Isikiel 3:3 - DAWAN BÎLA AISKA

³ Baha ningkara ai win: “Nanara langks naha ulbanka maikuna na, bara baha wal biamra banhki dauks.” Yang piri, bara bîli ra damni kata, nasma baku.

Isikiel 3:3 ပူးပေါင်းရင်းမြစ်များ

Job 23:12

Piua bani ra dîa lâ mangki aikan ba kat daukaia munisni, yang kupi lâka kat lika apia.

Lawana Nani 119:103

Man pramiskam nani ba yang dairkaya ra damni pali sa, bîli ra nasma baku sa.

Lawana Nani 119:11

Man bîlam aisinka nani ba kupi ra mangki briri, yang bui man mampara saura daukaia apia ba mata.

Lawana Nani 119:97

¡Nahki man smalkankam ra latwan kaikisni! Bahara yang yu aiska lukisna.

Lawana Nani 19:10

¡Dawan lâka nani ba, gul wal kan mapara tara sa!, ¡gul pali ba wal sin kau mana tara sa! ¡Baha lâka nani ba lika, nasma laya wal kau damni sa!

Lawana Nani 19:11

Baha lâka nani ba mita, naha nampakan sna na kupia kraukuya; baha lâka bîla nani wali dauki ba wina, nampakan ra diara yamni uya takisa.

Jirimaya 15:16

Man bui yang ra aisi kapram ba ra, aisinkam nani ba langki katna; baha nani sika yang liliaki âiyapah ai saki kan yang kupi ra, kan yang sika aiska man dukiam sna, Dawan bara Gâd karnika sut man brisma ba.

Jirimaya 20:9

Yang naku wimna: “Yang Dawan ra kau luki kamna apia, witin ai nina bri yang kli aisamna apia”, bara man aisinkam nani ba biaira bilara ai angkisa pauta klauhan baku, ai sauhkisa dusi nani kat. Bapi buaia trai munisna, sakuna sip apia.

Jirimaya 6:11

Dawan, yang na man lawankam ni ai banhkram ba mita puri luan sa, kau alki takaskaia sip apia sni.” Dawan bui ai win: “Wahma nani yabal ra tauki ba purara laiks, tiara daknika nani ba purara laiks. Maya waitna nani bara maya mairin nani ba silak ra brih wabia, dama pali nani ba sin brih wabia.

Isikiel 2:10

Mihta ba, yang maiwanra ilingkan kan, bara kaikri ulban kan, tani aiska ba: bahara ai bîla saki inanka nani, latwan tara baman kan.

Isikiel 2:8

Man, aman wals yang mai wisna na; mapara babura kapara, baha nani baku; bîlam kwâks, bara pis dîa maikisna na.”

Isikiel 3:4

Ningkara ai win: “Was bara aisi wis, Israel tawanka ra dîa yang wiaia sna ba.

Jan 7:38

Ya yang ra kasak luki ba, Ulbanka ra aisi ba baku, witin ai kupia wina lî rayakira nani awala baku aubi kabia.

Kolosi 3:16

Kraist smalkanka ba, man nani kupiam nani ra aiska pali banhwan kabia. Sins lâka sut ni pana pana smalki kupiam krauki banhwi bas. Pura Sunra Lawana nani, mayunra lawana nani bara lawana holikira nani ba sin, kupiam aiska Gâd ra tingki wih aiwani bas.