Isikiel 17:20 - DAWAN BÎLA AISKA

²⁰ Witin purara iliski ba wauhamni, baha wal alkamna; Babilon ra brih wamna, bara bahara lâ ra dingkamna yang wal kasak apia kan ba tâwan.

Isikiel 17:20 ပူးပေါင်းရင်းမြစ်များ

2 Samuil 18:9

Absalón muyul kum ra uli auya kan, Debit suliarka mawan kat pah takan. Muyulka ba plapi usupum dusa tara munhtak wih diman, bara Absalón tâwa ba dus tnawa ra blakan bara pâsa ra bahara aipami kan, muyulka lika plapi taki laihura wan.

2 Kronikas 33:11

Baha mita Dawan bui witin nani ra brih balan, Asiria kingka war wihtka nani, bara baha nani mita Manasés ra kiulh wal alki, bara bras sînka nani wal wilkan bara Babilon ra brih wan.

Job 10:16

Yang na prautkira takisna kaka, man lika layan baku nini blikisma, wark aihka nani sin daukisma âpu ai daukaia dukiara.

Smasmalkra 9:12

Tani wala ra, upla kumi sin ai dahra walras, ahkia pali ba ai piua kabia; baku sin inska nani ba ilis ra aimaki sip takras, bara piawira nani ba sin ai dara walras daiwan alkaika ra diman sip takras ba, baku sin upla ba bîla kaikras kan pat pât ra dimisa.

Jirimaya 2:35

Sakuna man baha sut dauki si bara aisisma: ‘Yang lika pâtkas. Gâd kupia baiwanka maipara âpu sa.’ Bamna aitani, man pat aisisma man saura daukras, sakuna lâ daukaia piua kum mangkaisna.

Jirimaya 2:9

“Baha mita, yang Dawan ba, kasak aisisni: Daukaia piua kum kau mangkaisna man nani mampara bara mulam nani mapara sin.

Jirimaya 34:21

Yang sin daukamna, Babilon kingka aiklaklabra nani sin nanara sâp takan ba, baha nani prura kat ai waihla kaia ba mihta ra kauhaia Sedequías Juda kingka ba wihta tara nani ba sin.

Jirimaya 37:17

Bara king Sedequías ai bîla blikan Jirimaya ba saki king watla ra brih wabia, bara witin nani Jirimaya ba king mawanra brih wan; bara yukuwan ra king ba witin ra makabi walan: —¿Dawan wina bîla blikan kum bâra sa ki? Jirimaya pana win: —Âu, naku ai bîla blikan sa: King ba Babilon kingka mihta ra mangkan kabia wisa.

Jirimaya 50:44

“Yang kakalni balamni, Jordan awala unta tila wina layan kum taki aula ba baku, witin bal taki auya twi kura sangni baman pâwi ba tasbaya kat, Babilon uplika nani ba munrika baha wina plapbia, bara yang bâk sakuna uplika ba yarka, bahara wihta aimakbia. Bamna, ¿ya yang wal ai prakaia sip sa? ¿Ya bal yang maiwanra buaia sip sa? ¿Ani sepadka ba yang maiwanra bal bapi buaia sip sa?

Inanka Nani 1:13

Dawan mita pura wina pauta blikan, yang dusi nani kat saura pali munan; wan mina alkaia dukia nani wapaiki nani ra mangkan, bara ai munan kli ninira tawri; bara ban ai lulki swin sa, pât wahwi kaia minit bani.

Inanka Nani 4:20

Silak watla kat kauhan sa Dawan bâk sakan uplika ba, wan rayaka ra wingka puhbra yabi kan ba, king baha pali dukiara aisi kan ba. ‘‘Ai distika ra tawan nani ba tilara iwi kabia.’’

Isikiel 12:13

Yang iliski ba witin purara wauhi baha wal alkamni. Babilon ra brih wamni Caldea uplika nani tasbaya ra, tasba kum witin sip kaikras kabia, bara bahara witin prubia.

Isikiel 15:8

Bara kuntrikam ba bîla man, upla iwras tasbaya daukamna, kan yang wal kasak lâka luha kan bamna. Yang, Dawan, kasak aisisna.”

Isikiel 17:19

‘Yang, Dawan ba, rayaki wal swer takisni: witin pramis ai daukata ba daukras kan, bara wal lâ daukata ba sin kulkras kan; bamna dîa daukan ba dahra makabamna.

Isikiel 18:24

“Kuna kasakkira ba ai natka kasak nani ba swibia kaka, bara diara saura nani sut ba kli daukbia saurakira baku; ¿man nani lukisma ki, witin ba raya kaia sa? Yang kli kupi kraukamna apia diara yamni daukan nani ba ra, ai kasakka lâka luha bara ai saurka ba tâka prubia.

Isikiel 32:3

‘Dawan ba naku wisa: Tawan ailalkira nani tilara kama sin, iliski ba man puramra mangkamna bara baha wal mai alkamna.

Oseas 2:2

Dawan aisi wisa: “¡Man nani yaptikam lâka aisi dauks, dahra sâks, kan witin ba, yang mayi apia takan sa, yang sin witin ai maya waitna apia sna! ¡Ur mairin lâka ba swibia ai waitnika nani ba, ai lamkuka wina saki batakbia!

Oseas 7:12

Sakuna witin nani bahara wabia ba ra, yang sin witin nani purara iliski lulkamni; piawira nani alki baku, alki pâsa wina batakamna, witin nani watawi daukan ba tâka, baku alkamna.

Miqueas 6:2

Il tara nani, tasba playka karnika bapanka nani sin, Dawan lâ aisi dauki ba man nani wals; Dawan lika ai uplika nani mapara lâ aisi daukaia brisa, Israel mapara karna blahwaia sin brisa.

Luk 21:35

Mina alkaia kumi ai bîla prakuya ba baku kabia, naha tasba ra iwi uplika sut ra.