Isikiel 22:12 - DAWAN BÎLA AISKA

¹² Uplikam nani kum kum ai wîna atkisa ai walka ra ikaia dukiara. Upla ra lalah yabisa implikbia dukiara, taiban lâka bara saura munaia lâka daukisa ai uplika ra, bara ai âuya ai tikisa. Yang, Dawan, kasak aisisna.

Isikiel 22:12 ပူးပေါင်းရင်းမြစ်များ

Nihimaya 5:1

Bamna tawan uplika, Ju nani ai tilara waitna bara mairin nani aikuki, ai muihni nani mapara karna aisin.

Nihimaya 5:7

Bamna yang aman luki kaikri bara wihta nani ba bara wark tâ brabrira nani ra sin lawi daukri, witin nani ai taya ai tawanka uplika nani purara nahki wirhika baku kahbisa. Bara baha purkara paiwanka tara kum paiwri upla sut witin nani ra balaia, baha lâka aisaia.

Lawana Nani 106:21

Witin nani, Gâd sasakra ra ai âuya tikan, Idsip ra diara tara nani daukata ba;

Lawana Nani 15:5

witin ai lalahka upla ra lin muni, kli pura praki briaia wiras; witin sin pâtkas uplika ra saura munaia tâwan lalah prisant briras. Baku iwi dauki ba sip kitras ban bâra kabia.

Sins Lâka 1:19

Baku danh takisa, gridikira nani ba, ai gridika lâka mita tawi ikisa.

Aiseya 1:23

Wihta nani brisma ba, mapara babura nani sa, bara âimplikra nani pânika banhwisa. Witin nani sut ba lalah mana ai wîna atkisa, witin nani prisant pliki taukisa. Rau nani lâka kasak ba sin yaras. piarka mairin nani lâka sin daukras.

Aiseya 17:10

Kan mai swaki mai sakan Gâdka ba man âmya tikram ba mita, man yukuwaikam walpaya ba dukiara kupiam kraukras kapram ba mita. Kiamka painkira mangkram giadin pranakira, bara Gâd tringsar kum ra pain kulkanka yabaia warkka daukram.

Aiseya 56:11

Yul plun sanglang tauki nani ba, plun pi kabia sin, sip biara banhras sa, sepad nani diara tânka briras; kumi bani ba ai yabalka kat wapisa, kumi bani yakan ai yamnika briaia plikisa.

Jirimaya 2:32

¿Mairin kum ba ai prana dauki aiskahki dukia nani ba, marit takan prâka skahkan ba âuya tiwbia ki? Ban sakuna, yang upliki nani lika piua wihka pat ai âuya ai tikan sa.

Jirimaya 3:21

“Kiuhsi nani upla iwras baku tasbaya ba pura wina bîla baikra nani ba walisa: ‘¡Baha sika Israel luhpia nani, makabi inisa witin nani ra umpira kaikbia luki! Yabal wapni wina witin nani tnaya ra wan. Witin nani ai âuya ai tikan ai dawanka ai Gâdka ra.

Jirimaya 6:13

“Tara nani bara sirpi nani ba, upla sut, saura dauki wina baman lalah briaia lukisa; prapit nani prîs nani sin sut, upla ra taibi lalahka dakbaia warkka daukisa.

Jirimaya 9:1

¡Aitani lukaina naikra nani ba lî kârma kum baku kata, naikra laya ba tingni lî aubi ba baku kaia, bamna kakna ra bara tihmia ra ini kaia yang upliki nani pruan ba pura mata!

Isikiel 18:13

lalah upla ra lin munisa lukan tâski wal bara kau pura praki kulkaia dukiara; baha waitnika ba raya kabia apia. Baha ningkara naha dukia nani sut daukan ba, yang yamni kaikras na ba, rawaia apia, pruan kabia; bara witin klauna ai pâtka kabia ai prurika ba.

Isikiel 18:8

upla ra lalah lukan tâski wal lin munras bara sin taibi muni, pura praki mana sakaia ba daukras; upla kumi ra sin saura munras; upla wâl unsabanka ba lâ kasak kat daukisa;

Isikiel 23:35

“Baha mita, yang Dawan sna ba, naku wisni: Man bui yang ra âmya ai tikram bara ninam ba yang ra lakram, bamna klala pât nani ba wahwaia sma uba pri kaia bara ur takaia lâka briram ba mita.”

Isikiel 36:12

Yang daukamna upliki Israel luhpia nani man puramra wapaia, bara man nani ba ai dukia mai briaia, bara man nani kli witin nani ba luhpias swima apia.

Libait Lâka 19:13

“Uplikam mapara saura munaia lukpara, diara bri ba dukiam wisi mihta dakpara. “Warkkam takan ba mana yauhka kat aibappara.

Libait Lâka 25:37

Lalah lin munma kaka, kau pura praki bripara, plun yaram mana ba kau praiska sunpara.

Emus 8:4

Man nani diara luha uplika nani ra taibisma ba, bara kuntrikam uplika umpira nani ra sauhki tikisma ba, wali banhs.

Emus 8:6

¡Baku yawan umpira nani ba, kau rausauhki umpira lâka ra brih wabia, baha nani ai umpirka tâka mita, yawan ra ai wîna tara aiska alba kaia dukiara atkbia, ai traska nani aibapaia wisi, ban kra sûs kumi baman mana tras bri kabia sin! Plawar mâ aisawan nani ba sin witin nani ra atkbia.”

Matiu 23:13

“¡Lâ Smasmalkra nani bara parisi nani, kuninkira nani, man nani mampara saura pali kabia! Kan man nani kasbrika purara ba Kingka aimaki lâka durka ba prakisma, upla wala nani dimbia apia dukiara. Man nani pali sin dimras, upla wala nani diman dauki ba sin yabram dimras.

Matiu 23:25

“¡Lâ Smasmalkra nani bara parisi nani, kuninkira nani, man nani mampara saura pali kabia!, kan man nani kapkam bara plitkam ba nina purak baman klin daukisma, sakuna bilara lika impliki bara gridi taki sakram lalahka ba baman banhki sa.

Luk 18:11

Parisi ba lika, ai mina ra bûi, naku ai pura sunan: ‘Gâd, tingki mai wisna, kan yang lika upla wala nani baku apia sna, âimplikra, saura dadaukra, marit lâka sasauhkra, bara naha waitnika lal mana sasakra ba wal sin baku apia sna.

Luk 19:8

Bara Sakius ai mina ra bûi, Dawan ra win: —Kaiks, Dawan, dîa brisna ba wina bakriki prais umpira nani ra yabisna; bara upla dukia kunin muni implikri kaka, kau aima walhwal prais yabaisna.

Luk 3:13

Jan bila baha nani ra: —Lal mana sakisma ba lâ ba kat sâks, kau pura lika apia.

1 Korint 5:11

Yang wiaia lukri tânka ba lika naha: upla kum wan muihni wisa, sakuna tâski lâka daukisa, gridikira sa, aidul nani ra ai pura suni mayunisa, upla dusa kakuhbra sa, rum dadira sa, âimplikra kaka sin, witin wal taukpara. Bahmuna uplika wal iwi plun sin piaia apia sma.

Kli Smalkanka 16:19

Upla nani mawanka luki kulkpara; upla kum kum wihki wala nani wal sât aihka kulkpara, bara yarka sturi bahki ni kupiam alkbiara, kan sturi bahki aisi ba sinskira nani nakra prakisa bara sturi kasak aisi uplika nani aisinka ra sin sauhkisa.

Kli Smalkanka 23:19

“Uplikam ra taibi munpara, lalah brin ba pura praki mai aibapaia wisi, piaia dukia kabia, diara wala nani brin ba sin apia.

Kli Smalkanka 27:25

‘Upla pâtkas kum ikan mana ya lalah ai mana brin ba, lahtuban kabia.’ Bara upla sut wibia: ‘Baku kabia.’

Kli Smalkanka 32:18

“Israel, aisikam bara kainam kakahbra ba âmya tikram; rayakam maikan Gâdka ra âmya tikram.

1 Timoti 3:3

bla tatakra kaia apia sa, unsasabra wal ai uplika kaia apia, sakuna kupia yamnikira bara kupia kumi lâka bri uplika kabia; witin ba lalah wantkira kaia sin apia sa.

Judas 1:11

¡Baha nani alai sa!, Ken daukanka nina blikan ba mita. Lalah briaia dukiara, Balaam baku aimawahkan, Coré mapara buan tâka mita pruan ba baku, witin nani sut sin pruisa.