Isikiel 31:10 - DAWAN BÎLA AISKA

¹⁰ ‘Bamna aitani, Dawan ba naku wisa: Dusa ba yari pali takan bara tâ ba kasbrika kat uli wan; tara pali takan bamna, ai mayunanka ni banhwan.

Isikiel 31:10 ပူးပေါင်းရင်းမြစ်များ

2 Kronikas 25:19

Man bila wisma Edom uplika nani ba sauhki tikram, baha wal man liliam brisma, bara mayunra ba kau plikisma. Sakuna kau yamni sa wamtla ra kama. ¿Dîa kan man bui klauna plikisma sauhki tikaia bara Juda ra sin pât dingkisma?”

2 Kronikas 32:25

Ban sakuna, Ezequías yamnika nani uya brin ba tingki lâka âpu, bara ai kulkanka ni aibanhwan kan, baha mita Dawan ba kasak ai kupia sauhkan witin ra, Juda ra bara Jerusalem uplika nani ra sin.

Sins Lâka 16:18

Praut lâka ninara sauhki tikan lâka sin aula; pura luaia spiritka ba ninara, kauhanka tara sin balisa.

Sins Lâka 18:12

Waitna kupia praut pali taki ba wina bâk wan krikaia lâka takisa; kuna bawikira lâka ba wina, yamni wiaia lâka balisa.

Aiseya 10:12

Sakuna Dawan ba, dîa witin Saion ilka bara Jerusalem wal ra daukaia ba daukbia ningkara, Asiria kingka ra klala yabia, naha warkka saura dauki ba tâka, witin ai kupia prautka lâka, ai nakra prautka lâka ni ai walka nani ra kaiki ai prana bri ba.

Isikiel 28:17

Pramna ba mita, mamyunra wal banhkram; kulkanka tara brisma ba mita sinskam lâka tikan. Yang tasba ra mai batakri, swira lâka ra mai lakri king nani mawanra.

Isikiel 31:14

Bara dus kum, lî lamara kabia sin, kli ban pâwbia apia; lî pain laikan kabia sin kasbrika kat tâ ba alkbia apia, bara ban pali pâwi uli wabia apia. Sut ba ban swin sa pruaia; naha tasbaya munhtara iwaia bara asla takaia pat raiti ra nani ba wal.

Isikiel 31:3

Man ba saiprus dusa, apia kaka, Líbano yalamka dusa baku sma, tnamwa painkira ba wal dista yabisma dus wala nani bâra ba. Yari pali sa, ban kasbrika kat wisa tnamwa bahna ba.

Daniel 4:14

ai bîla baikra karna wini, naku aisin: Dus ba klaks kauhbia, ai tnawa nani ba sin klaki sâks, ai wahia nani ba dauhbi sâks, ai mâ nani ba yakabrira dauks, daiwan wail nani ai mununhtara banhwi ba sut taki plapbia, ai tnawa nani ra piawira nani bâra ba sin pâlbia.

Daniel 4:30

naku win: “¡Kaiks nahki Babilon ba tara sa! Yang karniki tara ba wal paskri Babilon tasbaya lalka baku bâra ba lika, yang tara sna ba tânka naika piua ra kaikbia ninira aula nani ba.”

Daniel 5:20

Sakuna ai kupia ra pura luan lâka ni banhwan, ai kupia karna daukan, ai wîna kulkanka lâka sin brin. Bamna karnika bara prana kulkan lâka king bri kan ba, witin wina sakan.

Abdías 1:3

Il walpaya tara baiwanka nani bilara laih purara iwisma bamna, kupiam prautka mita kunin mai munan sa, bara wisma: ¿Ya pali mita naha wina ai batakbia?

Matiu 23:12

Kan ya tara puli ba, mâyara ikan kabia, sakuna ya mâyara bawi ba, tara daukan kabia.

Jems 4:6

Sakuna Gâd ai yamnika mita kau latwan wan kaikisa, kan Ulbanka ra naku wan wisa: “Gâd bui prautkira nani ba mapara buisa, sakuna bawikira nani ra lika ai yamnika ba ni hilp munisa.”