Isikiel 22:26 - DAWAN BÎLA AISKA

²⁶ Naha tawanka ra prîs nani ba, yang smalkanki ba warbi lakisa, bara yang diara holikira kulkisna nani ba tâski daukisa; sip aihka sakras sa diara holikira ba bara diara tâski ba wal, upla wala ra sin smalkras tânka briaia dîa sunu ba, bara diara sunu apia ba. Riski yua nani sakri ba kulkras, kulkanka sin aikras.

Isikiel 22:26 ပူးပေါင်းရင်းမြစ်များ

2 Kronikas 36:14

Juda tâ uplika nani sin, prîs nani bara tawan uplika nani sut sin, Dawan wina laihura takan, aidul ra mayunan nisan wala nani baku, Dawan tempelka kulkras kan, baha witin wahbi sakan kan ba Jerusalem ra ai pliska holikira baku.

Jirimaya 15:19

Bara Dawan pana yang ra aisin: “Man ba yang ra tawi balma kaka, yang sin kli tawi mai brimna bara man lika yang warkki daukma. Aisaia baman luki ban aisisma ba aisaras sakuna yamni kaia ba baman aisama kaka, bâra mika yang aisisna ba aisi uplika ba sika man kama. Witin nani sika man ra balaia sa, sakuna man apia sika witin nani ra waia sma ba.

Jirimaya 2:8

Prîs nani ba sin ai plikras kan, upliki nani ra smalki nani ba sin yang lâika ba smalkras tâ bri nani ba maipara buan, prapit nani ba Baal dahra aisin bara aidul nani diara bahki ba ninara wan.

Inanka Nani 4:13

¡Naha sut na ai prapitka nani saurka, bara ai prîska nani watawanka nani tâka mita sa, kan witin nani tawan bîla pali kat, upla kasak nani tâlia laikan bamna!

Isikiel 22:8

Kulkanka yabras yang pliski holi ba, bara riski yua nani bâk sakri ba ra sin.

Isikiel 23:38

Baha purkara, naha nani daukan yang maipara: sim yua ra, tempelki holi ba tâski daukan bara ris briaia yua ba sin kulkras kan.

Isikiel 36:20

Sakuna ani ani kuntrika ra witin nani auya ba, nini holikira ba sauhki kata, kan upla nani aisi kan: ‘Naha nani na Dawan uplika nani sa, sakuna ai kuntri wina takaia kan.’

Isikiel 42:20

Tnaya walhwal ba sut kulki kaikan. Bara kaikan tempel ba 840 pît skwir kutban kan. Baha kutbanka ba mita holi bara holi apia ba wal aihka dakbi saki kata.

Isikiel 44:10

Libait nani, yang wina laihura taki wan ba, Israel yabal wala ra taki wan bara ai lulki ai swin aidul ra mayunaia dukiara, aibapaia kabia ai saurka tâwan.

Isikiel 44:23

“Prîs nani ba upliki ra smalkaia sa tânka bribia holi lâka ba bara tâski lâka ba bara sunu tâski lâka ba wal.

Isikiel 44:24

Aiklabanka tilara, witin nani wihta baku kaia sa, bara lâ daukbia yang lâika ba kat. Lâika nani ba kat daukbia bara smalkbia lilia daukaia yua nani ra, bara kulkan kaia yua nani holikira baku riski yua nani ba.

Isikiel 7:26

Pât ba balbia ninara pât wala balbia; sturi yamni apia ba kumi ninara wala balbia. Bahki pali plikbia, Gâd prapitka kum, dahra yukukan kum param saki maikaia ba; prîs âpu kabia mai smalkaia, almuk nani sin âpu kabia man nani ra kupiam kraukaia.

Libait Lâka 10:10

Baku man nani tânka brima, holi lâka ba bara saura daukaia lâka ba wal.

Libait Lâka 11:47

tânka plikma, klin bara tâski ba daiwan nani tilara piaia aitani ba bara piaia apia ba.

Libait Lâka 13:43

Baku bamna prîs ba laki kaikan kabia sukwanka pîska ba pihni bara pauni kaka, lipar ba taya ra sa,

Libait Lâka 20:25

Baha mita man nani sin daiwan klin ba daiwan tâski nani ba wal kumi kulkaia apia sma, tnawira nani klin bara tâski nani ba sin aihka aihka kabia. Baha daiwan nani tnawira nani piuta nani tâka man nani tâski takpara.

Malaquía 2:7

Baha sika prîs nani warkka, upla nani ra smalkaia yang wal kakaira takaia, upla sut witin nani ra wih smalkanka ba briaia, kan witin nani sika Dawan karnika sut bri ba bîla smasmalkra nani sa.

Malaquía 2:8

“Sakuna man nani prîska lika, yabal kasak ba wina tnaya ra tawram; smalkankam nani ba ni upla ailal batakram. Baku man nani upla nani ra smalkram lâika Libai ra yabri ba warha daukaia.

Roman 2:24

Bahamna Ulbanka ra aisi ba: “Idan nani ba Gâd mapara saura aisisa man nani pâtkam tâka kumi.”

1 Samuil 2:22

Elí ba pat almuk pali kan, sakuna ai luhpia nani Israel luhpia nani ra dîa dauki kan ba sut wali kan, mairin nani Dawan wal aisaia tintka watla ra wark taki kan aikuki yapi kan ba.

1 Samuil 2:29

¿Dîa muni baha sakripaiska nani prisantka daukaia yang lâ mangkri ba bahki kulkisma? ¿Dîa muni man luhpiam nani ba kau tara kulkisma bara yang ra lika baku apia, Israel luhpia nani yang upliki nani ba prisantka wina kau pain ba pih batanwisma?’