Isikiel 33:30 - DAWAN BÎLA AISKA

³⁰ “Tawankam uplika nani ba, tawan kutbanka durka ra aisisa man dukiamra, bara ai walka ra wisa: ‘Man nani bal, kaisa walaia Dawan wina maisa pakanka balan na.’

Isikiel 33:30 ပူးပေါင်းရင်းမြစ်များ

Aiseya 29:13

Dawan bui ai win: “Dîa muni naha uplika nani ai aisinka ni baman laimara balisa, ai un nani ni, yamni kulkan lâka aikisa, sakuna witin nani ai kupia ba yang wina laihura sa, mayunra dauki ba waitna nani ai lâka kum kulkaia smalki yan ba kulki ba baku daukisa, ai sinska kat lan taki muni.

Aiseya 58:2

Witin nani yu bani ai plikisa, bara yabalki nani ba kaikaia brin daukisa wisa, wibia kaka upla kasakkira nani baku, ai Gâdka lâka ba sauhkras kan baku; witin nani lâika kasak ba sauhkras baku makabisa, bara brin daukisa yang laimara balaia.

Jirimaya 18:18

Upla nani ba aisin: “Kaisa yawan wark kum daukaia, Jirimaya ba âpu daukaia yawan pri takaia. Prîs nani ba âpu takras ban kabia witin nani wan smalki kaia, sinskira nani lâ wan smalki ba ban kabia, prapit nani Gâd dahra wan aisi ba aisi ban kabia. Kaisa yawan bui witin ba dahra kwahkaia, bara witin ba ikbia. Upla nani aisi ba kumi ra sin yawan walbiara.”

Jirimaya 23:35

Upla kum ai uplika wala kum ra makabi walbia, apia kaka ai taya kum ra makabi walbia: ‘¿Dawan ba pana dîa wisata? ¿Witin dîa aisisata?’

Jirimaya 42:20

Man nani mistik saura kum daukisma man nani bal yang ra makabram, yang Dawan Gâdkam ra makabaia, man nani naku ai wiram: ‘Dawan wan Gâdka ra yang nani tâiwan man puram suns, bara witin dîa yang nani ra aisabia ba sut ai wis, baha yang nani daukamna.’

Isikiel 14:3

“Upla luhpia, naha uplika nani na aidul lâka ai kupia ra mangkan, bara ai saurka ra ai mina pruki kauhaia ba ai kainara mangkan. ¿Baha nani dukiara natka kum ra yang makabi walaia sna ki?

Isikiel 20:3

“Man, upla luhpia, Israel almukka nani ra aisi bara wis: ‘Naku wisa Dawan ba: ¿Yang ra diara tânka plikaia aulma? Yang, Dawan Gâd, rayaki wal swer takisna; yabrika man nani ba yang wina diara tânka walma apia.’

Isikiel 20:31

Baha prisantka, man luhpiam nani pauta ra angkisma ba, man nani kau ban tâski takisma aidulka nani ba wal. ¿Bara man nani baku brinkam sa ki, Israel luhpia nani, yang ra tânka plikaia aulma ba? Yang, Dawan, rayaki ni swer takisna mai swirika man nani ba yang ra bal diara tânka pliki walma apia.

Isikiel 33:29

Upla iwras tasbaya ra, yang kuntri ba sauhki tikanka ra dingkri ai saurka tara pali witin nani daukan ba tâwan; baku mika ai dara wali banhbia yang sika Dawan sna ba.’

Matiu 15:8

‘Naha uplika nani ai bîla ni baman ai kulkisa, sakuna ai kupia nani lika yang wina laihura sa.