Isikiel 22:3 - DAWAN BÎLA AISKA

³ Bara man wima: ‘Naku wisa Dawan ba: Tawan, man nani uplikam ra ikisma ba, aidul nani paskisma tâski takaia dukiara, ¡awarkam ba pat balbia!

Isikiel 22:3 ပူးပေါင်းရင်းမြစ်များ

2 King Nani 24:3

Juda mapara naku takan, Dawan ba pat aisan kan bamna, kan Manasés saurka daukan ba mita naha uplika nani ba ai lama wina sakaia kan,

2 King Nani 24:4

baku sin tala pâtkas Jerusalem ra laikan kan ba tâwan. Baha mita Dawan bui naha pâtka kau ban swih tikras kata.

Lawana Nani 106:39

Bara witin nani tâski daukan, baku sin ur taki banhwan ai daukanka saura nani ba wal.

Aiseya 1:21

¡Tawan tara kasakkira katma ba, nahki muni rug mairin wal baku takram! Blasi ra, uplikam sut ba, kasak lâka ra diara dauki kata ba bara wapni lâka ra iwi kan, sakuna nanara upla âikra nani baman bâra sa.

Isikiel 12:25

Kan yang, Dawan ba, aisaisna bara dîa aisamna ba bîli ba bal aimakbia; kau takaskan kabia apia. Man nani mita kaikma, mapara babura uplika nani; yang aisamni bara yabrika dîa aisamna ba kat aimakbia. Yang, Dawan ba, mai aisisna.”

Isikiel 22:2

“Man, upla luhpia âikra ba mapara lâka daukaia sma tâwan, upla ai diara saura daukan nani sut ba dahra sâkma.

Isikiel 22:27

Naha tawanka tâ brabrira nani ba yul wail baku sa; diara alkan ba bisbi tikisa, ridi pali sa upla ikaia, ai dukia kukan ba ailal dauki kaia baman lukisa.

Isikiel 22:4

Iki yakabram nani ba tâka pâtkira sma, bara aidul nani paskram ba wal tâski takram; yabram awarkam ba kau lamara balan, bara yabram yuam tnata balan. Baku bamna, yang yabrika tawan nani ba mai lahtubia, bara nisan nani sut lamwaska kikbia.

Isikiel 22:6

Bahara sa Israel tâ brabrira nani ba, man tilamra iwi ba, bara nahki ikaia lâka sip ba kat dauki ba.

Isikiel 23:37

Witin mita lukras ai sakan bara ai mihta nani tâski daukan tala laikan bamna. Sip lukras ai sakan aidul ra mayunan man, bahara kulkanka yaia wisi ai luhpia waitna nani sakripais daukan pauta ra, baha luhpia waitna nani witin wal briri ba.

Isikiel 23:45

Sakuna upla kasakkira nani mita witin nani bui witin dîa briaia ba marit lâka sasauhkra nani upla âikra nani mapara lâka dauki pât ra lakbia. Kan witin nani ba marit lâka sasauhkra mairka nani, bara mihta nani ba tala ni yukan sa.”

Isikiel 23:7

¡Asiria wina bâk sakan nani baman! Oholá baha nani wal ur mairka takan, ai aidulka nani dukiara sin ai âuyapah kan, bara mâyara iwan baha nani ra mayuni kan bamna.

Isikiel 33:25

Baku bamna, wis: ‘Dawan ba naku wisa: Man nani wîna tala wal pisma, aidul ra mayunisma, upla ikisma, ¿bara lukisma kuntri dawanka kaia?

Isikiel 9:9

Dawan ba pana yang ra ai win: “Israel bara Juda uplika nani saurka ba tara pali sa. Kuntrika ba upla ikan lâka ni banhwan sa; bara tawan ba tanis lâka ni banhki takan sa; witin nani lukisa yang kuntrika ba lulki swiri bara yang ba kaikras sna witin nani dîa dauki ba.

Miqueas 3:10

Man nani Jerusalem paskisma, Saion ilka tawanka ba. Upla tâlia laiki bara watawi lâka nani dauki ba playka purara.

Sofonías 3:3

Wihta tara nani ba layan baku uhbisa; wihta sirpi nani ba yul kraskira plun dauki kan, wîna dusa sut pi ba baku sa, yauhka dukiara dusa kum pan swiras.

Roman 2:5

Sakuna man lika kupiam karna pali sa, ba mita kupiam lakaia sin want apia sma. Bamna man mita puramra pât tara mangkisma, Gâd kasakka lâka kat lâ dauki marikbia ba yua ra;

2 Pita 2:3

Lalah ra uya want ba mita, kunin smalkanka ni kasak pali mai smalkbia; kuna witin nani ra pât ra lulki swiaia ba lika ai bîla kaikisa, kan witin nani ba pat piua wihka luan wina pât ra lakan sa bamna.