Isikiel 16:7 - DAWAN BÎLA AISKA

⁷ Yang mai daukri man dus kum baku pâwaia. Tara pali pâwram, tara takram bara mairin takram. Tialkam nani ba tranwa takan, bara tâmwa sin pâwan. Sakuna kwala luha kapram.

Isikiel 16:7 ပူးပေါင်းရင်းမြစ်များ

Blasi Sturka 22:17

kasak pali yang yamni mai munamna, kiamkam ba slilma ailalka kasbrika purara bâra ba baku, ailal pali daukamna, kabu sin auhika ailal kabu un ra ba baku daukamna. Baha purkara, witin nani mita ai waihla nani sut pura lubia,

Job 1:21

Bamna naku aisata: —Kwala luha tasba ra balri, bara kwala luha naha tasba wina wamna. Diara sut Dawan mita aikan, bara Dawan mita sin kli mihti dakban; ¡Dawan nina ba ban mayunan kabia!

Lawana Nani 135:4

Dawan Jekob ba bâk saki brin, Israel ba, ai dukia kukan kabia wisi.

Lawana Nani 148:14

Witin ai karnika ba ai uplika nani ra yaban sa. Witin ba ai uplika kasakkira nani mayunra sa, Israel luhpia nani, upla banhwi ba kum, witin ai lamara bri ba. ¡Dawan ba mayunan kabia!

Impakan Sturka 1:7

Sakuna Israel luhpia nani ba, luhpa nani ailal brin bamna, sahwi ailal taki bara karnakira sin takan. Tasbaya ba witin nani ni banhwan.

Impakan Sturka 12:37

Israel luhpia nani mahka taki wapan Ramsés wina Sucot ra. Mairin bara tuktan nani ailal kan ba lika, kulki kaikras kan. Sakuna waitna nani baman suldiar aimakaia manka alkan ba 600,000 kulkan kata.

Impakan Sturka 3:22

Mairin kumi bani, Idsip mairka nani ai lamara aikuki iwi ba ra, ai watla ra witin aikuki dimi nani ba ra sin diara makabaia: silbar dukia nani, gul dukia nani, kwala nani sin, bara baha dukia nani ba ni ai luhpia waitna ai luhpia mairin nani prâka dingki brih taki wabia, baku natka ra Idsip uplika nani yuyaka ba sut dakbi brih taki wabia.

Yamni Kulki Lawana 4:5

Man tialkam nani ba, snapuka luhpia wâl baku sa, snapuka luhpia sutki baku sa, tangni nani lilara twi pi ba.

Yamni Kulki Lawana 8:10

Yang na kutbanka kum baku sna, tiailka nani ba sin tawerka nani baku sa. Baha mita, witin nakra ra yang lilia lâka pat sakri.

Yamni Kulki Lawana 8:8

Yawan wan muihni mairin lupia ba, witin ai tialka kau tilras sa. ¿Yawan bui witin dukiara dîa daukaia ki, waitna bui witin makabaia balbia ba ra?

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Aiseya 62:3

Bara man ba mayunra kraunka kum kama, Dawan mihta ra bara king tasbaya kraunka kama man Gâdkam mihta bilara.

Isikiel 16:16

Man prâmka nani ni il nani ra idan nani ai pura sunaia tintka watla paskan, bara man baha bilara ur takram.

Isikiel 16:22

Man yabal mairka takram bara rayaka yamni apia ba wal âmya tikram, tuktan mairin katma ba; bara kwala luha katma ba, tala ra prawi katma ba.

Isikiel 16:6

Yang lamak luri, bara mai kaikri minam mai kaikri mai baikan tala tilara kapram, yang lukri aitani sma raya kaia.

Oseas 2:3

Witin baku daukras kabia kaka, susu dauki swimna: witin aisubi takan ba yua ra, dîa luha kata ba baku, upla iwras tasbaya baku daukamna, tasba lâwan baman kabia, bara lî diran bla yarka prubia.

Apastil Nani Sturka 7:17

“Gâd bui Ebraham ra swer taki kira pramis munan yua ba pat aimakaia man kan ba ra, Israel nisanka ba Idsip ra ailal pali sahwan kan.

Kli Smalkanka 1:10

Dawan Gâdkam, luhpa nani ailal pali maikan, nanara man nani upla ailal pali sma, slilma ailalka nani baku.

Kli Smalkanka 1:11

Damikam nani Dawanka, Gâd mita man nani ra aima tausin ailal ai yamnika nani kau maikbia, bara kau ailal sahwi kama, witin bui man nani ra mai win ba baku.

Kli Smalkanka 4:8

¿Nisan tara pali aihwa bâra sa ki, naha lâka nani diara daukaia lâka nani kasak pali ba, naiwa yang bui man nani ra mai smalki mamrikisna na lâka bri ba?