Isikiel 34:16 - DAWAN BÎLA AISKA

¹⁶ Sîp tiwan nani ba plikamna, yabal tnaya ra wan nani ba bri balamna, mina kriwan nani ba kwala blakamna, swapni takan nani ba main kaikamna, batana bara karna nani ba main kaikamna. Yang mita main kaikamna nahki ba baku.

Isikiel 34:16 ပူးပေါင်းရင်းမြစ်များ

Lawana Nani 72:2

baha wapni daukaia bara kasakka lâka wal ba mita, man uplikam umpira nani ba pura wihta aimakbia.

Aiseya 1:5

¿Dîa muni man nani klala kau makabisma? Wînam aiska ba mai wipan sa. Lamla ba insauhkan sa, karnikam sin aiska âpu pali takram sa.

Aiseya 10:16

Baha baku, Dawan karnika sut bri ba mita wîna karnakira nani ba karnika âpu dauki swibia, rihka ba pauta klauhi baha wîna ba ami kaia.

Aiseya 40:11

Witin sepad baku ai daknika ba main kaiki aula; sîp lupia nani ba ai klahkla ra twilkisa, swap lupia nani ba, ai lama bîla kat main kaiki alkisa.

Aiseya 49:26

Mai tataibra nani ra taibi munamna ai wîna ba piaia, ai tâlia ba sin wain baku di bla takaia. Baku upla sut tânka bribia yang, Dawan, yang bui man mai swaki mai sasakra sna ba; yang, karnakira ba Jekob wina, yang sika man pri mai sasakra.”

Aiseya 5:17

¡Tawan tara nani ba sauhkan kabia; sîp nani, guts nani ba baha langnika bilara twi pi kabia!

Jirimaya 10:24

Dawan, man kasakkam tânka ba kat yang nani wapniki ai dauks, sakuna man lawankam tara ba ni lika apia, baku lika yang nani sut âpu ai tiki lukma.

Jirimaya 23:15

Baha mita yang, Dawan karnika sut brisna, prapit nani ba mapara naha aisisna: Diara tahpla pali kum man nani piaia maikaisna; puisin laya maikrika dima, kan Jerusalem prapitka nani ba mita tasbaya na aiska ra saurka lâka ba yakaban.”

Jirimaya 23:5

Dawan kasak aisisa: “Piua kum balbia bara baha yua yang daukamna witin pali ai kiamka bribia, king kum sins bri lâka ni kasakka lâka ba dauki, wapni lâka ba dauki king aimakbia naha kuntrika ra.

Jirimaya 31:8

Kli daukamna lalma kuntrika wina balaia bara asla mai daukamna tasba tnata ba kat. Baha nani aikuki balram kabia blain bara skahwa nani ba, mairin kwihra nani babaikra, pat ai luhpia brin nani ba sin; ¡upla ailal kli balan kabia!

Jirimaya 50:11

“Caldea uplika nani, man nani bal yang upliki nani diara bri kan ba sut briram ba, ¡bara liliam dauks, pi, di, dimi! ¡Bîp mairin twi kura ra pih srutwi baku srutwi banhs! ¡Aras nani srutwi ihbi baku dauks!

Jirimaya 50:6

Yang upliki nani ba sîp nani tiwan baku kan, sepadka nani mita saura tapahkan, swin il nani ra wih aimawahkaia. Il kum wina il wala ra wan, ai klarka nani kata ba sin ban âuya tiwan.

Jirimaya 9:15

Baha mita, yang Dawan, karnika sut brisna ba, Israel Gâdka ba, aisisna: Baha nani ra diara tahpla pali kum diaia yabaisna ba puisin laya.

Isikiel 20:34

Yang sut asla daukamna tawan bara nisan nani tilara yakaban ba wina; karniki tara ba mangki bara kupi baiwanka wal klala yabri ba.

Isikiel 24:5

Pauta ba pura paks, bara sîp kau yamni ba wina kum pain pali lukwaia, dusa nani ba sut piawbia ba kat.

Isikiel 34:11

“Yang Dawan sna ba, naku wisni: Yang pali mihti ra brimna sîpki nani daknika ba main kaikaia.

Isikiel 34:4

Man nani sîp swapni takan ba tâ baikras, siknis nani ba rakras, mina kriwanka ba sin blakras, tnaya ra tawuya nani ba kli brih balras, tiwuya nani ba sin plikras, kuna karna lâka ni munisma.

Isikiel 39:18

suldiar nani wîna pibia bara tasba tâ brabrira nani tâlia dibia, sim sîp wainhka, sîp luhpia, guts, apia kaka Basán bîpka lupia batana wîna baku.

Miqueas 5:3

Bamna nanara, Dawan bui ai uplika nani ba lulki swisa, sakuna mairin ai luhpia baikbia bîla kaiki ba baikbia ba kat. Baku bamna, Israel luhpia nani, kuntri wala ra swin aikuki, kli wal asla taki banhbia.

Miqueas 7:14

¡Dawan, uplikam nani ba aihwaki kaiki bas, witin nani sika man sîpka daknika nani pali sa bamna! Il tara nani tilara yakan iwisa, tasba disang nani tilara. Basán, Galaad twiya tasbaya ra brih was kaina piua ra kata baku.

Sofonías 3:19

Baha piua mai taibi bri nani sut ba mapara buamni. Sîpki prutwi nani ba tâ baikamni, bara aimawahki nani ba sin asla kukamni; tasba aiska ra witin nani ai nina ra yamni kulki mayuni aisaia daukamni bahki kulkan kan lâka ba wina.

Sakaraya 10:3

Baha mita Dawan naku aisisa: “Lawanki na buki klauhan sa sepad nani mapara, bara uplika nani tâ bri nani ba klala yabamna.” Dawan, karnika sut bri ba, ai daknika Juda kiama nani ba, aihwaki kaikisa, witin nani ba aiklabaia araska karnakira baku daukbia.

Matiu 15:24

Jisas bila: —Gâd ai blikan sa Israel ra, sîp aimawahkan nani ra baman.

Mark 2:17

Jisas naha wali, witin nani ra win: —Upla wîna dutki nani ba lika, daktar briaia apia sa, sikniskira nani ba lika. Yang lika upla kasakkira nani paiwaia balras, upla saurakira nani ra lika.

Luk 19:10

Upla Luhpia Waitna na balri sa, diara tiwan ba pliki swaki sakaia.

Kli Smalkanka 32:15

“Sakuna Jesurún batanwan, bara ai mina wauhan (batanwan mita lipi kan), bara Gâd, witin ra papaskra ba, lulki swin; ai kaina kakahbra bara ai sasakra ba bahki kulkan.