Isikiel 22:7 - DAWAN BÎLA AISKA

⁷ Uplikam nani ba, ai aisa bâra ba ai yapti nani ra kulkras sa, tringsar nani ra saura munisa, rau bara piarka nani ra taiban lâka ra diara bri ba dakbi brisa.

Isikiel 22:7 ပူးပေါင်းရင်းမြစ်များ

Lawana Nani 94:5

Dawan, man witin nani man uplikam ba kriki sauhki tikisa; ¡uplikam nani ba mâyara batakisa!

Lawana Nani 94:6

Piarka nani bara tringsar nani ra ikisa; rau nani ra sin ikisa.

Impakan Sturka 20:12

“Man aisikam bara man yaptikam sin pain kulki bas, baku man piuam yari bri kama, Dawan Gâdkam wina maikan ba tasbaya ra.

Impakan Sturka 21:17

“Ani uplika bui ai aisika ra bara ai yaptika ra sin saura wibia kaka, witin ba pât ra laki ikan kaia sa.

Impakan Sturka 23:9

“Upla tringsar nani ra sarka paskpara, kan man nani sin Idsip tasbaya ra tringsar kapram ba ra, man nani upla wala tasbaya ra iwaia ba nahki ba tânka pain brisma.

Sins Lâka 20:20

Ya ai papika ra bara ai yapti ra lahtubi aisi ba, ai lampka ba daskan bara tihmia tara ra prubia.

Sins Lâka 30:11

Tila upla bâra sa, ai papika ra ai bîla sawi ba, bara ai yaptika ra sin yamni pali wiras ba.

Sins Lâka 30:17

Ya ai aisika bahki kaiki ba bara ai yaptika almuk takan ba lawaska kiki ba, aitani sa kuskuspiram mita nakra nani ba daiki sakaia, bara yakal nani mita pibia.

Aiseya 1:17

¡Lâ yamni daukaia ba man nani lan taks, trai kaiks dîa kasak ba daukaia, ai raitka bri ba raitka ba yas, rau nani lâka ba kasak dauks, piarka nani raitka ba tâwan aisas!”

Aiseya 1:23

Wihta nani brisma ba, mapara babura nani sa, bara âimplikra nani pânika banhwisa. Witin nani sut ba lalah mana ai wîna atkisa, witin nani prisant pliki taukisa. Rau nani lâka kasak ba sin yaras. piarka mairin nani lâka sin daukras.

Jirimaya 7:6

tringsar nani diara bri ba mihta dakbras kama kaka, rau nani bara piarka nani ba sin baku saura munras kama kaka, naha tasbaya ra sin upla pâtkas nani ba ikras kama kaka, gâd wala nani ba sin mayunras kama kaka, baha dukia nani brisma ba tâka mita sika kli pât ra tawisma ba,

Isikiel 18:12

upla umpira ai nitka bri nani ra taibi ba, upla wala nani ra impliki ba, ya wina diara brin dukia nani ba kli aibapras ba, witin ai lukanka gâd bahki nani ba ra mangki ba bara yang saura kaikisna dukia nani dauki ba,

Isikiel 22:25

Kuntri kum tâ wihta nani ba layan baku, diara alkan ba bisbi tikisa; ai tasbaya ra upla nani ba pîsa, ai kukanka ba bara diara apahkan ba implikisa, bara mairin ailal pali piarka swisa.

Isikiel 22:29

Tawan uplika nani ba saura munaia lâka bara implikan lâka ni banhwan; umpira nani ra, bara nitka bri nani ra taiban lâka ra brisa, bara saura munaia lâka, kasak lâka luha tringsar nani ra munisa.

Libait Lâka 20:9

“Ya ya ai papika ra bara ai yaptika ra bîla saura wibia ba, ikaia lâka ra lakan kabia. Witin yakan ai pâtka ba twilkbia.

Sakaraya 7:10

Piarka nani ra, rau nani ra, tasba wala uplika nani tilamra ba, upla umpira nani ra, lâ wirhika witin nani purara kahbiara. Pana pana walkam ra sin saura munaia lukpara.”

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Mark 7:10

Kan Moses win: ‘Aisikam bara yaptikam wal kulks’, bara ‘Ya ai aisika bara ai yaptika wal ra lahtubia kaka, mahka pruaia aitani sa.’

Kli Smalkanka 24:17

“Tringsar nani bara rau nani lâka ba warha daukpara, piarka nani kwalka sin dakbi bripara.

Kli Smalkanka 27:16

‘Ya ai papika ra, apia kaka ai yapti ra kulkras kabia kaka, lahtuban kabia.’ Bara upla sut bui wibia: ‘Baku kabia.’

Kli Smalkanka 27:19

‘Tringsar nani mapara, piarka nani ra, rau nani ra lâka watawi daukbia kaka, lahtuban kabia.’ Bara upla sut wibia: ‘Baku kabia.’

Kli Smalkanka 5:16

‘Man aisikam bara man yaptikam sin pain kulki bas, Dawan Gâdkam adarka mai win ba baku. Baku man piuam yari bri kama, bara diara sut man ra yamni takbia Dawan Gâdkam wina maikuya ba tasbaya ra.