Isikiel 21:21 - DAWAN BÎLA AISKA

²¹ Babilon kingka ba, yabalka wâlsut tâ pali ra buan sa, bara dîa kaia ba laki kaikisa: Trisba nani ba nikbisa, ai gâdka nani ra walisa, daiwan âuya nani ba laki kaikisa.

Isikiel 21:21 ပူးပေါင်းရင်းမြစ်များ

Blasi Sturka 31:19

Sakuna Labán sîp taya irbaia wisi ai sîpka daknika wala nani tilara taki wan kan, bara Raquel ai watla ra dimi, aidul nani bri kan ba impliki brih wan.

Blasi Sturka 31:30

Sakuna yang kaikisna man aisikam watla ra kli tawi wan pali mai daukisa, baha mita man mahka taki balram, ¿sakuna dîa muni man bui yang gâdki nani ba implikram?

2 King Nani 23:24

Baku sin Josías ba sukia nani, diara wan kanra takaia nani ba nu wan munisa wisi kunin aisi nani ba, upla nani ai tila kat aidul nani bri kan ba, bara aidul wala saura nani Jerusalem bara Juda wal ai tilara bri kan nani ba sut âpu daukan, baha bîla lâka nani prîs Hilquías mita Dawan watla ra kan sakan ba wauhkataya ra ulban kan ba tânka kat.

Sins Lâka 16:10

Dawan aisin bîla ba wina king ba brih aisisa; bamna lâ aisi daukaia tilara, ai bîla wina kunin aisabia apia.

Sins Lâka 16:33

Upla bani sika lat lulkisa; ban sakuna dîa takaia sut ba Dawan mihta ra sa.

Sins Lâka 21:1

King lukanka ba Dawan mihta ra sa; tingni nani lî plapi ba baku nina blikisa Dawan yabalka ra brin dauki ba kat.

Oseas 3:4

Kan Israel luhpia nani ba, piua wihka pali king âpu, wihta sin briras kabia, sakripais daukaia âpu, angkaika pliska nani sin âpu kabia; prîs prâka nani âpu kabia, baha gâdka talika nani sin âpu kabia.

Oseas 4:12

Upliki nani ba dus gâdka nani ra ai pura sunisa; ai mihta ra dus nani bri ba dusa ni, ai gâdka wal aisaia lan takisa. Ur takaia brinka ba mita taibi brisa, mistik takan nani ba yabalka ra upliki nani ba wapisa: tâski taki, Gâd lama wina taki wan.

Sakaraya 10:2

Upla ai mihta ni paskan gâdka nani aisi ba kunin sa, smaya kakaira nani kaiki ba sin kunin. Diara takbia wisi aisi yaprisauhkan ba, dukia takras baman sa, maisam nihkaia bîla nani aisi ba, maisa nihkanka âpu sa. Baha mita tawan ba sîp baku wataukisa, bara pât wahwisa, sepad kum âpu ba tâka mita.

Kulki Kaikanka 22:7

Moab bara Madián almukka nani sut ai mihta ra lalah nani bri aidrubi wan, lahtuban bîla nani aisabia ba mana aibapaia dukiara. Witin nani Balaam bâra kan ba kat wan ba ra, Balac ai bîla blikan ba maisa pakan.

Kulki Kaikanka 23:23

Jekob ra saura munaia tânka âpu sa, Israel mapara buaia sukia lâka ba bahki sa, bamna nanara Israel naku wiaia sa: ‘¡Israel, aima an Dawan ba man nani wal wark aihkakira nani pat daukan ba!’

Kulki Kaikanka 23:28

Bara Balac ba Balaam wal Peor ilka bahna ra uli wan, baha wina upla iwras tasbaya ba aiska kaiki kata.

Matiu 22:9

Bamna man nani yabal tara nani ra was, bara ya ya wal prawma ba sut marit pata ra paiws.’

Apastil Nani Sturka 16:16

Yu kumi yang nani pura sunaia pliska ra taki auna kan ba ra, tukta mairin kum wal prawi banhri; witin sukia, diara kaikaia piritka bri kata. Witin alba kan, bara diara kaikaia warkka dauki ba wina ai dawanka nani ba lalah uya pali saki yabi kan.

Kli Smalkanka 18:10

Man nani wina kumi sin luhpiam pauta ra bri si sakripais dauki yapara, dahra pliki saki warkka sin daukpara, kainara dîa takaia ba aisi wipara, sukia warkka sin daukpara,

Wihta Nani 17:5

Micaías ai watla ba pura sunaia watla bri kan. Witin sin prîs dimaia, ‘‘efod’’ pîska kum daukan, gâd bahki wala nani sin bri kan, bara ai luhpia waitna kumi ba sin prîs mangkan.

Wihta Nani 18:14

Bara waitna matsip Lais tasbaya aiska wapi kaikan nani ba mita ai uplika wala nani ra win: —¿Nu sma man nani dîa? Naha watla ra prîs ‘‘efod’’ prâka kum nâra sa bara gâd nani sin bâra sa, dus wina karbi dauki silbar ni taya pura ba lalauban sa. ¿Man nani baha dukiara dîa lukisma?

Wihta Nani 18:17

Biki kakaira waitna matsip ba Micaías watla ra dimi, silbar lalaubi daukan gâdka bahki ba, prîs prâka ‘‘efod’’ ba bara gâd bahki wala nani ba sin saki brin, prîs wahma ba lika latara get lamara suldiar 600 nani ba wal aisi kan.

Wihta Nani 18:18

Prîs ba kaikan waitna matsip ba Micaías watla ra dimi silbar ni lalaubi daukan gâdka bahki ba, prîs prâka ‘‘efod’’ ba, gâd bahki wala nani ba sin saki brin ba, bara witin nani ra win: —¿Man nani bâra dîa daukisma?

Wihta Nani 18:20

Baha aisin ba sut prîs ba lilia pali walan, bara gâd bahki ba, prîs prâka ‘‘efod’’ ba, gâd bahki wala nani ba sin sut brih witin nani wal nina blikan.

Wihta Nani 18:24

Micaías pana witin nani ra win: —Yang gâdki nani mihti nani wal paski bri kapri ba, bara prîski ba sin, man nani brih auma, bara duki nani âpu ai dauki ai swisma, ¿bara kau ban kupias baku makabi walisma, man nani dîa trabil brisma?

1 Samuil 15:23

Witin mapara bûi uplika nani ba saura daukisa, sim sukia yapi kakaira nani saurka ba wal kumi sa; diara lilka daukan nani ra ai pura suni ba saurka wal sin kumi sa, baha uplika witin ra ai bîla wali daukras saurka ba. Man bui witin ai lâka bîla nani lulki swiram ba mita, nanara witin sin man king kaia ba wina mai sakisa.”