Isikiel 32:24 - DAWAN BÎLA AISKA

²⁴ “Bahara sa Elam. Ai suldiarka sut aikuki, raiti ba kutbi kir brisa. Witin nani sut ba war ra pruan, gâdkas nani sut ba tasba munhtara kat kauhan. Tâ ikan raya nani tilara, sakuna nanara kulkanka âpu sa, raiti ra iwi wan nani ba.

Isikiel 32:24 ပူးပေါင်းရင်းမြစ်များ

Blasi Sturka 10:22

Sem luhpia nani ba: Elam, Asur, Arfaxad, Lud bara Aram.

Blasi Sturka 14:1

Baha yua nani ra Amrafel ba Sinar kingka kan, Arioc ba Elasar kingka bara Quedorlaómer lika Elam kingka bara Tidal ba Goím kingka.

1 Kronikas 1:17

Sem luhpia nani ba: Elam, Asur, Arfaxad, Lud bara Aram. Aram luhpia nani ba: Us, Hul, Guéter bara Mas.

Job 28:13

Upla ba tânka briras witin mana ba nahki sapa, naha tasba ra sin sâkbia apia sa.

Lawana Nani 142:5

Man ra winisni, Dawan, bara mai wisni: “Man sika yang yukuwaiki; ¡man baman yang naha tasba ra mai brisna ba!”

Aiseya 11:11

Baha piua ra, Dawan ba aima wala kli ai karnika marikbia, ai uplika nani kau swin ba kli bri balaia, Asiria, Idsip, Patrus, Etiopía, Elam, Sinar, Hamat bara kabu un ra iwi tawanka nani ba wina sut sin.

Aiseya 38:11

Yang lukri: Nanara yang Dawan kaikamna apia, witin rayakira nani tasbaya ra iwi ba, baha tasbaya ra iwi nani upla ba sin kli kaikamna apia lukri.

Jirimaya 11:19

Yang sika daira walras katna, sîp kum daiwan ikaia watla ra bri auya ba baku, yang maipara diara daukaia witin nani aikuki aisi kan ba. Witin nani aisi kan: “Baha dusa ai karnika aiska bri pâwi ba kaisa yawan klakaia; naha tasba wina daiki sâkpi rayaka bri nani ba tila wina, bara upla kumi sin witin ra kli ai kupia kraukbia apia.”

Jirimaya 25:25

Zimrí kingka nani ra, Elam bara Media kingka nani ra sin yabri:

Isikiel 16:52

Man swiram daukan lâka ra bapi buaia kama, kan muihkam nani purkara kau saura daukram bamna; pâtkas talia daukram; baha swirka lâka, bara swira daukan lâka ra bapi buaia kama, kan muihkam nani ra pâtkas talia daukram.

Isikiel 16:54

Kuna ban swira daukaia lâka ra bapi buaia kama, bara swiram takaia daukram ba dukiara; baha wal witin nani maisa nihkra kama.

Isikiel 26:20

bahara man rungkma upla pruan nani bâra ba kat. Tasba ba wina kau tihu tara ra mai lulkamni, bara kuntri ba sauhki tikbia ba baha nani pat pruan nani ba tilara iwi kabia. Bahara upla kli âpu kabia, kli sin tawanka ba paskan kabia apia.

Isikiel 31:14

Bara dus kum, lî lamara kabia sin, kli ban pâwbia apia; lî pain laikan kabia sin kasbrika kat tâ ba alkbia apia, bara ban pali pâwi uli wabia apia. Sut ba ban swin sa pruaia; naha tasbaya munhtara iwaia bara asla takaia pat raiti ra nani ba wal.

Isikiel 31:18

Eden ra dus nani bâra ba kumi sin witin wal sip prakras kata kulkanka ba bara pâwanka yarika ba wal sin; bara ban sakuna, Eden dusa wala nani wal baku mâyara iwbia, tasbaya tasba munhtara bâra ba kat iwi wabia, idan nani tilara iwaia, upla nani war ra pruan nani ba tilara. ‘Baha dusa tara ba king fero sa ai uplika sut kira. Yang, Dawan, kasak aisisna.’ ”

Isikiel 32:18

“Man, upla luhpia, mairin nani nisan sât sât wina ba kira prura lawana kum aiwans, Idsip nisanka ailalkira bara wihta nani ba dukiara: ‘Karnakira nani tasba ra ba, tasba mununhtara kauhbia, pat raiti ra iwi wan nani ba kira.

Isikiel 32:19

¿Dîa, man ba kau pranakira sma ki wala nani wal? Iwi was bara aitniks, gâdkas nani ba lamara.’

Isikiel 32:21

Tâ brabrira kau karnakira nani ba, prura kingka tasbaya ra Idsip uplika nani bribia ai aslika nani ba sin naku aisi: ‘¡Pat raiti ra iwi wan sa! ¡Kauhi prawisa gâdkas nani war ra pruan nani ba aikuki!’

Isikiel 32:25

Elam ba tnikan sa ai suldiarka pruan nani ba tilara; witin nani sut gâdkas war ra pruan, nanara ai raitika kir kutbi bri ba. Tâ ikan lâka tara daukan, raya nani ra; kuna nanara kulkanka âpu sa, raiti ra iwi wan nani tilara, upla mita ikan nani tilara takaskan.

Isikiel 32:30

“Bahara sa yahbra tani ra tâ brabrira nani sut, Sidón wihtka nani sin. Karnakira kan bara sibrin tara lâka yaban, sakuna nanara lahban sa, war ra pruan nani aikuki, bahki kulkan lâka ni blaki. Dawan luha sa, bara bikan sa kulkan lâka luha war ra pruan nani tilara, raiti ra lahban nani tilara.

Isikiel 34:29

Insla mangkan mâ ailal yabamna, bara witin nani kli plun wauhbia apia; nisan wala nani ba sin, witin nani lawaska kikbia apia.

Isikiel 36:15

Kli walamna apia lahtuban bîla nani, nisan wala nani wina; kli kupia sauhkan bîla nani walbia apia baha uplika nani wina, kan man nani kli ai uplika nani ra luhpias swima apia. Yang, Dawan, kasak aisisna.’ ”

Isikiel 39:26

Yang kli asla daukamni, nisan tringsar tila wina bara waihla kuntrika nani ba wina sin; baku mika lamni lâka ra iwbia, klauna ai tasbaya ra, upla kum sin sirang ikbia apia. Baku marikamna holiki lâka ba, bara nisan ailal nani sin kaikaia sip kabia. Israel wina nani ba bahki kulkan lâka wauhbia, yang wal kasak apia kan bamna.

Isikiel 44:13

Sip yang duki daukras kabia prîs baku, Dawan lahma aihka sakri ba lamara sin wabiara, Dawan lahma aihka sakri ba. Ai swira lâka twilkaia kabia diara saurakira nani daukan ba tâwan.

Daniel 8:2

Diara aihka ba kaiki kapri piua ra, Susa kan kahbaika pliska ra kapri baku daira walri, baha ba sika Elam tasbaya ba lalka sa, Ulai awalka un nani ra.

Abakuk 2:16

Baha daukram ba tâka mita, yamni mai kulkan kan lâka ba swiram mai daukaia lâka ra tawbia, bamna Dawan ai kupia baiwanka kapka ba maikka dima; bara mamrikbia man kupiam ra Dawan lâka âpu sma ba, pramna maikan kan ba mai kulkanka âpu lâka ra tawbia.

Matiu 11:23

Bara man, Kapernaum tawanka, ¿kasbrika purara ba kat mai sunan kabia lukisma? Man lika hil pauta tihuka kat mai lulkan kabia. Kan man nani tilamra sain aihka nani daukan baku Sodoma tawanka ra daukan kaka, baha tawanka naiwa kat ban bâra kaia kan.