Isikiel 17:19 - DAWAN BÎLA AISKA

¹⁹ ‘Yang, Dawan ba, rayaki wal swer takisni: witin pramis ai daukata ba daukras kan, bara wal lâ daukata ba sin kulkras kan; bamna dîa daukan ba dahra makabamna.

Isikiel 17:19 ပူးပေါင်းရင်းမြစ်များ

1 King Nani 2:32

Bara Dawan bui ai tâlia ba tahki witin lal ra sunbia, kan witin bui Ner luhpia Abner, Israel war wihtka tara wâl kan ba ikan skiru ni, bara Jéter luhpia Amasá ba sin, witin Juda war wihtka tara pali kan ba.

1 King Nani 2:33

Baha nani tâlia ba Joab purara kauhan sa, ai kiamka nani purara sin ban kaia ra; ban sakuna Debit bara ai kiamka nani purara bara ai king iwaika purara sin Dawan wina ban kaia ra kupia kumi lâka bâra kabia.

Jirimaya 27:8

Sakuna tila nisan nani king Nabucodonosor bîp lal ra mangkaika dusa bri ba ra bawras sa kaka, baha nani yang klala yabamna, war blikamna, sanglang iwbia, siknis yarka baha nani sut ra alkbia, witin ai lâka ra bawbia ba kat. Yang, Dawan, kasak aisisna.

Jirimaya 37:17

Bara king Sedequías ai bîla blikan Jirimaya ba saki king watla ra brih wabia, bara witin nani Jirimaya ba king mawanra brih wan; bara yukuwan ra king ba witin ra makabi walan: —¿Dawan wina bîla blikan kum bâra sa ki? Jirimaya pana win: —Âu, naku ai bîla blikan sa: King ba Babilon kingka mihta ra mangkan kabia wisa.

Jirimaya 5:2

Upla ailal bâra sa Dawan nina ra aisi swer takisa, sakuna witin nani kunin man aisisa.”

Jirimaya 5:9

¿Witin nani baha daukan ba yang klala yabaia apia sna ki? Tawan kum uplika nani witin nani dîa daukan ba, ¿yang bui witin nani ra baha praiska kat mana yabaia apia sna ki?

Isikiel 16:43

Man âmya tikram tiara katma ba, bara kasak kupi sauhkram daukankam nani saura ba ni, yamni kaikras sna ba wal; baku bamna, klala maikamna baha daukankam ba tâwan. Yang, Dawan, kasak aisisna.

Isikiel 16:59

‘Yang Dawan sna ba, naku wisna: Maikaia ba maikamna, kan man pramiskam kat daukras kapram, bara wal lâ daukan alki daukras kapram.

Isikiel 17:18

kan witin pramis daukan ba lawaska kikan bamna, wal lâ daukan kata ba kat daukras kan; pramis takan kuna sut daukras kan, bamna rayaka wal swak takbia apia.

Isikiel 17:20

Witin purara iliski ba wauhamni, baha wal alkamna; Babilon ra brih wamna, bara bahara lâ ra dingkamna yang wal kasak apia kan ba tâwan.

Isikiel 9:10

Baku bamna, yang bui witin nani ra umpira kaikamna apia, ai daukanka tâwan yang yabrika aibapan kabia.”

Kli Smalkanka 5:11

‘Dawan Gâdkam nina ba diara bahki lâka daukaia dukiara brih mâkpara, kan witin ai nina diara bahki daukaia dukiara brih mâki nani ba, klala yabras ban pâtkas swibia apia sa bamna.