Isikiel 30:3 - DAWAN BÎLA AISKA

³ pat aula ba dukiara; ¡Dawan yua ba pat aula sa! ¡Yua dista dingkan kum kabia, yua saura pali kum nisan nani mapara!

Isikiel 30:3 ပူးပေါင်းရင်းမြစ်များ

Lawana Nani 110:6

witin nisan nani mapara lâka daukbia; upla pruan nani wîna ba paski swibia; ¡tasba bani ra upla lal nani ba yaka pana pana prukbia!

Lawana Nani 37:13

Sakuna Dawan lika witin ai lawaska kikisa, witin ai yua aula ba kaikisa bamna.

Impakan Sturka 14:20

Kasbrika playka ba Israel luhpia nani bara Idsip war aiklaklabra nani ba wal lilapas kat aimakan. Idsip uplika nani ra tihmia tara baman yabi kan, sakuna Israel luhpia nani ra lika ingni baman yaban. Baha mita Idsip uplika nani ba, tihmia aiska Israel luhpia nani nina bliki kan, sakuna witin nani sip bliki alkras kan.

Impakan Sturka 14:24

Mahka lalma kahbaia kan ba ra, Dawan Idsip war aiklaklabra nani ba kat kaikan kasbrika pauta klauhan playka ba wina. Bara witin nani ra sibrin tara dingkan, ai tilara turban lâka tara takan.

Aiseya 13:6

Yul swi baku ins, kan Dawan yua ba pat baila sa. Karnika sut bri ba aula, sauhki tikaia karnika ba wal.

Aiseya 13:9

Kaiks Dawan yua ba pat aula, saura pali, lawanka tara, kupia baiwanka tara wal, saura dadaukra nani ba tasba wina kusbi sakaia, bara tasba na bîla man swiaia.

Aiseya 19:1

Idsip mapara dahra aisin ba: Man nani kaiks Dawan ba kasbrika karna plapi ba kum ra uli: Witin Idsip ra aula. Idsip aidulka nani sut witin ai mawanra tatatwisa, Idsip uplika nani ba, kupia dring sirang sa, ai tila kat.

Jirimaya 25:31

Binka tara ba tasba aiska kir ra auya, kan Dawan nisan nani mapara diara daukuya ba kahbi auya pruikira nani ba sut lâ ra paiwaia, watawikira nani pruaia pâtka ra lakaia. Dawan baku kasak aisisa.’ ”

Isikiel 13:5

Israel kaina kahbaia dukia diara kumi sin daukras, Dawan yua balbia bara witin nani aiklabi bapi bûi kaia dukia.

Isikiel 29:12

Idsip, man ba mai daukamna, kuntri kum diara âpu pali kaia; mani yawanaiska wâl tawankam nani ba, sauhki tikan tara ra kabia, tawan wala sauhki tikan wal kau purkara saura kabia, bara uplikam nani ba baha wina sakamna bara yakabrira mai daukamna, tawan wala nani ra, bara nisan wala nani tilara sin.

Isikiel 30:18

Yang bui Idsip karnika ba sauhkamna ba ra, ai karnika dukiara aimayuni ba danh daukamna ba ra, lapta ba tihmu takbia Tafnes ra; kasbrika kum Idsip pura bikbia, bara ai tawanka uplika nani ba silak ra brih wabia.

Isikiel 32:7

Yang mai sauhki tikamna bara yabrika kasbrika ba tihmu takbia bara slilma nani ba ai ingnika ba daskbia; kasbrika wal lapta ba bikamna bara kati ba kau ingbia apia.

Isikiel 34:12

Sepad kum ai sîpka nani dukiara uya luki ba baku yakabrira piua ra, baku yang sîpki nani dukiara lukamni; swaki sakamni baha pliska tihmu bara lâ tara yua kum ra yakabrira takan ba wina.

Isikiel 7:10

“¡Yua ba nâra ki! ¡Pat balan na! ¡Sauhki tikaia yua balan! Saurka ba pura luisa plis bani ra, bara praut lâka ba manis sa.

Isikiel 7:12

Baha yua ba aula, piua ba pat balan. Wala ra diara atki ba dîa mata lilia kabia, atki bri ba sin dîa mata sari kabia. Yang kupi baiwanka ni Israel praut lâka bri ba klala yabaisna.

Isikiel 7:19

Ai silbarka nani ba, yabal nani ra batakbia, bara gul nani ba bahki kulkbia. Dawan lawanka ba wina ai gulka bara silbarka sin sip swaki sâkbia apia.

Isikiel 7:7

Sauhki tikaia piua ba aula tasba ra iwi uplika nani ra piua ba balan sa; yua ba lamara sa, tanis lâka baman bâra kabia, lilia lâka ba il nani ra danh takbia.

Joel 1:15

¡Dawan ai warkka daukaia yua ba, pat baila pali sa! ¡Yua saura pali kabia, sauhki tikanka tara kabia upla nani purara, Dawan karnika tara bri ba mita baha ba brih aula bamna!

Abdías 1:15

Upla wala nani ra dîa daukram ba, man sin baku mai daukbia. ¡Dîa daukram ba mana kulki maikan kabia! “Dawan ai warkka nisan nani sut mapara daukaia yua pat baila sa.

Sofonías 1:14

¡Dawan yua tara aula ba, pat baila sa! ¡Pat klutka sa, baku sin isti pali aula! Dawan yua binka tara ba, saura, tahpla pali kabia, ¡kau kupia karnakira nani ba sin ini wini kabia!

Sofonías 1:7

¡Man nani, Dawan mawanra sâp bas, kan Dawan yua pat aula sa bamna! ¡Dawan ba sakripais kum daukaia pat ridi pali sa, bara paiwan uplika nani ba sin, Dawan lamara ridi daukan sa!

Matiu 24:33

Baku sin, naha sut kaikma piua ra, kaiki bas tnata ba pat baila, dur pali ra sa.

Pilipai 4:5

Yarka upla sut mita man nani ba upla yamni baku mai kaikbia. Dawan ba wan lamara sa.

Jems 5:9

Muihki nani, pana pana brukwanka bripara, baku lâmka daukbia apia; kan Gâd, witinka Wihta aimaki ba, dur lama kat buisa.

Param Marikanka 6:17

Kan lawanka tara yua ba balan sa, ¿bara ya baha mapara ban buaia sip kabia ki?”