Isikiel 27:31 - DAWAN BÎLA AISKA

³¹ Man dukiamra ai tâwa ba irbia, upla pruan sarka kwalka dimbia, bara kupia wirha tara pali wal inbia.

Isikiel 27:31 ပူးပေါင်းရင်းမြစ်များ

Aiseya 15:2

Dibón uplika nani ba il ra uli wan tempel ra dimi inaia, Moab ra, Nebo bara Medebá pura mata inbia; ai tâwa ba irban kabia, ai unmaya sin sut irban kabia.

Aiseya 16:9

Baha mita inisna Sebná wainka nasla nani ra luki, Jazer ra sin luki, Hesbón, Elalé dukiara naikra laya laikisna, mâ tilwan nani dâkaia bri kata ba purara war aiklaban bamna.

Aiseya 22:12

Baha ba mita, karnika sut bri Dawanka ba mai paiwan naha yua ra; man nani inaia, sari briaia, tâmwa kusbaia bara sari kwalka dimaia sin.

Aiseya 22:4

Baha mita yang wîri: Man nani ai swis, inanka tahplira ba inamni, maisi nihkaia wisi ai aisapara, tawanki luhpia mairin nani sauhki tikanka saura ba wina.

Aiseya 3:24

Kîa yamni watlika ra bisbaya balbia; maisa wilkaika watlika ra, rup; tâwa pain pitbanka watlika ra lal ba kusban kabia; kwala pranakira ni ai maisa wilkaia watlika ra, krukus ni wilkbia, bara prana painkira kaia ba watlika ra, ayan ni mark kum pauta klauhi baku kabia.

Jirimaya 16:6

Naha kuntrika ra almuk nani ba tuktan nani ba prubia, upla kumi bal baha nani bikbia apia, pura mata sin inbia apia, sarka brisa wisi ai taya ra klaki ai tâwa sin irbi banhbia apia.

Jirimaya 47:5

Gaza uplika nani ai tâwa irbia, Ascalón uplika nani sip aisaras takbia. Blasi upla tarka tara nani kan ba wiria takaskan nani, ¿ahkia kat man tamya ra klaki ban kama sari brisma tukinka ba?

Jirimaya 48:37

Tâwa nani sut irban, unmaya sin klakan; mihta nani ba sut insauhkan bara krukus prâka nani dimisa.

Isikiel 29:18

“Babilon kingka Nabucodonosor, ai suldiar nani ba Tiro mapara blikan; bamna upla nani lal ba sut ba takbi pahpaya kat swin; sakuna witin bara ai suldiar nani sut sin witin nani Tiro mapara aiklabanka wina yamnika kumi sin sakras kata, Tiro mapara aiklabanka ba wina.

Isikiel 7:18

Witin nani sari kwalka ni dimbia; wîna aiska tatatbi kabia bara mawan ba sin pauni takan kabia ai swira mita, bara lal tâwa ba sin kusban kabia.

Joel 1:13

Prîs nani, Dawan altarka ra dukia dadaukra nani, man nani kwala siksa dims, bara sari tara brih, altar lamara wih ini banhs. Nanara man nani Dawankam tempelka ra piaia bara diaia prisantka nani brih waia âpu takan bamna.

Libait Lâka 21:5

“Tâwa ba klakan kaia apia sa, ai unamaya ba irban kaia apia sa, taya ra sin klakan âpu kaia sa,

Emus 8:10

Lilia daukaia yua nani ba, pruan nani pura mata inaia yua daukamna; bara lilia dauki aiwanaia lawana nani ba sut, bikaia pura mata inanka nani ra tawbia; man nani sut kwala siksa dimma, upla nani tâwa ba sin irbi lipni daukbia; upla ai luhpia kumi baman bri kan pruan mata ini ba baku ini yahwi kama, bara yuam tnata ba tahpla pali lui wabia.”

Jona 3:6

Bara Ninibi kingka sturi ba walan, witin ai iwaika ba wina bûi si ai kwalka painkira ba daikan bara witin sin kwala siksa dimi tasba kat iwan.

Miqueas 1:16

Bamna Saion tawanka uplika nani, man nani tâmwa klaks, sari brisma ba tânka marikaia dukiara, luhpiam nani latwan pali kaikisma ba tâwan; tâmwa irbi, lamla ba usus lal baku lipni dauks, uplikam nani ba taibi muni tasba wala ra brih wan kabia bamna.”

Miqueas 1:8

Baha mita kupi wirha bara sarikira ini kamna; sûs sin âpu, kwala sin dimras watauki kamna; yul wail talia daiwra ba baku ini kamna, daiwan tnawira yahpa tara luhpia baku sin ini tauki kamna.

Kli Smalkanka 14:1

“Man nani ba Dawan Gâd luhpia nani sma. Upla kum prubia kaka, baha dukiara lamla kusbi wînam ra klakpara.