Isikiel 3:12 - DAWAN BÎLA AISKA

¹² Ningkara Gâd karnika ba mita ai bukan, bara bin tara kum yang ninira ba walri tasba nikbi baku takan, Dawan prana tara ba ai pliska ba wina buan ba ra.

Isikiel 3:12 ပူးပေါင်းရင်းမြစ်များ

1 King Nani 18:12

Yang wamna ba ningkara dîa takbia ba lika, Dawan spiritka ba bui mai brih wabia yang nu âpu sna ba pliska ra. Bara Ahab ra sturka wih maisa paki si balamna ba ra, witin nahara mai sakras kaka, witin ai ikbia. Man albikam na, wahma wina Dawan ra sibrin lukisna.

2 King Nani 2:16

bara naku wi banhwan: —Yang nani tilira kaiks, dukiam dadaukra nani, kupia karnira nani 50 nâra sa. Swis witin nani nanara wabia, bara smasmalkra ba plikaia, ban kra Gâd spiritka bal bukan bara il bahna ra, apia kra il langnika bîla ra kra bri si swin sa baku sa. Bara witin win: —Apia, upla kumi sin man nani blîkpara.

Lawana Nani 148:2

¡Man nani bui witin ra mayuns, ai insalka nani sut ba wal! ¡Witin ra mayuns, man nani aiklaklabra daknika nani, kasbrika purara sma ba!

Lawana Nani 26:8

Dawan, man iwaikam watla ba, yang latwan kaikisna, man pramna lâka, bahara iwi watla bamna.

Aiseya 6:3

Bara pana pana ai bîla baikra saki, wini kan: “Holi, holi, holi karnika sut bri Dawanka ba; tasba aiska ba ai prana ni banhwan.”

Isikiel 10:4

Bara Dawan prana ba, kirubin lilka nani ba lal wina ingnika ba purara ulan bara tempel dimaia ba tani ra wan; bara kasbrika pura nani ni tempel ba banhwan, bara watla kutbanka ba Dawan prana ingnika ni aibanhwan kan.

Isikiel 11:1

Gâd karnika ba ai bukan bara ai brih wan, Dawan tempelka dimaia lalma tani kat. Durka ra 25 waitna bâra kan, baha tilara kaikri Jaazanías, Azur luhpia ba, bara sin Pelatías, Benaías luhpia, tawan lalka bâk sakan ba.

Isikiel 2:2

Baha bîla baikra ai aisi kata ba ra, Dawan karnika ba yang ra balan, bara yang ra ai bukan. Bara ai aisan bîla ba walri.

Isikiel 3:11

Was, uplikam nani ra tasba wala ra brih wan bâra ba kaiks, witin nani man ra walbia sapa bara walras kabia sin, witin nani ra wis: ‘Naha Dawan aisisa.’ ”

Isikiel 3:14

Gâd karnika ba ai bukan bara baha wina ai sakan, bara yang sari bara kupi kriwan takan, kan bâra Dawan ai mihta karnika wal ai alki kan.

Isikiel 43:4

bara Dawan prana ba lalma durka bâk tempel ra diman.

Isikiel 43:5

Bara Gâd ai karnika ni ai alki ai bukan bara tempel lilapas kat ai brih wan, bara yang kaikri tempel bîla Dawan prana ni banhwan kan.

Isikiel 8:3

Bara baha uplika ai mihta sakban, bara tâiwa ra alkan; bara Gâd karnika ba mita pâsa purara ai bukan, Gâd mita lilka nani daukan ba natka ra, Jerusalem ra ai brih wan, bara tawan bîla getka dimaia kat ai swin, baha wina yahbra tani ra tawi ba bahara sika aidul Dawan kupia tuski kupia baiki ba bâra kan.

Isikiel 9:3

Bara Ningkara Israel Gâdka prana tara ba kirubin nani ba pura kat uli wan, baha nani bâra kata ba kat, baha wina tempel dimaika ba kat wan. Bara Dawan waitna ba ra winan kwalka dimi kata ra, ai maisa ra ulbaia dukia nani bri kata ba.

Apastil Nani Sturka 2:2

Bara tisku kan witin nani walan bin kum bal iwan, sim pali pâsa karna krawi binka baku. Baha watla bilara witin nani bâra kan ba sut banhkan.

Apastil Nani Sturka 8:39

Witin nani lî wina ulan ba ra, Dawan Spiritka mita Pilip ba brih wan, bara waitnika witin ra kli kaikras kan; sakuna witin ai âuyapah ai yabalka ra impakan.

Param Marikanka 1:10

Bara Dawan yua kumi ra, Spirit Holikira mita ai karnika munhtara ai brisata, bara nini tani ra bîla baikra tara kum walri, sim trumpit binka baku,

Param Marikanka 1:15

Ai mina nani ba ingwi kan bras slilki lipni pali daukan ba baku; bara ai bîla baikra ba lika karna kan, sim lî aubra binka baku.

Param Marikanka 19:6

Upla ailal bîla baikra baku sin walri, lî aubra binka baku, alwani nani karna binka baku sin. Baha nani naku aisi kan: “¡Dawan nina mayunan kabia! Kan Dawan ba wihta aimakaia lâka ba bukan sa, wan Gâdka karnika sut bri ba.