Isikiel 16:53 - DAWAN BÎLA AISKA

⁵³ ‘Yang Sodoma ra bara Sameria ra yamnika lâka ba kli laki yabamna, ai tawanka sirpi sut ra, bara man ra sin pâwaia lâka ba maikamna.

Isikiel 16:53 ပူးပေါင်းရင်းမြစ်များ

Job 42:10

Job ai pânika nani dukiara ai pura sunan ba ningkara, Gâd mita ai dukia nani kan ba kli yan kainara kata ba baku, kainara bri kan ba wal kau aima wâl prais.

Lawana Nani 126:1

Priski brih wan uplika nani ba Dawan mita kli Saion ra brih balan ba ra, yang nani yaprisauhkan ra kaiki baku kapri.

Lawana Nani 14:7

¡Ay, Saion ilka wina Israel luhpia nani hilpka lâka ba balbia kaka! Dawan bui ai uplika nani ba pri sakaia lâka daukbia ba ra, Jekob kiamka nani ai âuyapah kabia, Israel sut sin lilia kabia.

Lawana Nani 85:1

Dawan, man naha kuntrikam na wal pain pali kapram. Jekob liliaka kata ba kli laki yabram sa.

Aiseya 1:9

Karnika sut pali bri Dawanka ba mita, upla dakni sirpi nâra ban wan swiras kan kata, nanara yawan na pat Sodoma, Gomora baku takan kaia kan.

Jirimaya 12:16

Witin nani mita saki yang upliki nani ba Baal ra swer takaia smalkan ba, sakuna nanara upliki nani tilara iwaia sip kabia, upliki nani nini mâki maiyuni ba witin nani sin aitani lukbia bara nini bri swer taki aisabia: ‘Dawan raya ba mita.’

Jirimaya 20:16

¡Baha waitnika ba Dawan mita sauhkan tawanka nani ba baku sauhkan ba ban kabia! ¡Titan ra wali kabia latwan pali bri inanka nani ba, bara wan lal kat war winanka ba,

Jirimaya 31:23

Dawan karnika sut bri ba, Israel Gâdka bila wisa: “Yang Juda uplika yamnika ba aihka daukamna ba ra, witin nani kli ai tasbaya ra balbia bara ai tawanka nani ra kli wibia: ‘¡Dawan yamni munbia naha ilka holikira ra kasakka lâka dauki ba!’

Jirimaya 46:27

“Duki dadaukra, Jekob uplika nani, si bripara; Israel, si bripara. Man bara luhpiam nani ba swaki sakamni tasba wala ra bahara silak ra mangkan ba wina. Kli kupiam kumi iwi kama, âmyapah, upla kumi sin sirang mai ikbia apia.

Jirimaya 48:47

Sakuna baha ningkara yang kli lakamna Moab ba kli yamnika briaia; yang, Dawan, kasak aisisna.” Naha sika Dawan mita Juda mapara lâ daukan ba.

Jirimaya 49:39

Sakuna naika Elam ba kli sât wala takbia yamniki nani yabamna ba ra, Yang, Dawan, kasak aisisna.”

Jirimaya 49:6

Sakuna piua balbia yamniki nani ba Amón ra kli yabamna. Yang, Dawan, kasak aisisna.”

Isikiel 16:52

Man swiram daukan lâka ra bapi buaia kama, kan muihkam nani purkara kau saura daukram bamna; pâtkas talia daukram; baha swirka lâka, bara swira daukan lâka ra bapi buaia kama, kan muihkam nani ra pâtkas talia daukram.

Isikiel 16:54

Kuna ban swira daukaia lâka ra bapi buaia kama, bara swiram takaia daukram ba dukiara; baha wal witin nani maisa nihkra kama.

Isikiel 26:6

Bara tawanka wala wina bal iwan nani ba sin, sord malika ra kauhbia. Bara ai tânka bri banhbia, yang sika Dawan sna ba.

Isikiel 29:14

Yabrika Idsip silak uplika nani ba, kli tawi balbia bara Idsip waupasa tani ra iwbia, kainara bâra kata pliska ra; bahara king lâka bahki kum mangkbia.

Isikiel 39:25

“Baha mita, yang Dawan sna ba, wisni: Nanara kupi pihni lâka brimni Israel uplika aiska dukiara, Jekob kiamka nani dukiara. Yabaisni nahki kaia ba, bara taibi munaia nini ba kulkanka tara yabia dukiara.

Joel 3:1

Dawan aisisa: “Baha piua nani bal aimakbia ba ra, yang daukamna, upla nani Juda bara Jerusalem wina saki alba briaia priski brih wan nani ba kli balaia.