Isikiel 23:40 - DAWAN BÎLA AISKA

⁴⁰ “Bîla twatwilkra blikan upla nani ra wiaia, plis laih wina balbia; bara witin nani balan. Witin nani wâl ba aihtaban, bara ai nakra tamaya dingkan bara ai mihta ra bangkil mangkan yamni briaia dukiara;

Isikiel 23:40 ပူးပေါင်းရင်းမြစ်များ

2 King Nani 9:30

Baha ningkara Jehú ba Jezreel ra wan. Bara baha walan taim, Jezabel ba ai mawan ba pain aiskahkan, ai tâwa nani ba sin pain pitban, ningkara windar bâk taki kaikan.

Ester 2:12

Bara naha tiarika nani ba, kati 12 skahki prana dauki kan. Kati 6 ba lika, ai wîna aiska ba kîa pain batanka laya wal yuki kan; kati 6 wala ba lika, isint bara taya swapni daukaia dukia nani ba yuki kan. Bara baku natka ra tiarika nani ba, yua alkan ba ra, king Asuero mawanra brih wan.

Sins Lâka 6:25

Witin wîna tara painka ba kaiki kupiam ra brin mai daukbiara; ¡ai nakra mai kaiki ba wal, yabrika kupiam alkbiara!

Sins Lâka 7:10

Aihni mairin ba bal takan, wahma ba wal prawaia dîa sut ai nakra ra kaiki kan, kunin muni ba bara dîa rug mairin kum ai prana dauki ba kat;

Aiseya 57:9

Gâd Mélec ra plapi waram batana laya brih muni bara isint kîa pain ba sin ailal; bîla twatwilkra nani ba laihura blikram, witin nani ba, pruan nani kingka tasbaya kat brih waram.

Jirimaya 4:30

Bara man, tawan kau aisawan ra sma ba, ¿dîa muni kwala balianta ba dimisma? ¿Dîa muni gul dukia nani ba ni pramna daukisna? ¿Dîa muni namkra taya nani ba siksa daukisma? Bahki baman pramna daukisma, kan latwan kaiki kapram nani ba mai lulki swin ba, nanara mai ikaia mai plikisa.

Isikiel 23:13

Daira walri witin sin tâski takan kan, ai muihni daukan ba nina blikan bamna.

Oseas 2:13

Piua luan ra, witin nani kîa yamni angki, gâd bahki nani ra yabi kan ba mana klala yabaisna, mihtadingka nani, lilura nani ni ai prana dauki, ai waitnika latwankira nani nina bliki kan, yang ra ai âuya ai tiki si. Yang Dawan, baha kasak aisisna.

1 Pita 3:3

Man nani aiskahkisma ba, lata tani dukia nani kaia lika apia sa, tâmwa aihkakira pitbanka nani kra, gul ni aiskahkaia ba, apia kaka kwala painkira nani dimaia kra sin.

Rut 3:3

Bamna man aihtabi taks, isintkam aimaks, kwala kau pain ba dims, bara nasla ra was. Ban sakuna, witin mai kaikbiara, bîla kaiki bas witin ai pata pih bara dih lubia ba ningkara.