Isikiel 2:6 - DAWAN BÎLA AISKA

⁶ Upla luhpia, man, witin nani ra, bara dîa mai aisi ba ra sin si bripara, rahra nani kainam kir mai kutbi nani bri baku damra wali kama sin, apia kaka misri tilara iwisma baku kama sin. Sakuna si bripara witin nani mamwan kat aisi bara sirang mai iki, kasak maipara babura pali kabia sin.

Isikiel 2:6 ပူးပေါင်းရင်းမြစ်များ

2 King Nani 1:15

Bamna Dawan insalka ba bui Ilayas ra win: —Witin wal was, man si bripara. Bamna Ilayas buan bara kiaptin ba wal king ra wan,

Aiseya 51:12

“Yang, yang sika, man nani maisam nihkra sna. ¿Man nani ya sîa mai daukisa? ¿Upla nani ra? ¿Upla praprura nani ba baha nani twi baku ba?

Aiseya 51:7

“Yang ra ai wals, man nani kasakka lâka kakaira sma ba, upliki nani lâika nani bîla kaikanka brisma ba. Swappara witin nani saura mai wi ba dukiara,

Aiseya 9:18

Upla nani saurka ba, pauta klauhan baku takan, bara kiaya, rahra nani ba angkisa unta srikra pâwi nani ba sin, dus tara pâwi nani ra sin angkisa, bara kiasma ba pâsa pura bâk sunan uli wîsa.

Jirimaya 1:17

Bamna man, kupiam karna bris; was bara yang dîa mai wîri ba baha wis. Man lika witin nani ra sibri apia sma, baha apia kaka yang bui mai munrika man bui witin nani mawan ra tatatwi kama.

Jirimaya 1:8

Man upla kum ra sin sîa briaia apia sma, kan yang lika man wal kamna kainam sunaia. Yang, Dawankam, aisisna.”

Jirimaya 18:18

Upla nani ba aisin: “Kaisa yawan wark kum daukaia, Jirimaya ba âpu daukaia yawan pri takaia. Prîs nani ba âpu takras ban kabia witin nani wan smalki kaia, sinskira nani lâ wan smalki ba ban kabia, prapit nani Gâd dahra wan aisi ba aisi ban kabia. Kaisa yawan bui witin ba dahra kwahkaia, bara witin ba ikbia. Upla nani aisi ba kumi ra sin yawan walbiara.”

Jirimaya 6:28

Dawan, witin nani sut ba wan mapara babura atia sa; upla dusa kakuhbra nani bara watawikira atia; bras baku, ayan baku sa.

Isikiel 24:3

Naha uplika nani maipara babura na ra dahra prakan sturka kum wis, baha ra kaiki kaia. Yang bîli wis: ‘Dikwa kum pauta ra mangks bara lî laiks.

Isikiel 28:24

‘Israel ba kli pât wauhbia apia, kiaya tatwa bara latwan pali ba misbara ni upla wala nani kîa ba mita kaiki ba. Bara ai tânka bribia yang sika Dawan sna ba.’

Miqueas 3:8

Ban sakuna, yang maipara lika, Dawan spiritka mita karnika ni ai banhkisa, kasakka lâka tânka kaikaia karnika aikisa; bara kupi lukanka karnika ba sin, Israel, Dawan mapara bûi ba tânka param wiaia, ai saurka nani ba sin, ai mawanra kabia.

Miqueas 7:4

Witin nani tilara upla kanra yamni nani kan ba lika, kiaya dusa baku takan sa, upla kau wapnikira nani kan ba sin, rahra pali man baku takan sa. Sakuna witin nani klala briaia yua aula; baha aihwawakra aisin yua ba, baha taim sika, tanis turban kaia lâka witin nani tilara takbia.

Matiu 10:28

Man nani ra mai ikaia sip nani ba ra sibrin lukpara, witin nani karnika âpu sa rayakam ban kaia ra man nani ra mai ikaia bara hil pauta ra mai sauhkaia ban kaia ra, bahara sibrin luks.

Luk 10:19

Yang bui man nani ra karnika maikri, piuta nani bara misri nani ba minam ni taibaia, bara waihla karnika ba sut sin pura luaia, bara man nani ra lika diara kumi sin watawi mai munan kabia apia.

Luk 11:12

¿Kalila mahbra makabia kaka, misri ni yaia?

Luk 12:4

“Man nani, yang upliki nani sma ba, naha mai wisni: Sibrin lukpara baha nani wînam tara ikbia, sakuna ningkara diara wala kumi sin sip mai munras ba.

Apastil Nani Sturka 4:13

Aidrubanka wihtka nani ba mita kaikan, Pita Jan wal lika sibrin âpu kira aisi kan, bara kaikan baha nani wauhkataya uya lan takras kan, upla wala nani wal baku. Bamna tâ iwi banhwata, kan latan kaikan naha nani Jisas wal tauki kan.

Apastil Nani Sturka 4:19

Kuna Pita Jan wal pana win: —Man nani pali luki kaiks, Gâd mawanra aitani kabia sapa yang nani Gâd bîla walaia katna ba swi si, man nani bîlam walamna kaka.

Apastil Nani Sturka 4:29

Bara nanara, Dawan, kaiks witin nani sirang wan iki ba, kuna man nampakan nani ra kupia karna dauks, man smalkankam ba sibrin âpu aisaia ba dukiara.

Epesus 6:19

Yang dukira sin puram suni bas, aisaia awarka ra Gâd mita bîla nani aikka aisamna, bara baku mika yang sip kamna swaki sakan sturka yamni yukukan ra ba sibrin âpu param aisaia.

Pilipai 1:28

Waihlam nani sîa yapara. Naha na witin nani tanis tiwaia sainka latan pali sa, sakuna ban sin man nani swaki mai sakan ba marikisa; bara naha na Gâd wina aula.

2 Timoti 1:7

Kan Gâd mita si briaia spiritka lika wankras sa; sakuna, ai Spiritka ba mita karnika tara wankisa, latwan lâka bara wan sinska yamni bri kaia ba sin.

Hibru Nani 11:27

Kasak lukan lâka mita, Moses ba king kupia baiwanka sîa âpu Idsip tasbaya wina taki wan, kan witin dîa daukaia lukan ba kat ban kata, upla mita Gâd ra sip kaikras ba witin kaiki kan baku.

1 Pita 3:14

Sakuna man nani rayakam wapni ba tâwan pât wahwi kama kra, kuna lilia kama. Upla kumi ra sin sîa yapara, si bripara,

Param Marikanka 9:10

Ai wâika nani ba napa nani bri kan, sim misri bri ba baku. Bara ai wâika nani ra karnika bri kan upla nani ra rausauhkaia kati matsip prais.