Isikiel 21:7 - DAWAN BÎLA AISKA

⁷ Bara ban kra mamkabi walbia kaka, dîa muni inisma, wis diara pat pali takaia ba dukiara, bara upla nani sut ba kupia ba kriwan kabia, bara klahkla ba swika kauhbia; bara upla kumi sin karnika âpu kabia, sut ba sibrin mita lula nani ba tatatwi kabia. Pat piua aula, pat pali takbia. Yang Dawan, baha kasak aisisna.”

Isikiel 21:7 ပူးပေါင်းရင်းမြစ်များ

2 Samuil 17:10

bara uplikam nani kau tahplu ba, layan wal sin kau praut ba sut kupia klip dasbia; kan Israel aiska kaikisa papikam ai uplika nani ba aikuki, tahplu kupia karnikira sa.

2 King Nani 21:12

yang, Dawan, Israel Gâdka ba, param marikisni: Yang sauhki tikanka tara blikaisna Jerusalem wihki Juda ba wal purara, bara naha na walbia bara ai kiama nani sut latwan takbia ya walbia ba.

Lawana Nani 58:7

Baku mika, witin nani ba lî iswi tiwi baku tiwbia, yabal ra twi nani upla mina ra taibi lui ba baku lâwbia.

Impakan Sturka 15:15

Kiaptin nani Edom ra ba wingka prahni taki kabia; Moab ra wihta nani ba sibrin tara dauki tatatwi kabia, bara Kenan uplika nani kupia karnakira ba sin, lap tiwan kabia.

Aiseya 13:7

Baha ra upla sut klahkla karnika âpu takbia, upla kupia bani ba sin dring swapbia.

Aiseya 28:19

Aima an taim balbia sut witin nani ra raski brih wabia, titan bani bal lubia, kakna ra bara tihmia ra sin. Aula ba sturka baman wali bara pat tatatwi kabia.

Aiseya 35:3

Mihta swapan nani ba man nani mita karna daukma, lula karnika âpu takan nani ba sin man nani mita karnika yama.

Aiseya 7:2

Baha piua ra naha bîla na blikan, king Ahaz ra bara ai taya nani ra sin wih win: “Siria uplika nani ba, Efraín aikuki asla takan.” King ba ai uplika nani sin baha walan, tatatwi banhwan pâsa krawan unta ra dus nani wauhi ba baku.

Jirimaya 26:12

Baha Jirimaya aisin wihta nani ra bara upla sut ra sin, witin win: “Dawan sika witin ai nina ra yang ai blikan, naha tempelka mapara aisaia, naha tawanka mapara sin aisaia, yang aisari man nani sut walram.

Jirimaya 49:23

Damaskus uplika nani ra wiaia bîla ba: “Hamat, Arpad tawanka nani ba swira daukan sa, sturi saura ba witin nani walan bamna. Sibrin tara daukisa, witin nani sip sâp apia sa.

Jirimaya 50:43

Babilon kingka ba baha sturka walan ba ra, sibrin mita wîna aiska srimisa, sari bri sibrin daukisa mairin luhpa baikaia latwan bri ba baku sa.

Jirimaya 8:18

Sairka na tikaia saika âpu sa, kupi lukanka na daswuya sa.

Inanka Nani 5:17

Naha tâka mita, yang nani kupi ba sikniskira sa, naha nani sut tâka mita sin, yang nani naikra nani ba pukni takan sa.

Isikiel 20:49

Yang bui witin ra pana wîri: “¡Alai, Dawan, upla nani aisi taukisa yang lika upla tânka briras sturka baman aisi taukisna!”

Isikiel 21:15

Witin sibrin lâka ni banhbia, manis pali ra rausauhkan kabia. Ai watla nani ra sord âikra ba mangkri sa. ¡Sordka ba klaki wapni daukan, imyula baku lipaia, iki tikaia dukiara mala daukan!

Isikiel 21:6

“Bara man, upla luhpia, kupiam kriwan wal sarikira pali ins upla mawanra.

Isikiel 21:8

Dawan ba yang ra balan bara ai win:

Isikiel 22:14

Lukpara man sip kama yang maipara buaia, mampara wapnikam daukaia buamna ba ra; yang Dawan, baku wisni bamna daukamna:

Isikiel 24:19

Baha ningkara tawan uplika nani ai win: “Tânka wan wis, daukisma ba dîa tânka sapa.”

Isikiel 6:2

“Israel ilka nani ra tawi kaiks, bara baha nani ra yang nini ra aisas,

Isikiel 7:17

Sut klahkla swapni takbia, bara sibrin mita lula ba pana pana pruki kabia.

Isikiel 7:26

Pât ba balbia ninara pât wala balbia; sturi yamni apia ba kumi ninara wala balbia. Bahki pali plikbia, Gâd prapitka kum, dahra yukukan kum param saki maikaia ba; prîs âpu kabia mai smalkaia, almuk nani sin âpu kabia man nani ra kupiam kraukaia.

Daniel 5:6

sibrin mita mawan ba pihni takan kata, bara wîna aiska ba tatatwi kan.

Libait Lâka 26:36

“Man nani an kra waihlam nani tasbaya ra kau raya bâra kama ba, siarangkira mai daukamni bara dus wahia kauhi ba wali plapi kama. Man nani lukma waihlam ninam blikisa, kuna upla ninam blikras kabia;

Nahum 2:10

Ninibi ba sauhkan sa, diara âpu bîla baman sa, ami luan baku sa. Sibrin mita upla nani sut kupia ba untrira baku takan sa, lula nani ba sin tatatwisa, upla sut ba karnika âpu takisa, bara upla sut mawan tâlia sin âpu takisa.

Luk 21:26

Naha diara nani tasba ra takaia ba dukiara luki, upla nani kupia sin lap tiwbia; kan kasbrika purara karnika nani sut nikban kabia.

Kli Smalkanka 20:8

“Ba ningkara lalka nani ba kli aiklaklabra tâ bri nani ba ra wibia: ‘Upla kum kra kupia karna apia, sibri upla wala ra sibrin dingkisa kaka, ai watla ra wabia.’

Hibru Nani 12:12

Baku bamna, mihtam nani swapan ba bara lulam nani swapan ba sin karnika raya yabia,

Jasua 5:1

Jordan awala baila wala muna tani ra amorreo nani kingka nani sut, Mediterráneo kabuka lamara ba, Kenan uplika nani kingka nani ba sut sin, sturi takan ba walan, Dawan mita Jordan awala ba lâki bri kan, bara Israel luhpia nani ba awala baila wala luan ba. Baha sturka witin nani ra kasak sibrin daukan, baha mita witin nani kumi sin Israel luhpia nani ra ai mihta bukras kan.

Jasua 7:5

Israel luhpia nani ra tawan getka lama ba wina munan plapan, bara nina bliki ban walpa tara nani ba tila kat wan. Bara il bîla ra iwaia ba kat wan ba ra, 36 waitna baku ikan. Baha baku takan tâka, Israel luhpia nani sut kupia kriwan bara kau aiklabaia karnika âpu takan.

1 Pita 4:7

Diara nani sut tnata yua ba pat baila sa. Baha mita, man nani sinskam yamni brih aihwaki bas bara kasak wilin pali puram suni bas.