Isikiel 3:20 - DAWAN BÎLA AISKA

²⁰ Baku sin sip sa, kasakkira kum ai yabalka wina taki, saurka daukbia bara yang mina prukaika mangkamna kainara, man mita kupia kraukras sma kaka, witin prubia. Yang bui witin diara yamni daukan ba kulkamna apia, bara ai saurka ra prubia, sakuna man ra mamkabamni witin ai prurika ba mana.

Isikiel 3:20 ပူးပေါင်းရင်းမြစ်များ

2 Kronikas 24:2

Joás daukanka nani ba Dawan nakra ra yamni kaikan, prîs Joiadá raya kan piua ra.

2 Kronikas 25:15

Bara Dawan Amasías ra ai kupia sauhkan, bara prapit kum blikan witin ra wiaia: —¿Dîa kan gâd bahki nani ra waram, baha gâdka nani ba sip ai nisanka pri sakras ba?

Lawana Nani 119:165

Baha nani smalkankam ra latwan kaiki ba kupia kumi lilia brisa; bara ai mina batakaia âpu sa.

Lawana Nani 125:5

Sakuna baha nani yabal saura ra auya ba, baha nani brih was, saura dadaukra nani aikuki. ¡Kupia kumi lâka Israel ra bâra kabia!

Lawana Nani 36:3

Witin saura baman aisisa, kunin baman aisisa ba mita lâ kasak aisaia ba âuya tiwan, yamni kaia ba sin mahka swisa.

Sins Lâka 25:12

Gul kau pain ba ni mihtadingka kum, lilura kum daukan ba baku sa, sinskira wan kupia kraukaia smalkan bîla ba, upla kum baha alki briaia tânka bri ba.

Aiseya 64:6

Yawan sut na upla tâski kum baku sa; yawan wan warkka pain nani sut ba kwala tâski kum baku sa; yawan sut na kauhan dus wahia srawan baku, bara yang nani upla iki saurki ba mita pâsa baku ai raskaia ai brih auya.

Aiseya 8:14

Bara witin ba man nani minam alkaika baku kabia; baha walpaya ra sika man nani minam prukma, baha mita Israel kingka tasbaya wâl ba batakbia; wan mina alkaika baku kabia, Jerusalem uplika nani baha kiwka ra mina alki kauhbia.

Jirimaya 34:16

Sakuna baha ningkara man nani kli kupiam lakram, bara nini ra aisaram ba tuski dauki alba nani pri swiram ba kli priski munram man nani warkkam takaia.

Jirimaya 6:21

Baha mita, Dawan aisisa; “Naha uplika nani na ai mina pruki kauhaia daukaisna. Aisika nani, luhpia nani, lamara uplika prui nani ba sut, aikuki baku prui banhbia.”

Isikiel 14:3

“Upla luhpia, naha uplika nani na aidul lâka ai kupia ra mangkan, bara ai saurka ra ai mina pruki kauhaia ba ai kainara mangkan. ¿Baha nani dukiara natka kum ra yang makabi walaia sna ki?

Isikiel 18:24

“Kuna kasakkira ba ai natka kasak nani ba swibia kaka, bara diara saura nani sut ba kli daukbia saurakira baku; ¿man nani lukisma ki, witin ba raya kaia sa? Yang kli kupi kraukamna apia diara yamni daukan nani ba ra, ai kasakka lâka luha bara ai saurka ba tâka prubia.

Isikiel 18:26

Kasakkira ba, yamni dauki ba swi si bara saura daukbia kaka prubia, ai daukanka saura ba tâwan.

Isikiel 3:18

Yang saurakira kum ra ikaia lâka mangkamna ba ra, man witinka ra smalki lâka daukras kapram kaka ai saurka daukanka ba swibia, raya kaia dukiara; bara witin prubia ai saurka ba tâwan; sakuna baha tâlia mana ba, yang bui man ra mai kulkamni.

Isikiel 33:18

Upla yamni ba, diara yamni ba swi si saura daukbia kaka, baha tâwan prubia.

Isikiel 33:6

Sakuna aihwawakra ba kaikuya, suldiar nani ai waihla ba aula bara trumpit ba puhbras kaka, kaina manis upla nani ra maisa pakaia, bara waihla nani ba balbia bara upla nani ra ikbia kaka, naha na pruan kabia ai saurka ba tâwan; kuna yang aihwawakra ra makabamna baha pruanka nani dukiara.’

Isikiel 7:19

Ai silbarka nani ba, yabal nani ra batakbia, bara gul nani ba bahki kulkbia. Dawan lawanka ba wina ai gulka bara silbarka sin sip swaki sâkbia apia.

Daniel 9:18

Gâdki, kiamam ba laki yang ra ai wals, nahki rau wan sauhkan na kaiks, bara baha tawanka ra man ninam mâki wini kan ba, yang nani bui man ra mamkabras yang nani kasakki ba dukiara, sakuna man kupiam swapnika ba tâka mita.

Libait Lâka 19:17

“Muihkam mapara kupiam ra saura luki kapara. “Lawi dauks uplikam ra, lawi daukaia aitani sa kaka. Sakuna witin saura dauki ba tilara kapara.

Sofonías 1:6

Baha nani yang wina ilihwi taki ba, yang ra sin ai plikras hilpki sin makabras nani ba sut sauhki âpu tikamni.”

Matiu 18:15

“Muihkam mita mampara saura yabia kaka, wal mânkam aisi, ai saurka ba latan mariks. Bîlam walbia kaka, muihkam ba pat kupia alkram sa.

Luk 2:34

Simian witin nani ra yamni munan, Jisas yaptika Meri ra naku wisata: —Kaiks, naha tukta lupia na mangkan sa, Israel luhpia nani uya kauhbia, bara kli bubia ba dukiara sin. Witin na upla uya bahki kulkaia sainka kum kabia,

Luk 8:15

Sakuna saumuk mâ nani tasba pain ra kauhan ba sika, baha uplika nani ai kupia pain ni, ridi pali Dawan bîla smalkanka ba waluya, bara piua bani kasak ban sa, bara mâ pain pali sakuya.

Roman 11:9

Debit sin naku wisa: “Witin nani pata tara liliaka ba lika daiwan alkaika bara inska alkaika tanka baku sa, witin nani ai mina prukbia, bara klala yaia wisi.

1 Korint 1:23

sakuna yang nani lika Kraist dus prihni ra pruan sturka ba aisi smalkisna. Sturka yamni na, Ju nani mapa ra swira dukia sa, bara Ju apia nani ba lika sins âpu dukia baku kulki banhwisa;

Kli Smalkanka 13:3

man nani bîla walpara. Kan Dawan Gâdkam man nani ra traikam kaikaisa man nani ba kupiam aiska bara sulkam aiska kira witin ra latwan kaikisma sapa.

Hibru Nani 10:38

Sakuna yang upliki kasakkira ba lika, kasak luki raya iwi kabia, sakuna witin ai ninara tawbia kaka, witin dukiara lilia kamna apia.”

Hibru Nani 13:17

Man nani tâm bri uplika nani ba bîla wals, bara ai adarka nani kat dauki bas. Witin nani sika ris âpu pali sulkam nani main kaiki ba, kan kaikisa ai warkka daukan ba tânka Gâd ra saki aisaia sa. Witin nani bîla walma kaka, ai warkka nani ba liliakira daukbia, sarikira lika apia; kan baku daukma kaka, baha ba man nani mampara hilp kumi sin apia kabia.

1 Pita 2:8

Bara naha wala na sin: “Walpa tara kum, walpa kum ra sika ai mina prukbia.” Kan witin nani ai mina prukisa, sturi yamni bîla wali daukras ba mita, Gâd kupia lâka kat witin nani ra baku takaia kan.

1 Jan 2:19

Witin nani ba lika yawan wan tila wina takan sakuna kasak pali mai wisna, baha nani ba yawan nani wina apia sa, kan yawan wina kata, witin nani yawan wal ban kaia kan. Sakuna baha ba baku ban takan, upla nani mita param kaikbia dukiara, baha nani ba kasak pali yawan wan tila na wina apia sa.