Isikiel 3:8 - DAWAN BÎLA AISKA

⁸ Sakuna yang lamla karna daukisni bara mapara brabrukra sin, witin nani baku.

Isikiel 3:8 ပူးပေါင်းရင်းမြစ်များ

1 King Nani 21:20

Bara Ahab bui Ilayas ra win: —¿Baku bamna man, yang waihli sma ba, kli ai sakram ki? Bara pana aisi, win: —Âu, pliki mai sakri, kan man ba Dawan lamara saura baman daukisma.

Aiseya 50:7

Kan Dawan ba hilp ai munbia, baha mita swiri ai dauki ba, latwan aikras; baha mita yang maiwan ba walpa baku karna daukri, bara kaikaisni yang swiri daukan kabia apia ba.

Jirimaya 1:18

Kan naha yua ra yang mai blikisni, man ba tawan tara kum ai kaina kutbanka bri ba baku, ayan playka ni bapan baku, bras ni kutban tawanka baku, Juda tasbaya aiska mapara buma: kingka nani ba mapara, wihta nani, prîs nani ba mapara, uplika nani sut ba mapara sin.

Jirimaya 15:20

Naha uplika nani mapara yang daukamna man ba bras ni mai paski mai daukan, kutbanka kum baku kama, puram luaia karna. Mampara aiklabia, sakuna sip puram lubia apia, yang lika man wal kamna swaki mai sakaia. Yang, Dawan ba, kasak mai wisna.

Jirimaya 5:3

Dawan, man plikisma ba sika kunin aisaras uplika ba. Man bui witin nani ra klala yabram, sakuna baha witin nani ra latwan yaras kan; man bui witin nani ba sauhkram, sakuna witin nani diara lan takras. Kiamapara nani, walpa baku karna, yabal yamni ba ra witin nani kli tawi balaia apia lukan.

Isikiel 3:7

Sakuna Israel luhpia nani mai walan daukras kabia, kan Israel luhpia nani yang aisisna ba walan daukras kan. Witin nani sut ba brabrukra sa bara lal sin karna.

Isikiel 3:9

Daimans baku karna pali mai daukamni, walpa wal kau karna mai daukamni. Sîa yapara, sibrin sin mai daukbiara witin nani mawanra, mapara babura kabia sin.”

Miqueas 3:8

Ban sakuna, yang maipara lika, Dawan spiritka mita karnika ni ai banhkisa, kasakka lâka tânka kaikaia karnika aikisa; bara kupi lukanka karnika ba sin, Israel, Dawan mapara bûi ba tânka param wiaia, ai saurka nani ba sin, ai mawanra kabia.

Hibru Nani 11:27

Kasak lukan lâka mita, Moses ba king kupia baiwanka sîa âpu Idsip tasbaya wina taki wan, kan witin dîa daukaia lukan ba kat ban kata, upla mita Gâd ra sip kaikras ba witin kaiki kan baku.