Isikiel 18:17 - DAWAN BÎLA AISKA

¹⁷ ya upla kum ra sin saura munras, lalah upla ra lin muni kli baha pura praki mana briras; lâika nani ba daukisa, adarki nani ba diara daukisa; baha waitnika ba ai aisika saurka mana prubia apia. Kasak aisisna witin raya kabia.

Isikiel 18:17 ပူးပေါင်းရင်းမြစ်များ

Job 29:16

Diara luha nani aisika kapri, bara kuntri wala uplika nani tâwan aisasara sin.

Lawana Nani 119:1

Lilia pali sa, baha nani ai yabalka ra tâski âpu impaki nani ba; bara Dawan smalkanka nani nina bliki ba.

Lawana Nani 119:3

baha nani saura daukras ba; witin nani Dawan yabalka ra wapisa.

Sins Lâka 14:31

Upla umpira ra taibi ba, Papaskrika ba mina batakisa; sakuna baha uplika ra kulkanka yabi ba lika, Papaskrika ba mayunisa.

Sins Lâka 29:14

King kumi kasak tânka kat upla umpira nani lâka aisi dauki ba, witin iwaika ba lika ban kaia ra dutki bapan kabia.

Sins Lâka 29:7

Upla kasakkira lika, umpira uplika nani lâ dimi ba dukiara uya lukisa, sakuna upla watawikira lika, ai kupia wiria sin lukras.

Jirimaya 16:19

Dawan, yang karniki bara kaini kakahbra, yang yukuwaiki trabil brisna piua ra; nisan nani ba man ra balbia, tasba paskanka takaskan ba wina bal, bara mai wibia: “Kunin gâdka nani, diara bahki, karnika âpu nani ba baman, damiki nani ba ai dukia kukanka baku brin.

Jirimaya 22:16

Umpira nani, taiban uplika nani ba raitka tâwan aisi kan, ba mita dauki kan ba yamni man taki kan. Baha tânka sika man ai kakaira takaia sma. Yang, Dawan, kasak aisisna.

Isikiel 18:13

lalah upla ra lin munisa lukan tâski wal bara kau pura praki kulkaia dukiara; baha waitnika ba raya kabia apia. Baha ningkara naha dukia nani sut daukan ba, yang yamni kaikras na ba, rawaia apia, pruan kabia; bara witin klauna ai pâtka kabia ai prurika ba.

Isikiel 18:18

“Ai aisika, upla ra tataibra kan ba, bara implikan ba, bara diara saura daukan ba uplika tilara, prubia bara klala yabanka baku klauna ai saurka mana.

Isikiel 18:28

Ai nakra kwâkbia kaka, bara ai saurka daukan nani sut ba wina tnaya ra takbia kaka, witin raya kabia, prubia apia.

Isikiel 20:18

Baku luhpia nani ra makabri, ai aisa nani makabi ba daukbiara, dîa daukaia wi ba daukbiara, aidul aikuki tâski takbiara.

Isikiel 20:30

“Israel tawanka ra wis: ‘Naku wisa Dawan ba: ¿Dîa muni man nani, almukkam nani baku tâski takaia brinkam sa? ¿Dîa muni yang wal kasak apia sma, aidul yamni kaikras ra mayuni banhwisma?

Isikiel 3:21

Sakuna man, ban waitnika ba ra kupia kraukma kaka, saura daukaia apia dukiara, bara witin saura daukras kabia kaka, witin ban raya kabia smalkram tâka, bara man sin sulkam pri sakram kabia.”

Isikiel 33:13

Yang raya kaia pramiska yabuna upla yamni kum ra, bara witin bahara ai kupia yamnika tniwi, saura daukbia, diara yamni daukan kum sin kulkamna apia, kuna saurka daukan ba mita prubia.

Daniel 4:27

Baku bamna, king dîa mai wisna ba kat dauks, diara sut wapni kat dauks bara sin kli saura daukpara, saurkam nani ba mahka swis, bara umpira nani ra hilp muns, ban kra baku lika sip kama king ban kaia kupia kumi lâka ra pâwi kaia.’ ”

Libait Lâka 18:26

Sakuna man nani Israel luhpia nani, tringsar nani man nani tilamra iwi banhwi ba sut, yang lâ maikri ba daukaia sma, naha daukanka saura ba kumi wal tâski takpara,

Libait Lâka 18:30

Bamna lâika nani ba alki lan taks bara saurka ra kauhpara, wala nani kainamra kauhan ba baku, witin nani wal sin tâski takpara. Yang sika man nani Dawan Gâdkam.”

Libait Lâka 18:4

“Yang dîa mai wisna ba dauks, yang bui lâ maikri ba alki dauks bara baha wal iwi bas. Yang sika man nani Dawan Gâdkam.

Malaquía 3:7

Man nani sin lâika nani daukaia ba wina laihura waram, damikam nani lâika wina laihura wan baku, witin nani ba yang bîli wali daukaia apia wisi. Yang karnika sut alki brisna Dawanka ba, man nani ra wisma: ¡Man nani kli yang ra tawi bal, bara yang sin man nani ra kli tawamni! Ban sakuna, man nani aisisma: ‘¿Dîa dukiara yang nani na man ra kli tawaia sna?’

Luk 19:8

Bara Sakius ai mina ra bûi, Dawan ra win: —Kaiks, Dawan, dîa brisna ba wina bakriki prais umpira nani ra yabisna; bara upla dukia kunin muni implikri kaka, kau aima walhwal prais yabaisna.

Roman 2:7

Gâd mita raya ban kaia lâka yabia, ani uplika nani wark painkira daukisa, bara mayunra, pain kulkan lâka wal pliki ba;