Isikiel 3:14 - DAWAN BÎLA AISKA

¹⁴ Gâd karnika ba ai bukan bara baha wina ai sakan, bara yang sari bara kupi kriwan takan, kan bâra Dawan ai mihta karnika wal ai alki kan.

Isikiel 3:14 ပူးပေါင်းရင်းမြစ်များ

1 King Nani 18:12

Yang wamna ba ningkara dîa takbia ba lika, Dawan spiritka ba bui mai brih wabia yang nu âpu sna ba pliska ra. Bara Ahab ra sturka wih maisa paki si balamna ba ra, witin nahara mai sakras kaka, witin ai ikbia. Man albikam na, wahma wina Dawan ra sibrin lukisna.

1 King Nani 18:46

Bara Dawan Ilayas ra karnika yan, witin ai maisa pain wilki Ahab kainara plapi Jezreel ra wan.

2 King Nani 2:16

bara naku wi banhwan: —Yang nani tilira kaiks, dukiam dadaukra nani, kupia karnira nani 50 nâra sa. Swis witin nani nanara wabia, bara smasmalkra ba plikaia, ban kra Gâd spiritka bal bukan bara il bahna ra, apia kra il langnika bîla ra kra bri si swin sa baku sa. Bara witin win: —Apia, upla kumi sin man nani blîkpara.

2 King Nani 3:15

Ban sakuna, ¡nanara man nani miusik papulra kumi bri sal aik! Bara miusik papulra ba kau kangbi kan ba ra, Dawan karnika ba Ilaidsa purara balan,

Aiseya 8:11

Dawan ai karnika ra dutki ai alki bara ai win, naha uplika nani yabalka bâk wapamna apia. Sakuna ai win:

Jirimaya 6:11

Dawan, yang na man lawankam ni ai banhkram ba mita puri luan sa, kau alki takaskaia sip apia sni.” Dawan bui ai win: “Wahma nani yabal ra tauki ba purara laiks, tiara daknika nani ba purara laiks. Maya waitna nani bara maya mairin nani ba silak ra brih wabia, dama pali nani ba sin brih wabia.

Isikiel 11:1

Gâd karnika ba ai bukan bara ai brih wan, Dawan tempelka dimaia lalma tani kat. Durka ra 25 waitna bâra kan, baha tilara kaikri Jaazanías, Azur luhpia ba, bara sin Pelatías, Benaías luhpia, tawan lalka bâk sakan ba.

Isikiel 3:12

Ningkara Gâd karnika ba mita ai bukan, bara bin tara kum yang ninira ba walri tasba nikbi baku takan, Dawan prana tara ba ai pliska ba wina buan ba ra.

Isikiel 37:1

Dawan ba ai mihta laila ra kahban, bara ai karnika tara ba aikan, bara ai mangkan il bîla kum ra upla pruan dusa nani man kan tilara.

Isikiel 40:1

Baha katka yua matawalsip ra mani raya katka, Dawan ai mihta ba yang purira mangkan bara diara aihka kaikan kum ra Israel tasbaya ra ai brih wan. Pat 25 mani baku yang nani Babilon ra alba katna, Jerusalem batakan ba wina lika 14 mani bri kan. Israel tasbaya ra, il purara pali kum ra Dawan mita ai sunan, bara baha wina yang waupasa tani ra kaikri utla pali man mâkan baku tawan tara kum baku.

Isikiel 43:5

Bara Gâd ai karnika ni ai alki ai bukan bara tempel lilapas kat ai brih wan, bara yang kaikri tempel bîla Dawan prana ni banhwan kan.

Isikiel 8:1

Baha manka ra, kati matlalkahbi, yu matsip katka ra, yang waitla ra Juda wina almukka nani aikuki iwi katna ba ra, bahara Dawan ai mihta ba yang purira kahban,

Isikiel 8:3

Bara baha uplika ai mihta sakban, bara tâiwa ra alkan; bara Gâd karnika ba mita pâsa purara ai bukan, Gâd mita lilka nani daukan ba natka ra, Jerusalem ra ai brih wan, bara tawan bîla getka dimaia kat ai swin, baha wina yahbra tani ra tawi ba bahara sika aidul Dawan kupia tuski kupia baiki ba bâra kan.

Jan 4:1

Parisi nani walan nahki Jisas kau nina blablikra nani ailal bri kan, Jan ba wal, bara kau upla manis sin tahbi dauki kan ba,

Jan 4:3

Jisas naha walan ba ra, Judia wina takan kli Galili ra waia.

Jan 4:9

Sakuna Ju nani ba Sameria uplika nani wal diara briras bamna, mairka ba naku Jisas ra win: —Man ba Ju uplika kum sma, ¿bara nahki man bui yang ra lî diaia makabisma, kan yang na Sameria wina mairka sna na?

Apastil Nani Sturka 8:39

Witin nani lî wina ulan ba ra, Dawan Spiritka mita Pilip ba brih wan, bara waitnika witin ra kli kaikras kan; sakuna witin ai âuyapah ai yabalka ra impakan.

Param Marikanka 10:10

Bara wauhtaika lupia ba insal ba mihta wina brih piri; baha ba bîli ra nasma baku damni kan, sakuna piri ningkara, biaira bilara tahpla takan.