Isikiel 28:2 - DAWAN BÎLA AISKA

² “Man, upla luhpia, Tiro kingka ra wis: ‘Naku wisa Dawan ba: Kupiam ba aimayunra lâka ni banhwan, bara man ba gâd sma lukram, gâd nani iwaika kir ra iwi ba, bara kabu ni kir kutbi mai bri ba. Sakuna man lika gâd apia sma, kuna man waitna sma, bara lukisma gâd baku sinska lâka brisma.

Isikiel 28:2 ပူးပေါင်းရင်းမြစ်များ

Blasi Sturka 3:5

Ban sakuna, Gâd kaikisa man nani baha dusa wina pima yua ba, Gâd baku namkra ilingkan kabia, bara yamni ba wihki saura ba wal tânka kaiki banhma.

2 Kronikas 26:16

Sakuna ai karnika ba brin ba ra kli praut takan, baha tâka witin ra sauhki tikan. Witin Dawan ai Gâdka ra kulkras daukata, kan witin Dawan tempelka ra dimi mahka kîa yamni dukia nani ba angkan altar ra.

Lawana Nani 9:20

Dawan, witin nani kupia ra sibrin dingks, ¡yarka witin nani tânka bribia, witin nani ba upla praprura ba!

Sins Lâka 16:18

Praut lâka ninara sauhki tikan lâka sin aula; pura luaia spiritka ba ninara, kauhanka tara sin balisa.

Sins Lâka 18:12

Waitna kupia praut pali taki ba wina bâk wan krikaia lâka takisa; kuna bawikira lâka ba wina, yamni wiaia lâka balisa.

Aiseya 2:12

baha yua karnika sut bri Dawanka ba, diara daukbia witin nani baman sa luki, tara takan nani ba mapara, purara uli nani ba sut, mâyara batakaia;

Aiseya 23:8

¿Ya naha lâka na naku Tiro purara daukan, witin sika king tawanka kata ba, ai wihtka tara nani ba, diara âiatkra nani kan, witin ai dukia âiatkra nani ba, tasba ra upla tara karna nani kan ba?

Aiseya 31:3

Idsip uplika nani ba upla sa, gâd apia, ai araska nani ba spirit apia, wîna nani sa; baku bamna Dawan ai mihta sakbia klala yabaia, bara kan kakahbra nani baku sin ai kan kahbi uplika nani sin kauhbia; sim piua ra sut prui tiwbia, sut dring prubia kumi baku.

Aiseya 47:8

Baha mita, naha na nanara wals, diara lalihkra nani mairka, âuyapah iwaikam ra iwisma ba, lukankam ra lukisma ba: ‘Yang, bara yang wina kau walan âpu sa; yang piarka takamna apia, luhpias sin takamna apia.’

Isikiel 16:49

Muihkam Sodoma saurka ba naha sa: witin bara ai tawanka sirpi nani wal manis pali kwalhwi kata plun manis bri ba dukiara, bara witin baman sip sa baku luki ba dukiara, kuna umpira nani ra tâ baikras kan, baku sin diara luha nani ra.

Isikiel 26:17

Bara witin nani lika upla pruan bikaia lawana na aiwani maikbia: ‘¡Nahki muni man na naku mai sauhkan, nahki muni kabu wina lap tiwram, upla mai kakaira tawanka! Man, uplikam nani aikuki, karna pali katma ba kabu ra; kabu aiska ra upla sibrin tara mangkatma ba.

Isikiel 28:1

Dawan ba yang ra balan, bara ai win:

Isikiel 28:17

Pramna ba mita, mamyunra wal banhkram; kulkanka tara brisma ba mita sinskam lâka tikan. Yang tasba ra mai batakri, swira lâka ra mai lakri king nani mawanra.

Isikiel 28:9

¿Bara ban damra wali kama ki, gâd baku, taibi mai muni nani ba mawanka ra sma ba ra? ¡Mai iki nani ba mihta ra man ba upla kum baman sma!

Isikiel 29:3

Wis: ‘Dawan naku wisa: Yang param takisni man waihlam, king fero, Idsip kingka, daiwan aihka saura tara, awalkam ra bâra sma bara aisisma: Nilo awala ba yang awalki, yang daukri.

Isikiel 29:9

Bara upla iwras tasbaya takbia bara upla nani ba ai dara walbia, yang sika Dawan sna ba. Man wiram: Nilo ba yang duki, yang daukri.

Isikiel 31:10

‘Bamna aitani, Dawan ba naku wisa: Dusa ba yari pali takan bara tâ ba kasbrika kat uli wan; tara pali takan bamna, ai mayunanka ni banhwan.

Daniel 11:12

Witin pura luanka brin ba, bara ai waihla nani ailal pali pruan ba kaiki purara kaia lukanka ni aibanhwan kabia, sakuna ai karnika ba piua wihka wabia apia.

Daniel 11:36

‘Yahbra tani kingka diara sut ba daukbia, witin ai brinka ba kat. Baha ba aimayunanka saura witin lukisa ba gâd nani sut purkara sa, Gâd kasakkira ba mapara saura pali ba aisabia, bara diara sut ba ai mapara yamni takbia, Gâd mita klala blîkbia ba kat; kan Gâd lika dîa daukaia luki ba kat daukbia sa.

Daniel 11:37

Naha kingka na ai damika nani gâd nani bri kan ba nani ra kulkras takan, mairin nani ba ni mayuni gâdka nani kumi ra sin apia, kan witin bui lukisa witin ba kau tara sa gâd nani sut ba wal.

Abakuk 2:4

Naha smalkanka bîla ulbi bris: Upla watawikira nani ba ai prautka lâka ra iwisa; sakuna kasakkira nani ba lika Gâd ra kasak luki ba mita raya kabia.”

Sofonías 2:15

Baha tawanka sika aimayunan lâka ni pura luan sa, kan witin nani baman sa luki kan. Naha tasba ra, witin nani ai tasbaya uplika nani baku upla wala âpu sa luki kan. ¡Nahki upla âpu yakan pali swin ba, daiwan wail nani watla takan ba! Ansa piua ra witin lamak lui wabia ba ra, wasbi bara saura kulkan lâka wal ailal mariki kabia.

Sakaraya 9:2

Hamat uplika nani ba, baha lamara tawanka Hadrac wal ai lamara ba, bara Tiro Sidón wal uplika iwi natka ba, baha nani sut ba, Dawan uplika kulkisa.

Luk 14:9

man nani wâlsut mai paiwan uplika ba bal, mai wibia: ‘Naha wala na ra iwaika na yas iwbia.’ Bara man swiram pali taki, kulkanka kau mâyara ba iwaika ra wih iwma.

Kli Smalkanka 8:14

Tara pulan lâka ni aibanhwi, Dawan Gâdkam âmya tikpara, alba kapram Idsip wina mai sakan ba.

2 Tesalonaika 2:4

Naha sika waihla kum, diara sut Gâd nina bri ba mapara bûi ba, baku sin pura suni mayunaia tânka bri ba mapara buisa. Bara ban sin Gâd tempelka ra dimi iwisa, Gâd kan baku, bara witin pali ba Gâd wisa.

1 Timoti 3:6

Bamna, tâ bri uplika ba, bisi pali Dawan ra tawan uplika kaia apia sa, witin ai wîna ba tara puli dibil pât ra lulkan ba baku witin ra sin lulkbiara sîa.

1 Pita 5:5

Baha sim natka ra, man nani wahma nani, almuk nani karnika munhtara bawi bas. Man nani sut kumi bani walkam munhtara bawaia sma; kan Ulbanka ra naku wisa: “Prautkira nani ba Gâd mita batakisa, sakuna bawikira nani ra lika ai yamnika ni buki hilp munisa.”

Param Marikanka 17:3

Spirit ba ai karnika munhtara ai brin, bara insal ba mita upla iwras tasbaya ra ai brih wan. Bahara mairin kum kaikri daiwan saura pauni kum purara iwi kan, bara daiwra wîna tara pura aiska ba, Gâd mapara saura aisaia nina baman kan; baha ba lal 7 bri kan, aringka sin matawalsip.

Param Marikanka 18:7

Witin ai wîna ra aimayuni ai liliaka tanis brin ba baku, sim daukan ba mana kat yas, witin ra latwan bara rausauhkan sin yas. Kan witin ai kupia ra wisa: ‘Yang lika nahara kwin mairin baku iwisna; piarka apia sni, latwan sin wahwamna apia.’