Isikiel 33:10 - DAWAN BÎLA AISKA

¹⁰ “Man, upla luhpia, Israel luhpia nani ra wis: ‘Man nani wisma: Pât nani bara saurka lâka nani ni yawan na wan pura paskan sa. Baha mita wan rayaka na aisawisa. ¿Yawan nahki raya kaia sip kabia?

Isikiel 33:10 ပူးပေါင်းရင်းမြစ်များ

2 Kronikas 34:24

yang Dawan sna ba, naku wisni: Naha pliska ra uplika sut ba âpu daukamni, nahara iwi nani ba sut ai saurka daukan ba tâwan, naha wauhkataya ra ulban aisi kaikan ba Juda king mawanra.

Esdras 9:15

“Dawan Israel Gâdka, man kasak wapni pali sma, ban pât nani tilara man mita daukram, yang nani dakni lupia kum naiwa yua kat kau ban raya kaia, baku yang nani naiwa nâra sna. Yang nani sika pâtkira sna, man kaikisma; baha mita lamamra kaia sip apia banhwisna.”

Lawana Nani 130:7

Israel man, Dawan ra bîla kaiks, kan Dawan sika latwan lâka ba, bara pri lâka aiska ba sin.

Aiseya 49:14

“Saion aisisa: ‘Dawan ba yang ra lulki ai swin, yang Dawanki ba ai âuya ai tikan.’

Aiseya 51:20

Daiwan alkaika ni sula ra alkan ba baku luhpiam nani ba karnika âpu sa, Gâd kupia baiwanka mita yabal bani ra ikan prawi banhwisa, Gâd mita wapni daukaia mata.

Jirimaya 2:25

“¡Israel, sûs dingkras plapi minam insauhkpara, yabrika lî diras kârmam lâwbiara! Sakuna man wiram: ‘Apia, sip apia baku daukaia; tringsar nani ba latwan sna bara yang lika witin nani wal wamna.’

Isikiel 18:19

Man nani makabi walma: ‘¿Dîa muni luhpia ba ai aisa saurka mana sin aibapras?’ Kan luhpia ba wapni bara kasakka ba kat daukan bara yang lâika bîla nani ba kat daukan bara iwan: bamna kasak aisisna raya kabia.

Isikiel 24:23

Witin nani ai lal pura bikaika ba, sûs âpu sip tauki kabia apia. Iwras sari briras kabia apia. Witin nani ai karnika âpu takbia watawika lâka pâtka ba mita, bara ai walka nani aikuki ini banhbia.

Isikiel 37:11

Bamna Dawan bui ai win: “Israel luhpia nani ba baha dusa pruan ailal ba baku sa. Aisi taukisa: ‘Wisa yawan wan dusa nani ba lâwan sa; bîla kaikanka kum sin âpu, yawan na tiwan sa.’

Isikiel 4:17

Baku ba mita plun bara lî nitka nani bâra kabia, ai walka ra pana pana tâ iwi kaiki kabia. Bara ai saurka tâwan kau raya ba kat sukwi tiwbia.”

Libait Lâka 26:16

man nani wal yang naku daukamni, sibrin man nani puramra blikamna, pruaia sikniska, rihka, nakra siknis saura nani, biawaia; kupiam kriwan takaia; insla warkka daukaia sip apia kama, kan waihlam nani bal namsla mâ mangkram ba pi kabia.

Libait Lâka 26:39

Waihlam tasbaya ra saurkam nani daukram ba tâwan prui banhma, aisikam nani aikuki witin nani sin ai saurka daukan ba tâwan.