Isikiel 20:3 - DAWAN BÎLA AISKA

³ “Man, upla luhpia, Israel almukka nani ra aisi bara wis: ‘Naku wisa Dawan ba: ¿Yang ra diara tânka plikaia aulma? Yang, Dawan Gâd, rayaki wal swer takisna; yabrika man nani ba yang wina diara tânka walma apia.’

Isikiel 20:3 ပူးပေါင်းရင်းမြစ်များ

Sins Lâka 15:8

Upla watawikira nani, daiwan iki angki sakripais dauki ba, Dawan mita saura pali kaikisa; sakuna wapnikira nani pura sunra ba, witin ai lilika sa.

Sins Lâka 21:27

Watawikira nani daiwan iki angki dauki ba ra, Dawan mita saura pali kaikisa; kan aiska witin nani ai kupia lukra saura wal brih aula bamna.

Sins Lâka 28:9

Ya Gâd ra lâ walaia apia wisi ai kiama laki ba, Gâd sin witin ai pura sunra ba saura pali kulkan sa.

Aiseya 1:12

Man nani ba yang maiwanra buaia aulma, sakuna, ¿ya man nani ra mamkaban waitla ra bal minam taibaia?

Aiseya 1:15

Man nani puram sunaia mihtam bukisma ba ra, mai kaiki kamna apia; man nani puram sunra ailal aisama sin, yang mai walamna apia. Man nani mihtam nani ba tala baman alkan sa.

Aiseya 58:2

Witin nani yu bani ai plikisa, bara yabalki nani ba kaikaia brin daukisa wisa, wibia kaka upla kasakkira nani baku, ai Gâdka lâka ba sauhkras kan baku; witin nani lâika kasak ba sauhkras baku makabisa, bara brin daukisa yang laimara balaia.

Isikiel 14:1

Israel almukka nani kum kum yang ra balan, bara yang maiwanra iwan.

Isikiel 20:2

Dawan ba yang ra balan bara ai win:

Isikiel 20:31

Baha prisantka, man luhpiam nani pauta ra angkisma ba, man nani kau ban tâski takisma aidulka nani ba wal. ¿Bara man nani baku brinkam sa ki, Israel luhpia nani, yang ra tânka plikaia aulma ba? Yang, Dawan, rayaki ni swer takisna mai swirika man nani ba yang ra bal diara tânka pliki walma apia.

Isikiel 33:30

“Tawankam uplika nani ba, tawan kutbanka durka ra aisisa man dukiamra, bara ai walka ra wisa: ‘Man nani bal, kaisa walaia Dawan wina maisa pakanka balan na.’

Emus 8:12

Upla nani ba kabu kum wina kabu wala kat, yahbra wina lalma kat, Dawan bîla smalkanka walaia pliki, tanis baman watauki kabia; sakuna pliki sâkbia apia.

Miqueas 3:7

Baha nani ai nakra ni kaiki bara diara mangki kaiki ba, tanis swira lâka ra tawbia. Witin nani sut ba, ai bîla sâp takan kabia, Gâd wina pana witin nani ra diara aisaras kabia bamna.

Matiu 3:7

Sakuna Jan kaikan parisi nani, sadiusi nani sin ailal tahbi daukbia wisi balan, bara witin bila: “¡Piuta kiamka nani! ¿Ya mita man nani ra maisam pakan pât tara wan lamara aula ba wina plapi swakwaia?

Luk 3:7

Upla nani Jan Tatahbra mita tahbi daukan kabia dukiara aidrubi balan kan nani ra, witin naku aisi kan: “¡Piuta kiamka nani! ¿Ya mita man nani ra maisam pakan baha pâtka tara wan lamara aula ba wina plapi swak takaia?

Jan 4:24

Gâd ba Spirit sika, bamna witin ra ai pura suni mayuni banhwi ba baku daukbia, kasak tânka ra bara Spirit ra sin.

1 Samuil 28:6

Bara witin Dawan wal aisaia plikan, sakuna Dawan pana witin ra aisaras kan yaprisauhkan ra, Urim bâk, prapit nani wal sin apia.