Isikiel 3:18 - DAWAN BÎLA AISKA

¹⁸ Yang saurakira kum ra ikaia lâka mangkamna ba ra, man witinka ra smalki lâka daukras kapram kaka ai saurka daukanka ba swibia, raya kaia dukiara; bara witin prubia ai saurka ba tâwan; sakuna baha tâlia mana ba, yang bui man ra mai kulkamni.

Isikiel 3:18 ပူးပေါင်းရင်းမြစ်များ

Blasi Sturka 2:17

sakuna diara yamni bara saura tânka kaikaia dusa mâ ba wina lika man pipara. Man baha dusa mâ wina pipara, kan pima kaka, rait pali man pruma.”

Blasi Sturka 42:22

Bara Ruben pana witin nani ra win: —Baha pat yang bui man nani ra mai wîri, tukta ra man nani baku munpara. Sakuna man nani bui yang bîli walras kapram, bamna nanara yawan lika witin ai tâlia mana aibapaia sa.

2 Samuil 4:11

¡Baha daukri ba baku man nani wal kau tara daukamna, watawikira nani, upla pâtkas kum man nani ikram ai watla pali ra aitniki kan! ¡Baha mita, ai pruanka mana ba maikrika man nani aibapma! ¡Naha tasba wina mai diki mai sakamna!

2 King Nani 1:4

Bara Ocozías ra wis, yang Dawan sna ba, naku wisni: ‘Man kli krikri wina buma apia, yang kasak aisisna man pruma.’ ” Bara Ilayas ba wih baku daukan.

Sins Lâka 14:32

Upla watawikira ba, witin ai saurka pali ba mita sauhki tikisa, upla lukanka wapni ba, ai wapnika lâka mita kan kahbisa.

Aiseya 3:11

¡Saura pali kabia watawikira ba dukiara, witin nani saura ra wabia! Ai mihta warkka nani mana ba praiska kat, Gâd bui witin nani ra aibapan kabia.

Isikiel 18:13

lalah upla ra lin munisa lukan tâski wal bara kau pura praki kulkaia dukiara; baha waitnika ba raya kabia apia. Baha ningkara naha dukia nani sut daukan ba, yang yamni kaikras na ba, rawaia apia, pruan kabia; bara witin klauna ai pâtka kabia ai prurika ba.

Isikiel 18:20

Ya saura dauki ba baman prubia. Luhpia ba ai aisika saurka mana aibapbia apia, aisa ba sin ai luhpia saurka mana aibapaia apia. Kasakkira ba ai kasakka lâka mana ba bribia; watawikira ba, ai watawika mana klala bribia.

Isikiel 18:4

Upla nani sut ba yang duki sa, aisika bara luhpia baku, ya saurka daukbia ba prubia.

Isikiel 3:20

Baku sin sip sa, kasakkira kum ai yabalka wina taki, saurka daukbia bara yang mina prukaika mangkamna kainara, man mita kupia kraukras sma kaka, witin prubia. Yang bui witin diara yamni daukan ba kulkamna apia, bara ai saurka ra prubia, sakuna man ra mamkabamni witin ai prurika ba mana.

Isikiel 33:12

“Man, upla luhpia, tawankam uplika nani ra wis: ‘Upla yamni kum saura daukbia kaka, ai kupia yamnika kanra bri kan ba mita swaki sâkbia apia, bara saurakira kum ba saurka daukaia lâka swibia kaka, ai saurka kanra dauki kan ba tâka mita prubia apia. Upla yamni ba saurka daukbia sa kaka, ai kupia yamnika lâka bri kan ba tâka mita lika raya kabia apia.

Isikiel 33:6

Sakuna aihwawakra ba kaikuya, suldiar nani ai waihla ba aula bara trumpit ba puhbras kaka, kaina manis upla nani ra maisa pakaia, bara waihla nani ba balbia bara upla nani ra ikbia kaka, naha na pruan kabia ai saurka ba tâwan; kuna yang aihwawakra ra makabamna baha pruanka nani dukiara.’

Isikiel 34:10

kan yang, Dawan, aisisna: Sepad nani, yang waihlam takisni bara yang sîpki nani tâwan mai aisisna; mihtam wina main kaikaia lâka ba dakbuna, man nani ba wînam kat baman main kaiki kama apia; sîpki nani ba dakbi brimna, man nani sîpki nani ba ban pi banhwi kama apia dukiara.’

Kulki Kaikanka 26:65

kan Dawan baha nani dukiara sika pat maisa pakan ba, witin nani sut prui banhwan kabia upla iwras tasbaya ra. Sakuna Caleb Jefuné luhpia ba, bara Jasua Nun luhpia ba baman, witin nani ai tilara prubia apia win.

Luk 13:3

Yang mai wisni, apia; man nani sin saurkam nani wina Gâd ra kupiam lakras sma kaka, sut tanis tiwma.

Luk 13:5

Yang mai wisni, apia; man nani saurkam wina Gâd ra kupiam lakras kaka, sim baku tanis tiwma.”

Jan 8:21

Bamna Jisas kli baha nani ra win: —Yang mahka auna, bara man nani ai plikma, sakuna saurkam nani tilara pruma; kan yang auna ba ra man nani sip wama apia.

Jan 8:24

Baha mita sika mai wîri man nani saurkam nani wal ban pruma; man nani kasak luki banhras sma “Yang sika Yang sna” ba, bamna saurkam wal ban pruma.

Apastil Nani Sturka 2:40

Bara Pita lika naha bîla nani aisin na purara, kau kupia kraukanka ailal baha uplika nani ra yabi, naku smalki win: —¡Man nani naha uplika nani tiwan banhwi na tila wina bal taki, swaki sakan lâka ba alks!

Apastil Nani Sturka 3:19

Baku bamna, man nani sut daukankam saura nani wina mahka Dawan ra taws, bâra mika saurkam nani sut ba diki sakan kabia. Baku bamna, Dawan bui man nani mai rakaia piua ba blîkbia,

1 Timoti 4:16

Man pali wînam ba kat aman kaiki bas, bara smalkankam ba sin, naha nani na ban dauki bas. Man naha na daukma kaka, wînam ba swaki sâkma, bara upla nani man ra wali banhwi ba sin baku takbia.

1 Timoti 5:22

Dawan warkka ba daukaia dukiara, ban pat pali mihtam upla kumi purara sin kahpara. Upla wala nani saurka ba man aikuki asla bripara; wînam ba sunu bri bas.

1 Samuil 8:9

Bamna witin nani dîa man ra makabi ba kupia lâka yas, sakuna param pali wis, king bribia bara kingka ba sin dîa dîa nani briaia ai raitka bri ba sut witin nani wina bribia.”