Isikiel 33:6 - DAWAN BÎLA AISKA

⁶ Sakuna aihwawakra ba kaikuya, suldiar nani ai waihla ba aula bara trumpit ba puhbras kaka, kaina manis upla nani ra maisa pakaia, bara waihla nani ba balbia bara upla nani ra ikbia kaka, naha na pruan kabia ai saurka ba tâwan; kuna yang aihwawakra ra makabamna baha pruanka nani dukiara.’

Isikiel 33:6 ပူးပေါင်းရင်းမြစ်များ

Blasi Sturka 42:22

Bara Ruben pana witin nani ra win: —Baha pat yang bui man nani ra mai wîri, tukta ra man nani baku munpara. Sakuna man nani bui yang bîli walras kapram, bamna nanara yawan lika witin ai tâlia mana aibapaia sa.

Blasi Sturka 9:5

Âu, kasak pali man nani wina tâmlia, rayakam ba mana yang makabamni, daiwan nani bani wina sin makabamni. Upla ai muihni ikbia kaka, witin wina sin rayaka ba mana makabamni.

2 Samuil 4:11

¡Baha daukri ba baku man nani wal kau tara daukamna, watawikira nani, upla pâtkas kum man nani ikram ai watla pali ra aitniki kan! ¡Baha mita, ai pruanka mana ba maikrika man nani aibapma! ¡Naha tasba wina mai diki mai sakamna!

Sins Lâka 14:32

Upla watawikira ba, witin ai saurka pali ba mita sauhki tikisa, upla lukanka wapni ba, ai wapnika lâka mita kan kahbisa.

Jirimaya 14:15

Bamna yang Dawan sna ba, aisisna baha prapitka nani yang mita blikras, witin nani ban nini brih kunin aisi ba, naha kuntrika ra war âpu kabia, sanglang sin apia aisi ba: dahra aisasarika nani ba war ra bara sanglang mita sin prui banhbia.

Isikiel 18:20

Ya saura dauki ba baman prubia. Luhpia ba ai aisika saurka mana aibapbia apia, aisa ba sin ai luhpia saurka mana aibapaia apia. Kasakkira ba ai kasakka lâka mana ba bribia; watawikira ba, ai watawika mana klala bribia.

Isikiel 18:24

“Kuna kasakkira ba ai natka kasak nani ba swibia kaka, bara diara saura nani sut ba kli daukbia saurakira baku; ¿man nani lukisma ki, witin ba raya kaia sa? Yang kli kupi kraukamna apia diara yamni daukan nani ba ra, ai kasakka lâka luha bara ai saurka ba tâka prubia.

Isikiel 34:10

kan yang, Dawan, aisisna: Sepad nani, yang waihlam takisni bara yang sîpki nani tâwan mai aisisna; mihtam wina main kaikaia lâka ba dakbuna, man nani ba wînam kat baman main kaiki kama apia; sîpki nani ba dakbi brimna, man nani sîpki nani ba ban pi banhwi kama apia dukiara.’

Apastil Nani Sturka 18:6

Sakuna witin nani mahka pali bûi, witin mapara swira bîla nani aisin. Bara Pal ai kwalka singbi sain kum yan, nahki witin nani tila wina taki auya ba, bara sin win: —Man nani tanis tiwma kaka, baha lika man nani pali pâtkam sa, yang laila purara baha pâtka âpu sa. Bamna naiwa na wina yang lika Ju apia nani tilara auna.