Isikiel 16:43 - DAWAN BÎLA AISKA

⁴³ Man âmya tikram tiara katma ba, bara kasak kupi sauhkram daukankam nani saura ba ni, yamni kaikras sna ba wal; baku bamna, klala maikamna baha daukankam ba tâwan. Yang, Dawan, kasak aisisna.

Isikiel 16:43 ပူးပေါင်းရင်းမြစ်များ

Lawana Nani 106:13

Sakuna pat pali Gâd lika dîa daukan ba ai âuya tikan, bara ai warkka daukaia kata ba bîla kaikras kan.

Lawana Nani 78:40

¡Aima an Gâd bîla wali daukras kan bara upla iwras tasbaya ra yaban pât wahwan!

Lawana Nani 78:42

Baha yua dukiara ai kupia krauki banhras kan, Gâd mita ai karnika ba wal, ai waihla nani mihta wina swaki sakata ba;

Lawana Nani 95:10

Baha kiamka nani ba wal 40 mani kupi sauhki katna, bara wîri: ‘Naha uplika nani sut tiwi wataukisa; yang lâika bîla nani wali daukras.’

Aiseya 63:10

Sakuna witin nani Dawan mapara babura nani takan, Dawan holikira lâka ba witin nani mita kupia baikaia daukan; baha mita witin baha nani ba waihla takan bara witin nani ra aiklaban.

Jirimaya 2:32

¿Mairin kum ba ai prana dauki aiskahki dukia nani ba, marit takan prâka skahkan ba âuya tiwbia ki? Ban sakuna, yang upliki nani lika piua wihka pat ai âuya ai tikan sa.

Isikiel 11:21

Sakuna baha nani saurka ra iwi nani ba, bara upla yamni kaikras nani ba, yang mita makabamni ai daukanka saura nani mana aibapaia. Yang, Dawan ba, kasak mai wisni.’ ”

Isikiel 16:22

Man yabal mairka takram bara rayaka yamni apia ba wal âmya tikram, tuktan mairin katma ba; bara kwala luha katma ba, tala ra prawi katma ba.

Isikiel 16:58

Nanara saura daukram tâwan, klala maikuya ba bapi buaia kama. Yang, Dawan, kasak aisisna.

Isikiel 17:19

‘Yang, Dawan ba, rayaki wal swer takisni: witin pramis ai daukata ba daukras kan, bara wal lâ daukata ba sin kulkras kan; bamna dîa daukan ba dahra makabamna.

Isikiel 22:31

Baku bamna, yang klalki witin nani purara bri balri, bara yang sauhki tikri kupi baiwanka ba wal, yabrika ai daukanka dukiara aisabia. Yang, Dawan, kasak aisisna.’ ”

Isikiel 6:9

Baha nisanka nani tilara pruras swak takbia nani ba, yang ra ai kupia kraukbia; yang nahki witin nani ba yabri pât wahwaia ba ai kupia kraukbia, witin nani ba yang wal wapni apia bara tnaya ra tawan, aidul nani ra mayunan bamna. Watawika lâka nani daukan ba lukbia bara aikaban daukbia, diara saura nani kaikan wan daukras kan daukan bamna.

Isikiel 9:10

Baku bamna, yang bui witin nani ra umpira kaikamna apia, ai daukanka tâwan yang yabrika aibapan kabia.”

Daniel 9:13

Naha klalka yang nani purira balan na sut lika, Moses lâ wauhkataya ra ulban ba kat sa, sakuna yang nani bui mai plikras kapri, Dawan wan Gâdka sma ba, yang nani saurki nani ba sin kau lulkras, kasakkam tânka ba nina sin bliki banhras sna.

Daniel 9:14

Baha mita, Dawan, man naha klalka nani saki yang nani purira blikram, kan man ba sika Dawan wan Gâdka sma ba, diara sut daukisma ba tilara man ba ban kasak sma, yang nani bui man ra mai walan wan daukras kan.

Emus 2:13

Baku daukram bamna, yang bui nanara tasba minam ni taibisma ba yabrika bin tara daukbia, sim karita kum plawar mâ banhki bri kan bin dauki ba baku.

Apastil Nani Sturka 7:51

“Sakuna —Stiben lika ban aisi wi kan— man nani lika piua bani kupiam karna brisma. Man nani kiamam nani bara kupiam sin brisma, sim baha nani Gâd kakaira apia uplika nani ba baku, piua bani Spirit Holikira mapara. Man nani lika damikam nani wal baku pali sma.

Epesus 4:30

Gâd Spiritka Holikira ba sarka paskpara, kan man nani aihka saki mai muni baha sim Spiritka Holikira ni, Gâd dukia kaia wisi sîl mai mangkan sa, aiska mai swaki sakan kaia yua witin maikbia ba kat.

Kli Smalkanka 32:21

Yang traiki kaikan gâd kum gâd apia ba wal, ai gâdka kuninkira ba yang ra baku kulki ba; ¡bara yang sin traika kaikamni nisan kum nisan apia ba wal, nisan kum ai tânka briras ba yarka ai kupia sauhkbia!