Isikiel 28:17 - DAWAN BÎLA AISKA

¹⁷ Pramna ba mita, mamyunra wal banhkram; kulkanka tara brisma ba mita sinskam lâka tikan. Yang tasba ra mai batakri, swira lâka ra mai lakri king nani mawanra.

Isikiel 28:17 ပူးပေါင်းရင်းမြစ်များ

Lawana Nani 73:18

witin nani mina ba yaram lalalwisa, bara platukbi sauhki tikaia ra lulkisma.

Sins Lâka 11:2

Praut lâka briaia ba, kulkras lâka nani bukisa; sins lâka lika umpira bawikira nani wal sa.

Sins Lâka 16:18

Praut lâka ninara sauhki tikan lâka sin aula; pura luaia spiritka ba ninara, kauhanka tara sin balisa.

Aiseya 25:12

Bara Dawan mita tawanka walpaya kutbanka nani ba batakbia, slingbia, tasba kat lulki swibia.

Aiseya 26:5

Witin daukisa tara puli nani ba kauhaia, tawan tara praut puli ba tasba kat bataki yan bawisa,

Jirimaya 8:9

Sakuna baha nani sinskira puli ba swira daukan kabia, daiwan nani alkaika ra alkan sinska lap tiwi ba baku. ¿Witin sins lâka brisa aisi ba anira sa, yang bîli nani lulki swin na?

Isikiel 16:41

Wamtla nani ba pauta ni angkbia bara mairin ailal mawanra lâmka daukan kabia. Urkam lâka ba tnata mangkamna, bara kau lilam nani mana aibapma apia.

Isikiel 19:12

Kuna kupia baiwan wal daikan bara tasba ra batakan. Lalma payaska ba bui lâkan wainka mâ nani ba sut kauhan; bara tnawa karna nani ba lâwan, bara pauta klauhan ra lulkan.

Isikiel 23:48

Yang naha kuntrika ra daukanka saura nani ba, yabrika âpu tiwbia bara mairin nani saura dauki, witin nani kaiki lan takbia ba nina blîkbia apia.

Isikiel 26:16

King nani kabu wina ba sut batakan kabia, bara ai prâka maman nani ba sut dakbi bribia; sibrin tara ba mita tasba kat iwi kabia, awar bani sibri mita tatatwi kabia bara baha nani kaiki sibrin takbia.

Isikiel 27:3

Tiro ba dukiara, baha tawanka kabu ra taki auya bara nisan nani wal diara atki ba, kabu lamara tawanka ailal nani wal. Wis Dawan ba naku wisa: ‘Tiro, man ba, mamyunisma man aimakaia butka pranakira ba ra kasak sma wisi.

Isikiel 27:4

Man ba, kabu kupia kat karnikam ba auya, paskankam nani ba sut purkara kau prana sa.

Isikiel 28:15

Daukankam ba kasak kata, mai paskan yua ba wina; man ra watawi lâka bal takan ba kat.

Isikiel 28:2

“Man, upla luhpia, Tiro kingka ra wis: ‘Naku wisa Dawan ba: Kupiam ba aimayunra lâka ni banhwan, bara man ba gâd sma lukram, gâd nani iwaika kir ra iwi ba, bara kabu ni kir kutbi mai bri ba. Sakuna man lika gâd apia sma, kuna man waitna sma, bara lukisma gâd baku sinska lâka brisma.

Isikiel 28:5

Diara âiatkra sip kaia lâka ba wal, yuyakam nani ba ailal pali daukram, bara yuyakam nani ba mita aimayunra mai daukan.

Isikiel 28:7

yabrika tringsar nani mampara balbia, upla kau saura nani ba, ai sordka sâkbia rau mai sauhkaia, man, sinskira pali bara pranakira sma ba; bara pramna tara ba tasba kat alahbia.

Isikiel 31:10

‘Bamna aitani, Dawan ba naku wisa: Dusa ba yari pali takan bara tâ ba kasbrika kat uli wan; tara pali takan bamna, ai mayunanka ni banhwan.

Isikiel 32:10

Man tamka, sibrin lâka yabamni tawan manis ra; ai kingka tâ iwan tara pali kabia, sordki mawanra sakamna ba ra. Kauhma ba ra, witin sibrin mita tatatbia klauna ai rayaka dukiara.

Daniel 11:12

Witin pura luanka brin ba, bara ai waihla nani ailal pali pruan ba kaiki purara kaia lukanka ni aibanhwan kabia, sakuna ai karnika ba piua wihka wabia apia.

Luk 14:11

Kan ya tara kaia lukbia ba, mâyara tawbia, bara ya mâyara ba, tara kulkan kabia.

Jems 4:6

Sakuna Gâd ai yamnika mita kau latwan wan kaikisa, kan Ulbanka ra naku wan wisa: “Gâd bui prautkira nani ba mapara buisa, sakuna bawikira nani ra lika ai yamnika ba ni hilp munisa.”