Isikiel 26:13 - DAWAN BÎLA AISKA

¹³ Baku lamwanka nani binka ba âpu daukamna, bara arpkam nani binka ba kli walbia apia.

Isikiel 26:13 ပူးပေါင်းရင်းမြစ်များ

Lawana Nani 137:2

Tnasu dusa nani tawan bilara ba ra, arpki nani ba pami banhri.

Aiseya 14:11

Naha kat prautkam lâka ba takaskan bara miusikkam, gitar tara binka ba sin. Man krikrikam ba uba umpira pali sa, man munhtampala ba, liwa nani sa.’

Aiseya 22:2

Man nani, mai turban sa, tawan tara unsaban binka pali man ba, tawan tâura, lilia nani pânika ba, pruankam nani ba sord malika pruras, war ra sin pruras kan.

Aiseya 23:12

Witin Sidón ra win: “Lilia lâka ba swis, taibi saura mai munan tiarika sma ba. Chipre kat lui wama sin sakuna, bahara sin ris brima apia.”

Aiseya 23:16

“Rug mairin, aiawi tiki mai swin ba, arpkam ba bris, tawan tara ba kir watauks; miusik binka painkira nani dauks, lawana ba kli kli aiwans, bara kaikaia witin nani kli man ra ai kupia kraukbia sa sapa.”

Aiseya 23:7

¿Naha na apia, man nani tawankam tara liliakira kata ba, blasi pali yua kankika wina? ¿Baha tawanka tara ba apia, laih tasba wala nani ra impaki kata, bahara takaski iwaia dukiara?

Aiseya 5:12

Pata tara dauki ba ra, arp, gitar tara, kingbi nani, plut bara wain sin bâra brisa; sakuna Dawan warkka nani ba lika kaikras, Dawan mihta warkka nani ba dukiara sin luki kaikras.

Jirimaya 16:9

Yang, Dawan karnika sut brisna, Israel Gâdka, param aisisna: Naha kuntrika ra lilia lawana nani aiwani, lilia dauki ba maya baiki aiwani ba sut takaskaisna. Naha sut man nani yuam ra baku takbia, bara man nani baha kaikma.

Jirimaya 25:10

Yang daukamna witin nani ai tilara lilia mita aiwani lilia kaia kli daukan kaia apia, maya baiki lawana sin aiwanaia apia, akbaia walpaya nani binka sin walaia apia, lamp angki ingnika nani ba sin kli kaikaia apia.

Jirimaya 7:34

Yang daukamna Juda tawanka nani ba bara sin Jerusalem tawanka yabalka nani ra lilia dauki aiwananka ba, maya baiki lawana nani aiwani ba sut lap tiwaia; tasbaya aiska ba upla iwras tasbaya baku bîla man swimna.”

Isikiel 28:13

Eden ra katma, Gâd giadinka ra, mai sakahkan kan walpa pranakira sât sât wal: rubi walpaya, krisulait, jadi walpaya, topas walpaya, karnilian walpaya, jasper walpaya, sapair walpaya, garnit walpaya, esmeralt walpaya; bangkilkam ba bara kiamam lula ba gul ni ridi daukan kan, mai paskan yua wina.

Oseas 2:11

Ai liliaka dauki ba takaskamna, lilia daukaia yua nani bri ba, kati raya ra, ris yua nani bri ba, bara lilia tara daukaia yua nani sut bri ba sin.