Isikiel 23:29 - DAWAN BÎLA AISKA

²⁹ Witin nani mita misbara mai kaikbia, wark taki briram ba witin nani sut pali bribia, bara susu mai swibia; wînam tara kwala âpu mai swibia, baha ni rug lâka daukram bamna. Uba pri kaia lâka ba man briram, rug lâka sin,

Isikiel 23:29 ပူးပေါင်းရင်းမြစ်များ

2 Samuil 13:15

Witin wal daukan ba ningkara, Amnón mita kli misbara pali kaikan, ban kau misbara pali aihwa kaikan, latwanka lâka kata ba misbara lâka ra tawan. Baku bamna, naku adar yaban: —Bus bara naha wina taki was.

Jirimaya 13:26

Yang sin sut susu mai daukaisna upla mawanra mai swiaisna swiram takaia.

Inanka Nani 1:8

Jerusalem saura ailal pali daukan, bamna aitani sa saura kulkaia. Kainara witin ra yamni kulki nani kata ba bui nanara misbara kaikisa, kan baha nani bui witin ra kwala luha kaikan ba mita. Baha mita witin ini ai swira pali, bara ai mawan ai ninara lakisa.

Isikiel 16:39

Witin nani mihta ra mai swimna, ur takisma pliska nani ba aidul ra mayunisma pliska nani ba sut sin sauhki tikan kaia. Kwalkam ba daikbia bara aiskahkaia dukia nani brisma ba sin, bara susu pali mai swibia.

Isikiel 22:9

Ai kuninka tâka, uplikam nani ba pâtkira kulkan sa, upla wala prawi ba ra; aidul ra kulkanka tara wal, plun pi ba tilara wisa; diara saura kaikaia lâka ba daukisa.

Isikiel 23:18

Baha ningkara upla mawanra ur takan; ai wîna aiska ba kwala luha taki, upla nani ra marikan; yang aikaban ai daukan ba kat, kainara muihnika dukiara aikaban ai daukan ba baku.

Miqueas 1:11

¡Safir tawanka uplika nani, man nani kwala âpu, swira lâka ba wal, kangbi mai sakan tasbaya ra taki was! ¡Zaanán tawanka ra iwi uplika nani ba, baha wina bal takaia lukbiara! ¡Bet-ésel uplika nani sari ini banhwisa, bamna man nani ra sip tâm baikbia apia!