Isikiel 3:15 - DAWAN BÎLA AISKA

¹⁵ Bara Tel Abib ra wari, Quebar awala un ra, Israel luhpia nani tasba wala ra bahara ra iwi kan ba ra, bahara takaskri yu matlalkahbi pura kumi, witin nani tilara katni, dîa daukaia bara dîa wiaia tânka briras katna.

Isikiel 3:15 ပူးပေါင်းရင်းမြစ်များ

Blasi Sturka 50:10

Witin nani Jordan awala lalma tani ra Goren-ha-atad kat wan bara bahara witin nani wik kum takaskan, pruan ba priaska tara kum dauki, ai aisa pruan ba sarka kasak inan.

Job 2:13

Baha ningkara witin nani Job lamara tasba ra iwi banhwan, yu 7 bara 7 tihmia nani, kan Job ai wîna latwan wahwi ba tara pali kan bamna, ai bîla saki sturi kumi sin aisaras kan.

Lawana Nani 137:1

Babilon awala nani lamara iwi, Saion ra luki ini banhwi kapri.

Jirimaya 23:9

Baha bîla prapit nani ra aisin ba: Kasak pali yang ra ai turban; wîni aiska tatatbisa, laya tahpla diri baku sna, waitna kum wain mita pura lui taiban ba, Dawan tâwan sika ai bîla holi ba tâwan sin.

Isikiel 1:1

Yang, prîs Isikiel, Buzí luhpia waitna, Quebar awala un ra yu aiska kum bâra katna Babilon ra, upla nani alba brih wan nani ba tilara. Baha piua ra purara kasbrika ba kwawan, bara Gâd kaikri lilka nani bâk. Piua ba baha manka ra pat kati walhwal aimakan, yua matsip ra diman kan, bara baha kat pat 30 mani alkan; baha piua tilara king Joaquín alba lâka ra brih wan ba mani matsip alkan.

Isikiel 10:15

Naha kirubin nani lilka ba sim sika yang Quebar awalka ra asla kan kaikatna. Kirubin lilka nani ba buan,

Isikiel 3:23

Bara yang bui twi ra taki wari bara bahara Dawan prana ba kaikri, baha prana ba Quebar awala un ra kata baku; bara maiwanra wih tasba kat bawatni.

Isikiel 43:3

Baha lilka yang kaikri ba, Dawan Jerusalem sauhkaia balan taim pat kaikri ba baku kan, bara Quebar awala un ra kaikri lilka ba sin baku kan. Bara yang laila makupri maiwan tasba ra kangbaia praiska kat,

Abakuk 3:16

Baha nani daukram sturka ba sut yang walri, bara sibrin ai daukisa; uni nani mahka tatatwan, kuhmi dusa nani swapni takan bara karniki sut tiwan. Sakuna ban yang sâp iwi bîla kaiki kamna, Gâd yawan wan waihla nani ra klala yabia ba kat, wan tataibra suldiar daknika ra.