Isikiel 18:12 - DAWAN BÎLA AISKA

¹² upla umpira ai nitka bri nani ra taibi ba, upla wala nani ra impliki ba, ya wina diara brin dukia nani ba kli aibapras ba, witin ai lukanka gâd bahki nani ba ra mangki ba bara yang saura kaikisna dukia nani dauki ba,

Isikiel 18:12 ပူးပေါင်းရင်းမြစ်များ

2 King Nani 21:11

“Manasés Juda kingka ba saurka nani ailal daukan bamna, bara sin witin ba kau saurka daukan amorreo nani kaina piua ra daukan ba wal, baku Juda ra saurka yaban daukan lilka bahki ba wal,

2 King Nani 23:13

Baku sin, king mita tâski kulkan idan nani gâdka bahki nani, Jerusalem lalma ra paski bri kan ba, bara Oliv nani ilka waupasa tani ra bri kan ba, Salaman Israel kingka ba mita paskan, Astarté gâdka bahki ba, Sidón uplika nani bara Quemós bara Moab uplika nani aidulka saura nani ba sin. Milcom bui aidul saura Amón luhpia nani dukiara paskan ba baha nani sut ba sin sauhki tikan.

Aiseya 3:14

Dawan bal upla lâ ra paiwbia, tawan almukka nani ra, wihta nani ra wibia: “Man nani sika wainki nasla ba âpu daukisma; bara umpira nani dukia ba implikram, baha dukia nani ba wamtla nani ra dingki main kaikisma.

Jirimaya 22:17

“Sakuna man lika yakan briaia trabil taki lukisma saura dauki sakram ba wina, pâtkas nani ba ikaia daukram, uplikam nani ba taibisma bara dukia dakbisma.”

Jirimaya 22:3

‘Kasak lâka bara wapni lâka ba man nani naha tasbaya ra dauks, man nani tataibra nani ba mihta wina taiban uplika nani ba pri sâks, tringsar nani ba mâyara kulkpara bara sin rausauhkpara, rau nani ba bara piarka mairin nani ba sin. Upla pâtkas nani ba sin ikpara.

Isikiel 16:49

Muihkam Sodoma saurka ba naha sa: witin bara ai tawanka sirpi nani wal manis pali kwalhwi kata plun manis bri ba dukiara, bara witin baman sip sa baku luki ba dukiara, kuna umpira nani ra tâ baikras kan, baku sin diara luha nani ra.

Isikiel 18:16

upla wala ra taiban lâka daukras kabia; diara witin wina lin taki ba mana aibapaia taibi munras kabia; upla kum ra sin implikras, plun dauki nani ra plun bri ba yabi kabia, kwala luha nani sin kwala yabi kabia;

Isikiel 33:25

Baku bamna, wis: ‘Dawan ba naku wisa: Man nani wîna tala wal pisma, aidul ra mayunisma, upla ikisma, ¿bara lukisma kuntri dawanka kaia?

Isikiel 7:23

“Sîn kum dauks, kan tasba na tala laikan lâka ailal pali sa bamna, bara tawan ba lâ krikaia lâka manis pali sa.

Isikiel 8:17

Bamna Dawan bui ai win: “¿Man kaikisma ki? ¡Juda uplika nani baha diara nani saura dauki ba wal kau aitani apia sa, baha purkara kuntri na sin saurka lâka wala ni banhkan! Natka kum wina natka wala ni yang kupi laikisa, kaiks baha kîa nani ba kâikma kat aula.

Isikiel 8:6

Baha ningkara ai win: “¿Kaikisma Israel luhpia nani diara saura dauki ba, baha nani wal sika, tempelki holikira wina laihura auya ba? Baku bamna, kau diara saura nani kaikma.”

Oseas 12:7

Dawan ba aisisa: “Kenan ai mihta ra implikaia paunka ba brisa, kan witin lika upla ra implikaia lihki bamna.

Libait Lâka 18:22

“Waitna tamhkia ra yappara, man mairin kum wal yapisma baku. Baha sika nina sauhkaia lâka saurka kau tara ba.

Emus 4:1

Sameria mairka nani, Basán bîpka mairin batanira nani, naha dahra aisin bîla na wals, upla umpira nani ra raitka yabras taibi munisma, bara upla diara nitka bri nani ra saura pali munisma ba, mayam waitna nani ra adar yabisma wain laya diaia bri sal maikbia.

Sakaraya 7:10

Piarka nani ra, rau nani ra, tasba wala uplika nani tilamra ba, upla umpira nani ra, lâ wirhika witin nani purara kahbiara. Pana pana walkam ra sin saura munaia lukpara.”

Jems 2:6

Sakuna man nani lika umpira nani ra swira daukisma; ban sakuna, lalahkira nani ba sika man nani ra taibi mai bri ba, ¿bara wihta nani mawanra raski mai brih wi ba?