Bara baku Aisak Jekob ra blikan wan, Padán-aram ra. Jekob Labán watla ra wan, bara Labán aisika ba nina Betuel, Aram uplika win kan, Labán Rebeca wal ai lakra, Jekob bara Isau ba Rebeca luhpia waitna nani.
King, naha man dukiam dadaukra na, Siria tasbaya Guesur ra iwi kapri ba ra, Dawan wal pramis takri, witin kli Jerusalem ra waia sanska aikbia kaka, yang bui witin ra pura sunra dauki mayunaia kapri.
Naika Damaskus wina Siria uplika nani sin wan Hadad-ézer, Sobá kingka ra hilp munaia, sakuna Debit bui Siria uplika nani ra sin pura luan, bara 22,000 ikan.
Gul bara silbar ni mai srukan kan; kwalkam nani ba maman dukia kata, mapla sât sât. Brit kau yamni ba pi katma, nasma laya bara oliv batanka laya. Prana pali takatma, kwin kum takatma.
baha piua saurkam ba kau param takras kata; sakuna nanara filisteo bara Edom tawanka nani, lamara tawanka nani sut ba saura mai wisa; ¡tasba aiska bahki mai kulkisa!
Eden ra katma, Gâd giadinka ra, mai sakahkan kan walpa pranakira sât sât wal: rubi walpaya, krisulait, jadi walpaya, topas walpaya, karnilian walpaya, jasper walpaya, sapair walpaya, garnit walpaya, esmeralt walpaya; bangkilkam ba bara kiamam lula ba gul ni ridi daukan kan, mai paskan yua wina.
Sakuna Dawan kaikan Israel luhpia nani ba kli saura daukan, gâd bahki Baal bara Astarté wal lilka nani sât sât ba ra kau ai pura suni banhwi kan, baku sin Siria, Sidón, Moab, Amón bara filisteo nani gâdka nani ba sut ra ai pura suni banhwi kan. Witin nani Dawan mayunra lulki swin.