Isikiel 27:18 - DAWAN BÎLA AISKA

¹⁸ Damaskus ba, diara ailal pali man wina atki kan, yuyakam nani sin. Mai aibapan Helbón wainka wal bara Sahar daiwra taya ni.

Isikiel 27:18 ပူးပေါင်းရင်းမြစ်များ

Blasi Sturka 14:15

Bara tihmia ra king nani ba ai dara walras kan, Ebram ai uplika nani aikuki wih dimi aiklaban. Bara witin nani plapan, swiras nina blikan Hobá kat wan, Damaskus tawanka yahbra tani ra ba.

Blasi Sturka 15:2

Bara Ebram pana aisi, win: —Dawan Gâd, ¿man maina tara aikma ba yang ra dîa hilpka kabia, man kaikisma luhpi nani âpu sna na? Man luhpa kum sin yang ra aikras sma na, prapatiki nani sut dawanka kaia ba lika albiki kum brisna, nina Eliézer Damaskus wina ba kabia.

Aiseya 7:8

Damaskus sika Siria kiapitalka, bara Resín sika Damaskus kingka; Sameria ba Efraín kiapitalka, bara Remalías luhpia Sameria kingka;

Jirimaya 49:23

Damaskus uplika nani ra wiaia bîla ba: “Hamat, Arpad tawanka nani ba swira daukan sa, sturi saura ba witin nani walan bamna. Sibrin tara daukisa, witin nani sip sâp apia sa.

Isikiel 27:19

Uzal wina wain brih balan, ayan slilkan, sinimint bara dus kîa painkira atkaia dukia brisma ba mana.

Isikiel 27:33

Kabu un ra atkaia dukia nani aula ba ra, nisan ailal pali ra ai âuyapah yabi kapram. Yuyaka ailal pali bara diara daukan ailal ba, tasba kingka nani ra yuyakira dauki kan.

Apastil Nani Sturka 9:2

Bara lâ daukaia karnika wauhkataya nani makaban, witin baha ba wal Damaskus Ju nani priaska watla nani ra wih plikaia, baha nani sturi yamni nina bliki ba sut alki Jerusalem ra bri sal silak ra atia mangkaia, waitna nani sapa, mairin nani sapa.