Isikiel 22:27 - DAWAN BÎLA AISKA

²⁷ Naha tawanka tâ brabrira nani ba yul wail baku sa; diara alkan ba bisbi tikisa, ridi pali sa upla ikaia, ai dukia kukan ba ailal dauki kaia baman lukisa.

Isikiel 22:27 ပူးပေါင်းရင်းမြစ်များ

2 Kronikas 36:14

Juda tâ uplika nani sin, prîs nani bara tawan uplika nani sut sin, Dawan wina laihura takan, aidul ra mayunan nisan wala nani baku, Dawan tempelka kulkras kan, baha witin wahbi sakan kan ba Jerusalem ra ai pliska holikira baku.

Sins Lâka 17:23

Upla rugkira ba lika saura daukaia mana aibapan ba, yukuwan ra alki brisa, baha ni wapni daukaia yabalka ba, tnaya ra warbi lakaia dukiara.

Aiseya 1:23

Wihta nani brisma ba, mapara babura nani sa, bara âimplikra nani pânika banhwisa. Witin nani sut ba lalah mana ai wîna atkisa, witin nani prisant pliki taukisa. Rau nani lâka kasak ba sin yaras. piarka mairin nani lâka sin daukras.

Jirimaya 41:7

Witin nani nan tawan lilara wih diman ba ra, Ismael uplika nani ba pat bal taki waitnika nani ba iki lî watla tara kum ra auhban.

Jirimaya 5:6

Baha tâka mita layan nani taki bal witin nani ba ikbia, upla iwras tasbaya wina yul wail nani bal drusbia, bara limi bulni nani mita sin ai tawanka bîla kat dimi witin nani takbia bara alki aubi kalkbia; witin nani sika saurka ailal pali daukan bamna, aima ailal upla pât ra lakan.

Inanka Nani 4:13

¡Naha sut na ai prapitka nani saurka, bara ai prîska nani watawanka nani tâka mita sa, kan witin nani tawan bîla pali kat, upla kasak nani tâlia laikan bamna!

Isikiel 13:19

Man nani, barli mâ mihtam banhki bri bara brit pîs ba wal, upliki nani mawanra swiri paskisma; upla nani pruaia apia kata ba ikisma, bara raya kaia apia pruaia kata ba baha lika swiram raya sa. Baku upliki nani ra kunin munisma, kunin lâka ra kasak luki nani ba.

Isikiel 22:13

‘Yang uya kupi aisawan sa, taiban lâka ra upla dukia dakbi brisma ba dukiara, bara upla ra ikisma ba tâwan sin.

Isikiel 22:25

Kuntri kum tâ wihta nani ba layan baku, diara alkan ba bisbi tikisa; ai tasbaya ra upla nani ba pîsa, ai kukanka ba bara diara apahkan ba implikisa, bara mairin ailal pali piarka swisa.

Isikiel 22:3

Bara man wima: ‘Naku wisa Dawan ba: Tawan, man nani uplikam ra ikisma ba, aidul nani paskisma tâski takaia dukiara, ¡awarkam ba pat balbia!

Isikiel 22:6

Bahara sa Israel tâ brabrira nani ba, man tilamra iwi ba, bara nahki ikaia lâka sip ba kat dauki ba.

Isikiel 33:31

Baku bamna, upliki ba aula Dawan lamara, bara bal iwbia, ai natka ba baku, bîlam ba walaia. Kuna walan daukras. Kli kli aisisa latwan lâka lawana ba baku, kuna ai kupia ba lika lalah ninara auya sa.

Isikiel 34:3

Man nani tialka laya disma, taya ba wal dimaikam daukisma, bara ikisma sîp kau batana nani ba, kuna sîp nani ba lika main kaikras.

Isikiel 36:12

Yang daukamna upliki Israel luhpia nani man puramra wapaia, bara man nani ba ai dukia mai briaia, bara man nani kli witin nani ba luhpias swima apia.

Isikiel 45:8

Naha tasbaya Israel gabamintka tâ bri ba dukia kabia; baku gabamint tâ brabrira nani ba kli upliki nani ra taiban lâka ra bribia apia, kuna swibia Israel luhpia nani tasbaya kiamka bani ra.

Isikiel 45:9

“Yang Dawan sna ba, aisisni: ¡Ba kat aitani sa, Israel gabamintka tâ brabrira nani! ¡Kau taiban lâka âpu, saura munan sin âpu! ¡Kasakka lâka ra bara wapni lâka ra taws! ¡Upliki nani tasbaya implikisma ba swis! Yang, Dawan, baku adar yabisni.

Isikiel 46:18

Tâ bri ba upla kumi dukia dakbaia apia sa. Dîa ai luhpia ai dukia baku yabuya ba, ai dukia ba wina yabaia sa; baku upla kum sin diara luha kabia apia, yakabrira sin takbia apia.”

Miqueas 7:8

Nisan nani sut waihli nani sma ba, man nani laiwaska kikpara yang kauhri ba dukiara, kan yang kli buamna; yang kra tihmia tara tilara iwisna, ban sakuna, Dawan ba yang ingniki kabia.

Abakuk 2:9

¡Man nani sarkam pali ai daukisa, wamtla ra implikan dukia nani wal banhki dauki brisma ba, baha dukia nani ba ni yukuwaikam brih pât nani aula ba wina swak takaia lukisma!

Sofonías 3:3

Wihta tara nani ba layan baku uhbisa; wihta sirpi nani ba yul kraskira plun dauki kan, wîna dusa sut pi ba baku sa, yauhka dukiara dusa kum pan swiras.

Matiu 21:13

bara baha nani ra naku win: —Ulbanka ra wisa: ‘Yang waitla ba pura sunra watla win kabia’; sakuna man nani âimplikra nani watla daukram sa.

Matiu 7:15

“Aman kaiks, witinka nani Gâd prapitka wisi kuninkira nani ba. Witin nani sîp baku man nani ra aula, sakuna ai kupia bîla lika yul wail nani baku sa.

Apastil Nani Sturka 20:29

Bamna kaikisna, yang wamna ningkara, upla wala nani balbia, serts ra upla nani bâra ba sauhkaia, bara sin yul wail prautkira nani mita sîp nani âpu dauki ba baku kabia.

Apastil Nani Sturka 24:9

Ju nani bahara kan ba sut bila, baha diara nani aisi ba lika kasak pali sa.