Isikiel 26:7 - DAWAN BÎLA AISKA

⁷ “Yang Dawan sna ba, aisisni: Yahbra wina yabrika balbia Nabucodonosor ba, Babilon kingka; king kau karnakira ba, Tiro purara kauhan kabia dukiara. Aras nani wal balbia, wagin nani, bara aras ra âiulra nani balan kabia, baku sin suldiar daknika ailal kira aikuki balbia.

Isikiel 26:7 ပူးပေါင်းရင်းမြစ်များ

Esdras 7:12

“King Artajerjes bui Esdras ra lakula daukisa, prîs smasmalkra Gâd kasbrika purara bâra ba lâka kakaira ba.

Aiseya 10:8

Aisisa: ‘King nani sut ba, yang adarki ra wihta aimakisa.

Jirimaya 25:22

Tiro, Sidón kingka nani sut ra sin; Mediterráneo kabuka tawanka nani kingka ra sin yabri;

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 4:13

Man nani kaiks, waihla ba kasbrika awi baku aula, aiklabaia waginka nani ba prari aula baku sa, araska nani ba yakal pali ba wal kau karna plapisa. ¡Yawan ra saura pali kabia, yawan lika pat tiwan sa!

Jirimaya 4:7

Layan ba ai watla wina pat takan, nisan nani sauhki tiki ba pat yabal ra aula; ai tasbaya wina taki aula man kuntrikam ba sauhki tikaia, tawanka tara nani ba slingbi, pura paski bîla man swiaia.

Jirimaya 52:32

bara king wala nani Babilon ra bâra kan ba tilara witin ba baha nani wihtka mangkan, baku Joaquín ra kau yamni munan.

Jirimaya 6:23

Trisba nani bara sord nani brisa; witin nani lika upla ra umpira kaikras, saura rausauhkisa; winanka nani ba kabu binka tara baku sa, aras ra uli aula. Saion mapara aiklabaia ridi sa.”

Isikiel 17:14

Juda ba king lâka tasbaya kum karnika âpu kabia wisi, kli sip ai mina buaia apia, ai pramiska ba kat daukbia kra, bara ban dîa ba kat dauki kaia.

Isikiel 23:24

mampara balbia; wagin nani ailal bara suldiar kwâra tara; plis sât sât wina bal mai kutbia; bara ai lal prakaika bara kaina kahbaia sin, yang mita raitka yabamni lâmka daukaia, bara witin nani lâmka daukbia dîa ai lâka natka ba kat.

Isikiel 26:3

“Baha mita, yang Dawan sna ba, naku wisni: Tiro, yang lika man nani waihlam param takisna. Yabrika nisan ailal pali mampara bubia, sim kabu ripka tara nani ba baku;

Isikiel 28:7

yabrika tringsar nani mampara balbia, upla kau saura nani ba, ai sordka sâkbia rau mai sauhkaia, man, sinskira pali bara pranakira sma ba; bara pramna tara ba tasba kat alahbia.

Daniel 2:37

Man king tara king nani sut purkara, king tara sma, Gâd kasbrika purara ba mita naha king kaia lâka ba maikan sa, karnika, sip kaia lâka, mayunra ba sin,

Daniel 2:47

Baha ningkara, Daniel ra aisin: —Kasak pali, man nani Gâdkam ba kanra tara sa, gâd wala nani sut ba wal; king nani sut Dawanka sa, witin mita dahra prakan ba param ra sakisa, bamna man sip sma naha dahra prakan ba param ra sakaia.

Oseas 8:10

Sakuna nisan nani tilara, prisant nani yaban kabia sin, nanara yang auna munrika swih plapaia bara piua kum witin nani ra yabamna, king nani bara wihta nani âpu kaia ba.