyaka bri ba sut ra taibi munisa.

Isikiel 32:2

“Naha prura lawana na, king fero Idsip kingka ba lawana aiwans: ‘Nisan nani layanka kum baku sma; kabu ra daiwan saura tara baku sma: awalkam ba buhutni daukisma, minam wal laya ba buhutni daukisma bara aubra ba blakisma.

Isikiel 16:47

Witin nani nina bliki, dîa daukan saurka kata ba daukram; âmyapah apia, man daukankam ba kau saura kan, witin nani daukanka wal.

Isikiel 16:20

‘Bara luhpa mairin kum, bara waitna sin kum man wal brisatna ba briram, bara sakripais daukram aidul nani pata kaia. ¿Man mampara wiria kapram, yabal mairka kaia ba,

Blasi Sturka 30:15

Bara Lea pana witin ra win: —¿Man pat mayi ai dakbi brisma, bara witin wal aitani sma apia? ¿Bara nanara luhpi dus mâ sal aikan ba sin man kli ai dakbi briaia lukisma? Bara Raquel kli aisin: —Baha luhpa baikaia saika mâ nani luhpiam bri balan ba, yang ra sin aik bara baha mana man naha tihmia Jekob wal yaps.

Sins Lâka 25:26

Lî kârma buhutni takan bara abalki sauhkan ba baku sa, upla kasakkira ba upla watawikira mawanra bûi tatatwi ba ra.

Isikiel 34:19

Bara sîpki nani ba baha wina pîsa man nani minam ra taibram ba; bara lî buhutni daukram ba wina sin dîsa.

Aiseya 32:6

Kan upla kupia saura nani ba kupia saura lâka aisisa, ai lukanka ba watawi daukaia lâka baman dukiara lukisa, lâ krikaia daukaia dukia baman plikisa Dawan mapara aisisa, plun dauki nani ba mihta ra diara yabras swin auya diran dauki nani ba diranka yabras.