Isikiel 18:21 - DAWAN BÎLA AISKA

²¹ “Saurakira ba, ai saurka dauki kata wina dakwi takbia sa kaka, bara lâika nani ba sut daukbia, diara wapni ba kat daukbia, bara kasakka lâka ba sin, kasak pali raya kabia, prubia apia.

Isikiel 18:21 ပူးပေါင်းရင်းမြစ်များ

Blasi Sturka 26:5

Ebraham yang lâika bîla nani wali daukan, yang adarki nani sin alki brih daukan bamna.”

Lawana Nani 119:1

Lilia pali sa, baha nani ai yabalka ra tâski âpu impaki nani ba; bara Dawan smalkanka nani nina bliki ba.

Lawana Nani 119:112

Yang kupi wal luki daukri lâmka nani ba kulki daukaia, ban kaia ra, tnata kat.

Lawana Nani 119:80

Kupi ba yarka kasak kabia, man lâmka nani ra, baha mita swiri daukan kabia apia.

Sins Lâka 28:13

Ani uplika ai saurka nani pura biki ba, ai bisniska ba sip yamni takbia apia; sakuna baha nani ai dahra saki si mahka swi ba, saurka swih tikbia.

Jirimaya 18:8

Sakuna baha nisanka ba saura dauki ba mahka swibia kaka, klala yabaia ridi daukri ba blikamna apia.

Jirimaya 26:3

Ban kra witin nani mai walbia bara ai daukanka saura ba swibia, bara yang luki kaikamna diara saura daukan ba mana klala yabaia apia, yang pat luki kaikri ba baku.

Isikiel 13:22

Man nani, kuninkam lâka ni, upla yamni nani ba sasibrira daukram, yang baha daukaia lukras katna ba, bara kli tawan taim watawikira nani ra tâ baikisma ai daukanka saura nani ba ban dauki kaia. Baku yang bui witin nani ra rayaka yabamna apia dukiara.

Isikiel 18:17

ya upla kum ra sin saura munras, lalah upla ra lin muni kli baha pura praki mana briras; lâika nani ba daukisa, adarki nani ba diara daukisa; baha waitnika ba ai aisika saurka mana prubia apia. Kasak aisisna witin raya kabia.

Isikiel 18:19

Man nani makabi walma: ‘¿Dîa muni luhpia ba ai aisa saurka mana sin aibapras?’ Kan luhpia ba wapni bara kasakka ba kat daukan bara yang lâika bîla nani ba kat daukan bara iwan: bamna kasak aisisna raya kabia.

Isikiel 18:30

Yang bui man nani kumi bani lâmka daukisni, Israel wina nani daukanka ba kat. Yang, Dawan, kasak aisisna. Watawankam nani sut ba mahka swis, bara man nani klauna sauhki mai tikaia pâtka ba brima apia.

Isikiel 18:5

“Upla wapni ba sika, diara kasak bara wapni daukisa:

Isikiel 18:9

yang lâika ba kat taukisa bara lâ yabri ba kat daukisa. Kasak pali baha uplika ba wapni kat sa, baku bamna, raya kabia. Yang, Dawan, kasak aisisna.

Isikiel 3:21

Sakuna man, ban waitnika ba ra kupia kraukma kaka, saura daukaia apia dukiara, bara witin saura daukras kabia kaka, witin ban raya kabia smalkram tâka, bara man sin sulkam pri sakram kabia.”

Isikiel 33:19

Bara ban sakuna, saura dadaukra ba saurka swibia bara yamnika bara kasakka lâka daukbia kaka, baha tâka raya kabia.

Isikiel 36:27

Man nani ra spiritki maikamna, bara yabrika lâika bîla bara daukaia lâka daukri ba kulkbia;

Daniel 4:27

Baku bamna, king dîa mai wisna ba kat dauks, diara sut wapni kat dauks bara sin kli saura daukpara, saurkam nani ba mahka swis, bara umpira nani ra hilp muns, ban kra baku lika sip kama king ban kaia kupia kumi lâka ra pâwi kaia.’ ”

Luk 1:6

Witin nani wâlsut Gâd mawanra upla kasakkira kan, Dawan lâka nani bara ai adarka nani sut ba bîla wali dauki kan; baha mita upla kumi sin witin nani ra diara aihka kumi sin sip sakras kan.

Luk 24:47

bara ai nina ba nisan nani sut ra aisi smalkan kabia, Jerusalem ba wina tâ krikaia baha nani ra sin wiaia, ai saurka nani ba wina ai kupia lakbia, bara baku mika ai saurka nani ba sut swin tikan kabia.

Apastil Nani Sturka 3:19

Baku bamna, man nani sut daukankam saura nani wina mahka Dawan ra taws, bâra mika saurkam nani sut ba diki sakan kabia. Baku bamna, Dawan bui man nani mai rakaia piua ba blîkbia,

Roman 8:13

Kan man nani wînam brinka lâka kat raya kaia lukisma kaka, man nani lika pruma; sakuna wînam lâka ba Spirit mita ikbia kaka, man nani lika raya kama.

Jems 2:14

Muihki nani, upla kum wibia kasak lukan lâka brisa, sakuna wark yamni daukras kaka, ¿witin mapara dîa hilpka bâra kabia ki? ¿Kasak lukan lâka ba mita sip sa ki witin ra swaki sakaia?

Jems 2:26

Wan wîna tara ba spirit âpu kaka, pruan sa; bara kasak lukan lâka daukanka yamni ba maikras kaka, baha sin pruan sa.