Isikiel 22:29 - DAWAN BÎLA AISKA

²⁹ Tawan uplika nani ba saura munaia lâka bara implikan lâka ni banhwan; umpira nani ra, bara nitka bri nani ra taiban lâka ra brisa, bara saura munaia lâka, kasak lâka luha tringsar nani ra munisa.

Isikiel 22:29 ပူးပေါင်းရင်းမြစ်များ

Lawana Nani 62:10

Praut lâka ra kasak lukpara; ¡implikaia ba yabrika man dawankam takbiara! Man nani yuyakira takma kaka bara man lalahkam ra kasakkam lukan ba mangkpara.

Lawana Nani 94:6

Piarka nani bara tringsar nani ra ikisa; rau nani ra sin ikisa.

Impakan Sturka 22:21

“Upla tringsar nani ra saura munpara bara rau sauhkpara, kan man nani sin tringsar kapram Idsip tasbaya ra.

Impakan Sturka 23:9

“Upla tringsar nani ra sarka paskpara, kan man nani sin Idsip tasbaya ra tringsar kapram ba ra, man nani upla wala tasbaya ra iwaia ba nahki ba tânka pain brisma.

Aiseya 10:2

umpira nani lâka ba wapni kat daukras, upliki nani kupia kriwan, sari nani ba raitka yabras, piarka nani ra taiban lâka ra brisma, rau nani dukia sin mihta dakbi implikisma ba!

Aiseya 5:7

Dawan karnika sut pali bri ba wainka nasla ba, witin ai brinka pali kan mangkaia ba, Israel tawanka uplika nani, Juda uplika nani ba. Dawan ai lâka ba kulkbia bîla kaiki kan, sakuna kaiks upla ikaia lâka baman sakan; kasakka lâka daukbia bîla kaiki kan, bara kaiks inanka baman sa.

Jirimaya 5:31

¡Prapit nani aisi ba lika kunin baman; prîs nani ba ai brinka kat lâ nani daukisa, bara yang upliki nani ba baha lâka ba want sa! Sakuna, ¿baha piua ba lubia bara man nani dîa daukma ki?’ ”

Jirimaya 6:13

“Tara nani bara sirpi nani ba, upla sut, saura dauki wina baman lalah briaia lukisa; prapit nani prîs nani sin sut, upla ra taibi lalahka dakbaia warkka daukisa.

Isikiel 18:12

upla umpira ai nitka bri nani ra taibi ba, upla wala nani ra impliki ba, ya wina diara brin dukia nani ba kli aibapras ba, witin ai lukanka gâd bahki nani ba ra mangki ba bara yang saura kaikisna dukia nani dauki ba,

Isikiel 22:7

Uplikam nani ba, ai aisa bâra ba ai yapti nani ra kulkras sa, tringsar nani ra saura munisa, rau bara piarka nani ra taiban lâka ra diara bri ba dakbi brisa.

Isikiel 9:9

Dawan ba pana yang ra ai win: “Israel bara Juda uplika nani saurka ba tara pali sa. Kuntrika ba upla ikan lâka ni banhwan sa; bara tawan ba tanis lâka ni banhki takan sa; witin nani lukisa yang kuntrika ba lulki swiri bara yang ba kaikras sna witin nani dîa dauki ba.

Libait Lâka 19:13

“Uplikam mapara saura munaia lukpara, diara bri ba dukiam wisi mihta dakpara. “Warkkam takan ba mana yauhka kat aibappara.

Libait Lâka 19:33

“Tringsar nani man nani tilamra iwi ba ra saura munpara.

Emus 3:10

Dawan kasak aisisa: “Baha uplika nani ai watla tara pranakira bilara iwisa, sakuna wapni, lâ kat iwi kaia ba tânka briras; ai watla tara nani ba ra auhbi banhki brisa impliki brin dukia nani ni.”

Miqueas 2:2

Upla wala tasbaya nani ba kaiki tumisa bara sin dakbi brisa; baku sin upla wala watla nani kaiki tumisa bara implikisa; watla dawanka waitna ra, maya bara luhpia nani ra, ai yuyaka bri ba sut ra taibi munisa.

Miqueas 3:3

Upliki nani ra raya kan pîsa, ai taya kalki sakisa, bara dusa nani ba sin krikisa; sim wîna dikwa ra auhbi piakaia klaki dauki ba baku daukisa.

Miqueas 6:12

Yuyakira nani naha tawanka ra iwi ba upla umpira nani ra tataibra pali man sa; kuninkira nani bara upla ra kunin mamunra baman nahara iwisa.

Matiu 25:43

tringsar baku tauki kapri, man nani wamtla ra ai briras kapram. Kwala âpu kapri, man nani aikras; siknis kapri, silak ra sin, bara man nani wih ai kaikras.’

Jems 5:4

Namsla ra wark takan uplika nani ra mana yabras kapram ba, mampara winisa; bara Dawan Gâd, karnika sut bri ba, warkkam tatakra nani winanka ba walan.